啟基簡介會@120713

karencml

上星期五去左啟基學校聽簡介會, 因為呢次只是俾啟思既家長去聽, 所以唔係公開既......聽完簡介會, 令我對學校增加了解之餘, 更希望阿仔能夠成功入讀, 雖然會上令我有 d 感覺似去左傳銷會(老實講句~~~有 d hard sell), 不過, 佢既 selling point 真係針針見血.....每一樣都講中晒我地家長對學校既期望, 同擔心小朋友適應 / 健康 / 學業既問題, 不得不佩服莫校長能言善辨之餘, 亦俾我感到莫校長同一眾教職員都係有心辦學, 有心教育好下一代, 以及是非常關心學生~~~呢樣正正係普通津校搵不到既體貼, 聽起來令人感到好舒服, 好窩心!
席間更有畢業同學 / 及家長力證校長是言出必行之人, 之前所提及既種種, 其實o係校園係日日發生, 並唔係空口講白話, 氹你地入黎讀, 呢點我都好相信學校係唔會呃人, 因為現今科學倡明, 如果只係紙上談兵, 其無實質建樹, 一早俾人o係網絡鬧爆佢! 學校口碑咁好.....其實唔搵家長及畢業生黎力證, 我都唔會懷疑呢一點!
非常 buy 學校既教學理念, 亦好開心有間學校既校長以及教職員事事以學生為先, 連小一生去廁所既問題, 都有考慮到, 真係非常週到.......食飯飲水方面, 佢好出名, 我亦唔駛多講, 仲要班主任會同小一生心理輔導, 我相信普通津校, 唔發現個學生有唔妥, 都唔會同佢做心理輔導......呢點值得一讚!
上完課外活動仲依然可以搭校車, 不另收費........又係對家長既一點體貼, 試問咁既學校, 點會唔多人爭.....入到去讀既人, 我真係好羨慕你地, 因為你地既仔女已經能夠擁有六年既愉快學習生活! 能夠俾到一個好既學習環境自己 d 仔女, 係每一個家長既心願......希望我個仔都能夠入讀啟基, 咁就連我自己都有六年既愉快家庭生活~~~~

cherithlai

我都相信上台分享既同學同家長係佢地真心既說話，同埋如果你睇下佢地既校刋，D同學同家長寫既野都好真摯。你講得好啱，如果只係簡介會上吹嚧，但實際上做唔到的話，一早就響網上俾人唱衰啦。

請問小一生上廁所既安排係點?可能詳細D講下?謝謝分享。

karencml

回復 cherithlai 的帖子

去廁所方面.....女仔佢無講呀, 話知道男仔去洗手間, 可能會好論盡, 又要除褲, 又要拉拉錬, 所以小一既廁, 會有兩位老師.....有一位係主任, 因為校長講笑咁講話佢得閒, 教 d 小朋友著褲之類咁, 又教埋佢地拉拉鍊唔好整親自己咁囉......感覺好貼心.......

cherithlai

回復 karencml 的帖子

連上廁所方面都想到，真係估佢唔到，好貼心喎。我家少爺仔就係扣鈕果D唔多掂，成日都論論盡盡咁，有時懶到唔除鈕，就咁將條褲拉上拉落(因為褲頭有橡筋有彈性，俾佢激壞)。聽你咁講，有老師睇住就唔駛擔心。同埋阿仔怕外人唔怕自己人，有老師睇住，第日焗住應該好快學識。

私校相比津校就係有較多資源，可以騰出人手做呢D工夫。覺得莫校長好似學生既媽媽咁，小朋友各方面都照顧無微不至，不僅是學術上，連生活細節都照顧到。

karencml

係呀~~~所以你好幸福~~~考得入.....羨慕中.....

moemama

啟基在運動方面出色嗎?

cherithlai

回復 moemama 的帖子

劍擊最出名。

baubaulee

請問知唔知往年面試形式?
謝謝

sonmeow

請問校長有沒有交代升中result arrrr?

moemama

前日簡介會上有，大慨好似係8成幾自行考到或派到頭3志願，9成派到頭5志願。