本帖最後由 lugano 於 12-7-16 10:25 編輯
Danal 發表於 12-7-12 19:02
My son has been allocated to La Salle but personally I think Wah Yan College Kowloon suits him more. ...
La Salle vs WYK,試從多角度分析,純個人意見
(1) 運動成績 喇沙田徑呢兩年皇者地位不容買疑 (LSC top the DBS !!),而其他運動項目表現都很出色。 九華多年堅持不買人,田徑/足球/泳隊亦能維持在 Division 1 內,算有交代,亦贏得對手尊重。
(2)學業成績 喇沙會考成績多年都 Keep 到 九華會考成績呢幾年真係差左
(3)音樂成績 喇沙亦有參加不少音樂方面的比賽 九華在各項Division 1 Choir比賽同 DBS 係多年爭冠宿敵
(4)辦學理念 大家都係 Roman Catholic,喇沙會創自法國的 Saint Jean-Baptiste de la Salle,九華的耶穌會創自西班牙的 Ignatius of Loyola。大家都係為大眾服務。
(5) 學生背景 喇沙有自己的小學,優勢上可以培育一代接一代的喇沙仔,加上坐落九龍塘豪宅區,不用置疑地富貴中產家庭學生較多。九華處於平民化的油尖旺,沒有直屬小學,亦沒有聯繫小學 (不似皇仁可盡收軒上/軒下/愛官叻仔的優勢) ,而教會理念傾向服務莫問出處的基層家庭,先天已讓半臂。
個人認為,由於九華沒有直屬小學,中產化了的九華舊生下一代較難再成為九華仔,因多數已搬到其他較好的區域,而舊生仔仔在小學階段已另覓其他小學,然後直上所屬中學。
(5) 校舍設施 兩間學校的龐大校舍比一般香港的學校大好幾倍,soccer pitch /泳池/Tennis court/Basketball court 全有,精力旺盛的仔仔一定喜。
(6) 舊生網絡 兩間都有強大的舊生凝聚力,Networking 力量大,將來出國讀書,海外亦有不同的 Old Boy Chapters 作後盾。
結論: 我的選擇是喇沙,喇沙如何的好,如何贏得大家的喜愛,不用談詳,下刪百字…….
但我倒不認為九華太差,九華是一間很有態度的男校,有部份家長覺得九華滿足唔到佢地的期望 (個人觀察,多為中產家長對名校的主觀期望),佢地多數唔認同華仁 Liberal 式教育,認為死谷爛谷方為教育王道,又有 D 家長講到九華唔識變通行直資 ? 又話何不攪間九華小學來培育一代接一代的九華仔 ??
用港人商業化思維來打量,我同意以上建議。但諗深一層,教育是否真的應為維持名譽而辦學?
九華為平民基層家庭提供好的一個在名校學習的機會在香港買少見少,我倒敬佩這種"明知不能為而為知"的辦學堅持 (最少我覺得一眾聖公會辦的名校在可見的將來都不會有胆量行這一條路 !!! ) ,睇睇數據, “九龍華仁03年學生的平均家庭收入是7000元,直至現在,12.6%學生來自綜援家庭。所以華仁並非貴族學校,神父們一直堅持有教無類,什麼學生都收,他對教育的承擔很大,好感動。”
http://www.mpfinance.com/htm/Finance/20070731/News/ek1_ek1a.htm
想想你我如果平均家庭收入是7000元的基層家庭,會唔會咁得閒上網睇 BK ? 又可以俾個仔學呢樣,學果樣? 畢竟如果我係九華主理人,我倒可能市檜地為校譽而盡量收叻或富貴學生。
百貨待百客,九華滿足唔到少部份飽飯食盡/多多要求的中產家長們的心態期望,唔緊要,因為九華要服務的對象唔係佢地,九華能為弱勢基層小孩子提供一個名校的學習機會,一個起步點,確是基層家庭恩物。
如果某天九華不再堅持有教無類,轉投直資的懷抱,那才是我對九華失去信心的時候,By the way,世上從來沒有最好的學校 !!
|