有人可提供早年小六升B3中學, 但會考8A既新聞報導

yicy

如題, 想比囡囡睇, 鼓勵下

1220027285

我都想知

khmama

星之子陳易希都係band3，雖然會考麻麻，科大都收呀!何凱琳都係band2中中，不過佢係資優，會考8/9A，入咗中大。

yicy

謝謝khmama.  急問khmama沙田劉百樂是否b2,因今天很多人說是b3,好擔心

alexcocomummy

識人派band 2，會考5A，轉國際學校，IB44分。我經常用呢個實例鼓勵女女，是人讀書，邊間學校都咁好。

cellon

中中唯一5A狀元
效謝婉雯立志行醫

(明報　2004年7月10日)

【明報專訊】今年唯一一名中文中學5A狀元，是青衣「中華基督教會燕京書院」中七理科生洪亮斌，繼兩年前憑會考6A佳績創造該校最佳會考紀錄後，今年再替該校創高考最佳成績。洪亮斌說，在高考期間曾因太緊張而「流過幾滴淚」，但終能咬緊牙根衝過難關。他以感染SARS去世的謝婉雯醫生為榜樣，立志做一個出色的醫生。

宗教推動懶學生脫胎換骨

18歲的洪亮斌，自言中四時曾經無心向學、懶惰及經常往卡拉OK玩樂，直至一名同學向他說出其缺點及說服他信耶穌後，洪亮斌整個人脫胎換骨，努力讀書。「平日需要上課的日子，我會每天溫習5、6小時，若放假時我更會整日手持書本溫習。」

今年暑假惡補英文

他現以中大醫科和藥劑學為首選的兩個志願，但高考及會考英文均只得D級，認為自己英文「麻麻地」，必須趁今個暑假惡補，所以暫不能鬆懈。對於近日尖子北上求學成風，洪亮斌坦言，早前北京大學、清華大學來港招生時，他亦曾面試，最後卻因答錯問題而名落孫山。但他不感可惜，並說北上求學的興趣不大，且不想與家人分離。

yicy

回復 cellon 的帖子

謝謝你們

nganc9

我奶奶有個鄰居,  7年前應該係Band2生, 讀官塘福建中文班, 今年 A level 取得2A2C成績

Ivy07

我第二個細佬讀一間當時係band 2的中學，中四發力，16分升中六，中七全級第一名，後來去左科大讀士木工程，出來做嘢左讀埋master，第三個細佬，有學習障礙，讀一間band 3 學校，佢好努力讀書，成績強差人意，我地當時又唔識點幫佢，但讀大學係佢的志願，後來係公開大學讀左個degree，所以只要唔放棄一定得的