關於補習問題?

小迅媽媽

小兒今年中四升中五,成績不好,想幫佢找補習,但唔知去邊杜找杜補習老師,今天我上網找到(提供上門補習服務)請問你地有無試過,得5得架?THANKS

ntc

同意neihobb所言，拔尖到補習社或小組補習，補底就要單對單。
不過若然找上門的補習老師，要小心質素，若經濟負擔得起，現職教師較好。
熟悉出題方向的更佳。

ZZdaphne

各位:


請留意--
如果在不同版面上不斷自薦或推薦,
出''已PM'' 和''請PM''等,
均會被視為違規宣傳,
有可能被禁言或封戶.

版主示

jimjimjim

如果係麻麻既學生去大補習社係無用的
教D野太快跟唔到 又無人會真係知個學生明幾多唔明幾多

一對一問題係家長識唔識選擇老師
好多大學生都唔係太OK  有D係唔識教 有D係自己本身以為自己識既野都係錯的

再加上好既老師都唔會經0個D咩上門補習AGENT搵學生的，因為D AGENT會收老師$。好既老師靠朋友/本身既學生介紹已經好多學生，一定唔會去D咩`AGENT搵學生。

要小心唔好俾人呃

wingandc

其實你個仔係邊科唔好？係佢唔夠勤力，唔明d 概念定基礎唔好，處理方法可能好唔同

chuntam

我屋企個人仔補足6科(通識沒有補習),我很奇怪,因為小朋友補習多半是被父母迫的,何以她卻自願去補習呢?於是我問她,她答:「上堂冇心機抄筆記,抄到雜亂無章,不能用來溫習,去補習攞份筆記,整整齊齊咁讀,隻眼都舒服D」
這正正反映出為何那些「名師」二手筆記有價又有市吧………
當然,齋攞份筆記唔讀係冇用嘅,我認為溫習時讀教科書再配合筆記才真真正正有用
不過遲些不補maths了,學校份自家筆記簡潔易明,仲洗乜補習

Fionna

真係好睇小朋友。其實中學係一個好漫長但都好重要既學習階段。懶既學生要學識變得勤力都係一件好難既事，但係比起本身資質差D既學生，佢地中學時期面對既主要挑戰就係要學識勤力。而資質差既學生，主要挑戰係學識應付考試既技巧。

中學生會覺得自己大個仔大個女，唔想聽人「點」，屋企人好難教，但係搵補習老師就好睇彩數啦……有D補習老師諗住hea教收錢，有D就真係會針對學生既問題黎教囉。中學生對補習老師唔會話好尊敬，但至少會尊重，只要個老師真心想幫個學生，學生其實都會好願意聽話，就算唔跟足個老師講既嘢100%，有50%都好好了。

不過，依家D學生學校workload都好大，如果抽唔到時間補習，咁就……