第一次俾阿仔參加興趣班 - 失敗了

BKVIP

因為為特殊兒童開的社交班FULL晒，只好俾阿仔試下一般跳舞班。個班有10個小朋友同阿仔差唔多大，有一半應該都係第一次去，因為唔準家長陪同，阿仔同我88後我就走左。到完場前15分鐘，我從門口條LA 望入去，發現全部小朋友都已跟住老師跳，阿仔只係手放背後一直企住睇佢地跳，郁都唔郁… 到最後5分鐘，老師直情坐住只叫指令，小朋友聽住就跳出舞步… 只係我個仔做唔到，跟住都唔跳，何況只係得口講   個刻個心沉晒… 係咪佢唔明所以唔跟住跳？ 定係佢走來走去俾老師叫佢企住？ 問佢鐘唔鐘意跳舞佢話鐘意，問佢下次仲黎唔黎佢又話"黎"，我係咪唔應該俾佢返呢D 對佢"太深"既課程？

wbbg

跳咩舞呢 ?

wbbg

特殊兒童開的社交班FULL晒 ? 咩機構有呢D 班報 ?

同埋你有無同普通跳舞班老師講講小朋友需要多D 指導 呀 ?

kelvin_hmlau

回復 BKVIP 的帖子

其實第一堂可以無發脾氣, 專心企定定睇其他人跳, 成績已不錯, 並非失敗.
或者要先接受個仔有學習障礙, 並抱有希望, 較為上算.

pocoyo123

如果係已比晒錢, 多上幾堂再決定. 可能去多兩次會跟下, 跟跟下又得呢? 開始出去上普通班的小組, 不要抱太大希望, 只在賞試心態,比小朋友去見識下, 無壓力下, 做唔到下次再驗討.

Capricorn2521

佢地講得好啱，你仔仔吾太差。我以前都試過，孩子會慢慢進步的。多上幾堂再問下導師仔仔表現。否則，下次最好選小班的 (但大多數幼兒興趣班最少都8人)。

BKVIP

跳普通郁下手郁下腳嘅舞，我打算下堂叫老師俾我入去跟睇下得唔得，始終一個老師10個學生佢無可能停落黎教我個仔，我都係諗住俾佢試下，只係佢企足全程一d都不為所動令我有d咀喪

BKVIP

原帖由 wbbg 於 12-07-12 發表
特殊兒童開的社交班FULL晒 ? 咩機構有呢D 班報 ?

同埋你有無同普通跳舞班老師講講小朋友需要多D 指導 呀 ? ...

東華三院，我行過社區中心入去八下有咩暑期興趣斑先知原來呢個機構都有特殊的社交斑，仲比私人平好多。

BKVIP

原帖由 pocoyo123 於 12-07-12 發表
如果係已比晒錢, 多上幾堂再決定. 可能去多兩次會跟下, 跟跟下又得呢? 開始出去上普通班的小組, 不要抱太大 ...

我都打算係咁，已俾左4堂學費，如果第四堂仲係齋企，我會停左佢先。

BKVIP

原帖由 kelvin_hmlau 於 12-07-12 發表
回復 BKVIP 的帖子

其實第一堂可以無發脾氣, 專心企定定睇其他人跳, 成績已不錯, 並非失敗.

多謝你嘅安慰，我應該positive d.

BKVIP

原帖由 Capricorn2521 於 12-07-12 發表
佢地講得好啱，你仔仔吾太差。我以前都試過，孩子會慢慢進步的。多上幾堂再問下導師仔仔表現。否則，下次最 ...

你都試過？可以分享下嗎？是什麼興趣班呢？

Capricorn2521

回復 BKVIP 的帖子

幼兒體能班，我搵咗好耐，1對7，最後冇人報名，每期只有4-5個小朋友。單張話都適合過動兒。內容都係跟老師做動作，跟音樂做動作，障礙賽，手拉手玩遊戲，拍球，推呼拉圈，青蛙跳，傳波，拋豆袋...... 全程1時15分，第一堂我小朋友(當時4歲多) 只可跟頭15分鐘，之後會走開，老師叫佢會返位，佢做完到第2個小朋友，佢吾會企著睇，會走開，老師叫佢便回來。有單面鏡，我睇曬全程。

如是者，大半年後，老師話佢可專心上課45分鍾，餘下30分鐘都會有時走開。之後我想佢玩下其他野，停了。

話時話，可能係呢個課程嘅幫助，前2個月PT話我個仔體能好咗好多。

yuki8484

我試過一次同小朋友join一個畫班..上左15mins收到電話叫我接走..因老師攪佢唔掂..佢唔肯聽老師話硬頸..接走佢之後我既眼淚湧出..之後我無再同佢報過普通興趣班..而家上既只會係機構攪既專for發展障礙既興趣班

Olympian

A仔可能有動作協調困難。我教阿仔交叉手拍膞頭及地板都要幾個星期。看似容易的對他們好難架。