感激小一中文科劉老師

joemyt

今日亞仔放學回來沒有特別，跟平日一樣，換校服... 我亦如常一樣檢查手冊，但給我發現了一點東西。是個小小膠袋包著一個相架鎖匙扣，膠袋外面有一張小字條，寫上一些讚賞和勉勵的說話。我問亞仔點解有呢份禮物 (問嚟都多餘!)，佢笑而不答。我就是喜歡亞仔這個表情，通常係好開心就會有呢個發自內心的笑容!

還記得學期初，亞仔同我講，話教中文的劉老師係新嚟。嚇得我呀，小朋友(P.1)又係新，老師又係新，點攪呀! 一路睇住亞仔D中文功課，發現老師改功課時都會好細心另外手寫一些解釋/例句等，還會經常給小朋友鼓勵! 雖然亞仔的中文只是8字頭(真係好頭)，但如果無呢位老師的悉心教導，我驚8字頭都無呀 !

雖然呢個並唔係甚麼官式的讚賞信，但我仍然好想借呢個空間，讓大家認識一下呢位咁有教學熱誠的"新"老師。亦想來年小一的家長睇下，喇沙仔唔一定要補習，因為有呢D老師，再加上我地家長的配合，小朋友一樣可以有好的成績。

多謝您，劉老師。


* 不便公開老師全名，但我已膽粗粗 send 了封電郵給校長，讚揚這位老師 *

geraint

一萬個 like

Nmon

Thank you for sharing

dennis977

請問劉老師有無教其他年級？我期望下年我的仔仔可以是她的學生。

happyfong

我仔今年三級都是她教的, 她真是一位好有心的老師, 從她替學生改簿就知,
學生如寫錯字,她會用紅藍兩色分別出錯的地方, 使學生更加留意及改正, 她真是一位非常好的老師

joemyt

當小一學生有錯字的時候，劉老師會用用幾個格仔逐筆逐劃將字寫出，連筆順都清楚見到。

我做咗幾十年人，好耐都無見過呢種教師啦!

bb2

happyfong 發表於 12-7-11 11:30
我仔今年三級都是她教的, 她真是一位好有心的老師, 從她替學生改簿就知,
學生如寫錯字,她會用紅藍兩色分別 ...

其實唔止劉老師係咁...好多個中文老師係咁架......我同阿仔講, 好心你比心機寫字啦, 唔好要老師寫得咁辛苦...

maura

劉老師，加油呀！我們家長和學生都支持你！多謝你的教導！

geraint

小兒今年小一中文也是 Ms. Lau, 不知是否你指那位?

joemyt

Miss Lily Lau

排骨媽媽

她今年做了三年級的班主任, 這班的學生和家長有福了.

siusung

多謝你的分享,呀仔今年小一都係劉老師教中文,聽完你講之後,我都為仔仔有一位咁用心的老師而高興!
謝謝!

joemyt

回復 ha8mo 的帖子

是呀，那是大仔，已轉過來幾年了；現在講的是細仔。