去學校買校服

cherithlai

大家7月7號會唔會去學校買書同校服呀?

尋日我打去學校問，想知一個cycle有幾多堂體育堂，睇下要買幾多套校服。書記周小姐好好人，好有耐性解答，佢話時間表未出，但唔緊要，可以預兩套校服同一套運動衫先，開左學覺得唔夠的話，可以搵番周小姐訂，訂左第日響番學校取貨。

我又問如果當日課外活動係運動項目，駛唔駛著定運動衫番學。佢話睇個別老師安排。

我見到書單既書，都係一般學校會用既出版社(例如longman)，同埋係小一教番小一既野。唔明點解出面d人成日話啟基淺，咁可能係因為有d學校會催谷，小一未開學就要家長自行教定上學期既書，上學期一開學就要教下學期既野，而下學期就教小二上學期既野。我個人比較鍾意循序漸進，唔鍾意教快半級呢套。

karencml

回復 cherithlai 的帖子

我都覺得係出面 D 學校催谷得太犀利.....我又諗, 如果係咁既, 我自己教都得啦~~~駛乜返學? 唔係話自己唔想教.....只係覺得, 樣樣都係我教左先, 返學好似失左個意義係度.......令到個細路根本唔知返學係做乜.....

ms09hk

1個cycle 1堂 PE, 興趣班就set左星期幾開班, 所以有幾會連續兩日都要PE衫. 只要當日你小朋友要上興趣班, 佢係可以著PE衫上堂, 但你可以等上興趣班看看要穿什麼才決定買多一套.
冬天個套比較厚, "洗完有可能趕不及風乾", 我們最後都各季買左兩套PE衫.

Ahbee02

吾好意思，請問訂校服那天要帶小朋友出席嗎？我阿女幼稚園個日行畢業禮喔。

cherithlai

回復 Ahbee02 的帖子

問過學校，買書果日係有現貨即刻取走的。咁到時我要帶定個大環保袋或者背囊去裝書至得。同埋學校話，如果小朋友冇時間一齊去買校服，可以帶佢著開既衫去，度住個size來買校服。

sillyisaac

我7月7號都會去買書同校服呀！校服同PE衫我會各買2套，想請問外套係咪一定要買學校個D？定係喺街度買同顏色都ok呀？白波鞋係咪要純白？有個細logo得唔得架？

cherithlai

karencml 發表於 12-6-27 12:36
回復 cherithlai 的帖子

我都覺得係出面 D 學校催谷得太犀利.....我又諗, 如果係咁既, 我自己教都得啦~~~ ...

幼稚園同學仔既媽咪話，佢地間學校搞左小一新生家長會。會上校長問︰大家加減乘數識晒啦可? 小一grammar都識啦可? 在座好多學生都大大聲話識。於是校長話，小一上學期唔會教，驚小朋友悶，會直接教下學期，上學期既書唔駛買，又或者家長買來可以暑假同小朋友溫番就得勒。

cherithlai

回復 sillyisaac 的帖子

學校話會在8月29日家長會上派校服。但我覺得似乎遲左d，因為到時就快開學，校服要洗要熨，又要著去影學生相，都幾趕下。

karencml

回復 cherithlai 的帖子

吓? 乜而家咁既咩? 你講緊果間係邊間學校呀? 可以咁既咩? 咁如果有一兩個唔識, 咁果 D 點算呀?

cherithlai

karencml 發表於 12-7-3 17:15
回復 cherithlai 的帖子

吓? 乜而家咁既咩? 你講緊果間係邊間學校呀? 可以咁既咩? 咁如果有一兩個唔識, 咁 ...

其實依家好多深同催谷既學校，都會教快半年。有d幼稚園為迎合呢d小學，又會將課程教深d以作配合。

小一開學已教下學期，係因為學校expect家長合作，暑假自己在家教定上學期既野。有d家長鍾意谷就會覺得冇問題，快人一步理想達到丫麻。

我唔認同呢種揠苗助長既做法，所以選校時會了解下間學校會唔會教快一個學期。始終覺得小朋友到某個年齡至學適合佢年紀既野，會易明白同吸收好多，無必要提早學，學到一知半解都唔知自己學左乜野。我有朋友舊年叩門入到第一志願，但佢唔知學校係教深/快d既。佢唔認同，就打去教署投訴，人地當然不受理啦。

有次聽到有個家長話，佢個小朋友小三下學期，學緊英文潦草。但另一個家長話"我個細路小一就已經學晒潦草啦，仲用原子筆添”。我覺得除左為家長虛榮外，根本冇必要咁早學。小一連正階都未必寫得好，做乜要未學行先學走，去寫潦草。

karencml

回復 cherithlai 的帖子

我都覺得係....學校教得深, 未必對個細路係好事.....吸收唔到, 盞晒時間同心機.....所以揀學校真係好重要......我想我個仔有個愉快既童年, 唔好搞到好似我地大人咁大壓力, 對任何一個人都唔好......學莫校長話齋, 佢又大壓力, 又學唔識, 你又迫佢, 搞到大家關係差晒.....咁有乜好? 我都好希望考到入啟基.....等我個仔返學返得開心 D, 健康 D.......好羨慕你地......

cherithlai

回復 karencml 的帖子

你講中左我地呢d幫小朋友揀左啟基既家長既心聲。因為喜歡愉快學習既模式，唔想小朋友咁大壓力，認同學校理念，至會揀呢間學校。

希望第日到你考學校時，見到你上來呢度報喜，話莫校長收左你個小朋友啦。

karencml

回復 cherithlai 的帖子

多謝你呀~~~我下星期去簡介會喇~~好緊張.....希望收我個仔啦~~~

cherithlai

回復 karencml 的帖子

去完簡介會後，到時可否上來分享下感受?

karencml

回復 cherithlai 的帖子

一定一定....不過我會開個新 POST, 好似阻左人地咁, 呢個 TOPIC 係買校服, 我好似講左好多題外話.....

sillyisaac

今早已經去了學校買校服同書本，共有41本，有4本遲d開學才派。校服原來有腰帶架，啱啱先知另外想問上PE堂時係著短襪定長襪架？原來夏天無外套的，如果要著，就白色外套ok了！

ms09hk

>另外想問上PE堂時係著短襪定長襪架
白長襪. <<-- 我錯左.

係 短襪, 我將兩者混亂左, sorry!
(謝謝網友提醒!)

Juliaqq

cherithlai 發表於 12-6-27 11:53
大家7月7號會唔會去學校買書同校服呀?

尋日我打去學校問，想知一個cycle有幾多堂體育堂，睇下要買幾多套校 ...

阿囡P.1 一個cycle day (A-F) 中 有2日 (B&E) 是 PE堂.....

Juliaqq

sillyisaac 發表於 12-7-7 15:24
今早已經去了學校買校服同書本，共有41本，有4本遲d開學才派。校服原來有腰帶架，啱啱先知另外想問 ...

手冊 p.9 寫:

"體育課時, 學生則應穿著校方指定運動服,白色短襪會純白色運動鞋...."

sillyisaac

Thank you for your reply