請教全日班媽咪

jcfamily

囡囡剛由N班半日轉今年K1 全日, 好多問題想請教一下

1)買瞓覺既被仔, 係咪買多用被, 等冬天時可套入多一張棉被會方便實用一點 ?
2)是否要買2套床墊&被仔替換?
3)唔明白, 點解不需用枕頭仔?
4)亞女好反瞓的, 佢咪會"LOOK" 左落床.. 張床仔好細...
5)冬天時, 會穿羊毛底衫返學的, 到午睡時, 是否會照穿著瞓, 如係的話, 咁樣再+被仔咪會好熱 ??
6)係咪要剪短D 頭髮, 因為午睡後會無人幫佢地紮頭髮 ?
7)咁大班小朋友一齊瞓, 總會有D 人未瞓會嘈, 或者有小朋友喊,其他小朋友咪瞓唔到LAW ?

Confident

回復 jcfamily 的帖子


1)買瞓覺既被仔, 係咪買多用被, 等冬天時可套入多一張棉被會方便實用一點 ? 我沒有刻意買被仔,就拿家中的小童被回校 ! 冬天時我換一樣絨毛被,如果真的不夠暖,老師試過要求我帶多一張,但是在特別寒冷日子才需要,一般是不需要 !
2)是否要買2套床墊&被仔替換?
我沒有
3)唔明白, 點解不需用枕頭仔?
我那間需要帶的,所以唔清楚你那邊,不過都訓到跌晒枕頭 !
4)亞女好反瞓的, 佢咪會"LOOK" 左落床.. 張床仔好細...
她們在校的情況不一樣,不需要太擔心,不要用家裡的習慣等....搬回校,
給她返學就是想學會自理和成長,當然不容易跌下來,一般都是床貼床一排過的 !
5)冬天時, 會穿羊毛底衫返學的, 到午睡時, 是否會照穿著瞓, 如係的話, 咁樣再+被仔咪會好熱 ??
我相信老師或嬸嬸是會情況的,而且你自己也會知道需要吧,當天氣不是太凍的時候,就不用帶太多或太厚被等....
6)係咪要剪短D 頭髮, 因為午睡後會無人幫佢地紮頭髮 ?
不知你那間,我那間就有,交得給學校,請放心地給老師,嬸嬸照顧吧,我相信不會見到小朋友頭髮散亂都不處理,有N班的幼稚園內老師,嬸嬸都是非常專業和細心,其實你這個問題是個小到不能再小的問題 ! 如果連這些都擔心就可以不適合上全日班了 !
7)咁大班小朋友一齊瞓, 總會有D 人未瞓會嘈, 或者有小朋友喊,其他小朋友咪瞓唔到LAW ?
不能總捨來說,我只能說我在我孩子的幼稚園內所見的,是有些沒訓,有些訓到打風一樣,小朋友喊也會有老師或嬸嬸處理,未訓的是很自動自覺不說話睡在床上,他們很乖的,不會亂攪同學 ! 家長 , 請想清楚才決定是否交給學校返全日,想清楚後決定交給學校就請相信學校老師和嬸嬸教導和照顧 ! 過熱過冬這些是小問題,不夠暖一定有嬸嬸加被的,放心吧 !


要教導n班學生一點也不易,需要很多的愛心,耐性,細心觀察,時間教導,香港有n班全日班的學校不多........要照顧n班學生需要多很多人手,心機,時間的 ! 有幸能返全日班讓這些富有愛心的老師去教會有規律,自理是件幸福的事 !

flopsybunnies

jcfamily 發表於 12-7-18 13:23
囡囡剛由N班半日轉今年K1 全日, 好多問題想請教一下

1)買瞓覺既被仔, 係咪買多用被, 等冬天時可套入多一張棉被會方便實用一點 ?

小女喜歡蓋毛巾，冬天蓋兩張

2)是否要買2套床墊&被仔替換?

不用了吧！濕咗即洗即乾，我家有乾衣機。可加隔尿墊。

3)唔明白, 點解不需用枕頭仔?

我果間都無用，可能睡個幾兩個鐘唔太長吧。

4)亞女好反瞓的, 佢咪會"LOOK" 左落床.. 張床仔好細...

