Deleted Post

silvia_ng

henrybobo 發表於 16-6-16 21:11
請問中一有沒有分精英班？如有，用什麼準則來分？

有分。B & C係精英班，按PRE-S1英文科成績去分。
A係中英文補底班
D係數學補底班

ANChan59

回覆 wilsuseli 的帖子

So I am your senior in CSWCSS, I shared two blogs about CSWCSS in my personal space in EK.

長沙灣天主教英文中學(長記) - 排長

ANChan59

長沙灣天主教英文中學(長記) - 排長

熱度 15 已有 1825 次閱讀 12-5-10 16:52 |個人分類:Others|系統分類:教育

cowboymama 想知道長記的長跑，越野及運動歷史，我都好願意分享長記如何由一間藉藉無名的普通地區英中，變成一間文武兼備的英文中學。我會講梁柏林老師(排長)及梅元碩校長對學校40年的貢獻及影響；配合香港天主教教區支持母語教學，自願由英中轉中中，又由中中上訴變回英中的故事。

排長跟我都是1972年進入長記，長記是1970年成立的新英中，由於在屋企附近，可以5分鐘返學又可以返屋企食午飯，當然是首選。

排長是畢業於臺灣國立體育師範大學，當年香港邊有咁多體育老師有大學學位呀。第一堂體育堂，排長召集40+個細路在他面前坐下來。他5'10"高，皮膚稍黑，身材健碩，古天樂似佢，若果在男女校或者女校肯定多人追佢....... 他開門見山問我們，你們知道400m有幾長，我地懶醒等於繞球場一個圈，跟住問800m........ 然後佢話今日你們會知道1500有幾長，我地既反應係唔係呀，第一堂跑1500m....... 佢就話之你，反對無效。

他將人生比喻為長跑，你們跑到800~1000m會面對你身體的第一個極限，慢慢跑，堅持落去，你會突破它，然後完成1500m。跟著他講你下個極限是2400m, 第三個極限..... 第四個極限........ 每次長跑，那些被突破的極限都會出現，經驗話你知，你已經突破它，越來用越少時間便擺脫極限向前跑。你們要有信念，你們可以突破自己的極限.........

跟著唔係跑，用佐不少時間做熱身、拉筋..... 然後分批出發，他拿著4尺長的籐條跟住我地，發覺我地"蛇皇"，佢用籐條打過來，我地好辛苦完成人生的第一次1500m..... 落堂後，全身腰酸背痛慢慢行上課室，內心咒罵"正衰人......" (最抵死係他會講比我地知，邊組肌肉今日好痛，邊組肌肉明白日重扯住扯住，第三日會鬆弛下來...... 咁似"沉默的羔羊".)

連續兩個星期，每星期都是跑兩堂1500m。到第三個星期，他有新花樣。他要我地由高排到矮，然後按高矮每人有一個目標，我既目標是6'10"完成1500m......... 你們咁聰明都知道，佢學我地d老細咁慢慢將時間縮短。

然後將距離加長，目標是大考前每人要完成7000m (即繞學校跑25個圈，40年後傳統依舊。)，如果不能完成，無得考大考，他得到梅元碩校長的全力支持，我地變成無退路，如果唔上體育課，除非有醫生證明，點都要在運動場幫手計時。及後高中收女生，一樣有一年時間來練習，都要跑5000m。為應付跑步，好多同學會留校練跑，我地週末還會到石梨背水塘跑山練氣及體能，所以當年的長記仔平均d體能真係比喇沙仔及拔萃仔有過之而無不及。

我地一年體育課，未曾接觸個球類，只有跑步，田徑，體操，體能訓練........ 亦直接令我們在我中二時(1973)，第一次參加天主教教區運動會全場第4名，自下一屆1975起(每兩年一屆)，連續16屆的全場總冠軍，好多時是ABCD都是冠軍，其他學校只爭亞季軍。在學界坐即升機在1974年成為第一組別，兼奪得當年玫瑰杯最佳進步獎。2007到拔萃，見到當年打破拔萃及喇沙的壟斷，自己都好興奮，都有d眼濕濕........ 緊係唔比老婆知，唔係有排比佢笑。

由於我地無專門訓練都自己跑越野，後來有新體育老師加入對越野好有經驗，班學生自然超哂班，唔壟斷都好難，就算有學生走去其他名校，但長跑的運動員都陸續新人接舊人。

到中二開始操排球，籃球，跨欄，跳高，跳遠，鉛球，鐵餅......... 到中五學三樣絕學，
1. 田徑訓練法
2. 排球訓練法
3. 籃球訓練法
到大學時，當年唔駛牌，我在康體處都有教波，都幫輕我d零用錢及拍拖錢....

到現在班老鬼見面講開"排長"都又愛又恨，果幾年真係操到隻狗咁，但頑強鬥志，永不放棄，追尋突破....... 一身受用不盡。他用長跑來體現校訓 - "自強不息"..........

*******

當我寫排長時，內心想同佢講，你當年班百厭仔，不少都出人頭地，唔係因為英中，唔係因為考試叻，唔係因為大學畢業，唔係因為順風順水........... 而係佢第一堂輕描淡寫的訓話 -

"他將人生比喻為長跑，你們跑到800~1000m會面對你身體的第一個極限，慢慢跑，堅持落去，你會突破它，然後完成1500m。跟著他講你下個極限是2400m, 第三個極限..... 第四個極限........ 每次長跑，那些被突破的極限都會出現，經驗話你知，你已經突破它，越來用越少時間便擺脫極限向前跑。你們要有信念，你們可以突破自己的極限........."

信念令我們超越障礙，建立自信，自強不息。

******

I found Mr Leung last year through Facebook.

henrybobo

回覆 silvia_ng 的帖子

Thank you