我路過的(本來一直都無睇個topic, 見佢長期o係第一版, 入黎8下)
我唔comment了, 我分享姐
2-3年前, 我o係小朋友讀既另一間直資做面試日義工, 遇過類似情況
當日程序係約7個小朋友一組, 上1/f課室玩集體活動, 忙完一大餐之後(已經係當日最後一個session, 家長亦隨後上左禮堂, 個操場吉晒剩返d義工同職員), 我聽到有喊聲, 可以用"淒厲"黎形容
原來係個黎interview既小朋友, o係一邊不停地嗚咽(應該係之前唔肯上課室, 俾職員要求坐埋一邊, 由家長冷靜的, 其實應該係咁處理的, 以免影響其他小朋友情緒), 喊到成個操場都聽到, 佢父母當然面燶燶坐o係旁邊, 無晒辦法
因為當日最後一輪interview都已經開始左, 佢地無可能再等下一輪(有d時候如果小朋友遲到, 或者有咩特別情況, 我地會安排佢去下一輪interview), 父母咁既反應, 我都好理解既
本來件事唔到我理(我又唔係職員), 但我覺得佢地好無助, 父母tum又tum過咩方法都用晒, 小朋友真係勁喊, 走又唔係, 又落唔到台, 於是我嘗試過去幫下手
o係職員同意(同破例)下, 我請媽媽拖住小朋友上樓, 我話去望下先, ok就入去, 唔ok就走, 我應承小朋友一定唔會夾硬捉佢入課室而且媽咪會一直陪住, 小朋友agree了, 一路上樓, 小朋友真係一路震, 我唔明佢有咩咁驚(小朋友心, 海底針啊), anyway, 上到1樓, 我地離遠望左一陣, 我再問小朋友, 係咪決定走, 小朋友話係, 我同家長講, 唔好嬲小朋友喇, 佢真係驚, 佢都唔想, 試都試左, 我地落返去再唸辦法
一路落樓, 小朋友鬆晒, 去到校務處, 職員再約時間(因為都有d病左呀或者其他原因, 有特別一group下次in的), 小朋友笑了, 問佢屋企咩電話, 對答如流, 我仲讚佢咁咪叻仔lor, 下次見喇
佢地後來點, 我就唔知了
話左純粹分享, 唔comment了, 分享完畢 (如果覺得離題我先致歉)
|