拍埋一齊得條隙，唔會碌落床的。

5)冬天時, 會穿羊毛底衫返學的, 到午睡時, 是否會照穿著瞓, 如係的話, 咁樣再+被仔咪會好熱 ??

千萬不要加羊毛底衫！可穿長內衣。寧願外面加衣，因為老師多數都唔會脫校服內的衫，除非濕哂。

6)係咪要剪短D 頭髮, 因為午睡後會無人幫佢地紮頭髮 ?

小女學校老師會替小朋友梳返好和紮辮仔。

7)咁大班小朋友一齊瞓, 總會有D 人未瞓會嘈, 或者有小朋友喊,其他小朋友咪瞓唔到LAW ?

老師會睇，多數小朋友會累，最重要係習慣了便很快入睡。我個女早咗醒會自己坐在床邊，有時老師會叫佢和下午班小朋友一起玩。

高齡產婦

1)買瞓覺既被仔, 係咪買多用被, 等冬天時可套入多一張棉被會方便實用一點 ?
我買的是在學校附近的地方買, 基本上知到學校的要求.  係多用被, 有張被芯的, 冬天才加上去.

2)是否要買2套床墊&被仔替換?
當年我買了兩個床墊, 一張被仔, 但發現不雖要, 一張都OK

3)唔明白, 點解不需用枕頭仔?
小朋友仲細, 冇需要枕頭仔, 但後來老師發現我囝囝成日自制枕頭, 所以叫我買比佢用, 唔係個個小朋友有需要

4)亞女好反瞓的, 佢咪會"LOOK" 左落床.. 張床仔好細...
床仔拍埋一齊, 唔會LOOK落床

5)冬天時, 會穿羊毛底衫返學的, 到午睡時, 是否會照穿著瞓, 如係的話, 咁樣再+被仔咪會好熱 ??
無須要著羊毛內衣, 學校會開暖氣, 反而著在面的大件可以厚D

6)係咪要剪短D 頭髮, 因為午睡後會無人幫佢地紮頭髮 ?
應該有姐姐/老師會幫手啩, 我個係囝囝, 唔太SURE

7)咁大班小朋友一齊瞓, 總會有D 人未瞓會嘈, 或者有小朋友喊,其他小朋友咪瞓唔到LAW ?
一定, 慢慢會習慣...有時真係心散會瞓唔到...但一般都不是問題

wwyeva

回復 高齡產婦 的帖子

真詳細

jcfamily

回復 Confident 的帖子

唔該晒 :)

rainbowcov

1)買瞓覺既被仔, 係咪買多用被, 等冬天時可套入多一張棉被會方便實用一點 ?
我經學校買的, 一張多用被, 冬天可以加被芯。
2)是否要買2套床墊&被仔替換?
可以不用, 通常每2星期才取回家洗, 如果周中濕了, 當天才取回家洗, 如果來不及帶回校, 學校通常也有後備給借出的。
3)唔明白, 點解不需用枕頭仔?
我小朋友讀過三間, 一間一定要, 一間不需要, 一間隨便我, 所以間間不同的。
4)亞女好反瞓的, 佢咪會"LOOK" 左落床.. 張床仔好細...
哈, 我小朋友都好反瞓, 但問番老師時, 老師又話佢ok, 瞓得好好, 無問題。
5)冬天時, 會穿羊毛底衫返學的, 到午睡時, 是否會照穿著瞓, 如係的話, 咁樣再+被仔咪會好熱 ??
其實通常學校開暖氣睡覺, 不用穿太多衫, 寧願穿多件外套。睡覺時老師會幫佢除。
6)係咪要剪短D 頭髮, 因為午睡後會無人幫佢地紮頭髮 ?
學校會幫早上紥頭髮的女孩子紥, 如果早上沒有紥的就不會紥
7)咁大班小朋友一齊瞓, 總會有D 人未瞓會嘈, 或者有小朋友喊,其他小朋友咪瞓唔到LAW ?其實無需要擔心, 午睡時間習慣後小朋友好快瞓著的,

迷你大人

個個都系好細心的媽咪，我的女兒都就來讀全日，但這些問題我從來都沒有諗過，因為信任學校，信任女女，覺得一定不會有問題