無得揀煩，有得揀又煩，做人父母甚艱難!!!

simonho

話說阿女分派到去一間無揀過的小學，好彩之前有德雅小學backup(校風真係好好，不是聽聞，而係有同該校合作一些活動，親身經驗，升中派位好，但對阿女嚟講真係很遠)，但仍然覺得好失落。
叩數間小學門，現有2間收咗，其中一間是荃灣官小(傳統口啤好的官校，與荃灣官中有聯繫)，另一間係所處屋苑小校(千禧小學，近年升中成績不錯，但地點近及升中成績不及德雅)，也是不錯的小學。
突然又唔知點揀，各有其利弊。好煩......驚同阿女揀錯學校，驚日後佢要山長水達讀書，但又驚錯過一間好學校。
你哋有無類似經驗？如果係你你又會點揀？
(唔係晒命，如有冒犯，請多多包涵)

點算好

回復 simonho 的帖子

我有, 我細過叩過門, 連派去個間, 4間收, 阿媽問我想點, 我講我想讀男校. 最後選左間走路可以到既學校(~20minutes). 妳有冇問過妳囡囡呀?

tty

回復 simonho 的帖子

我同你有同一問題, 又怕小朋友辛苦, 又怕會揀錯學校比個仔, 真係好頭痕!

westjudith

tty 發表於 12-6-26 16:11
回復 simonho 的帖子

我同你有同一問題, 又怕小朋友辛苦, 又怕會揀錯學校比個仔, 真係好頭痕! ...

所以我囡囡抽不到理想小學, 就交咗8間叩門, 當IN咗第二間知道其中一間收咗就放棄其餘所有, 沒有去IN了；就是唔想煩!

新在職媽媽

我想其實3間小學差別也不會太大,  如果你住葵青荃區的話, 我會先選荃小,因有聯繫小學, 而校車返放學也方便.

如果你住的地方離荃小和德雅都很遠的話. 我想我會選屋企附近的小學!

tty

我以前讀荃小架, 我覺得D同學派中都派得好好, 不過只限精英班, C D E班就一般, 不過已係N年前資料。

pooh仔

我先前都有你嘅情況，亞囡抽到一間有直屬中學津貼小學，另後補到一間有直屬津貼中學嘅私小，兩所都喺半日！
最終決定權交咗比亞囡，我只喺同佢講兩間學校嘅返學模式，第一次亞囡答我返xxx朝早可以溫吓書彈吓琴（嘩心諗亞囡你咁氹我），xx咁早起身（5：45）咪做功課做到6奌幾囉（亞囡放學返嚟食個晏瞓埋個覺都唔駛做咁耐呀）！
其間都喺咁意問佢，佢咋聽唔到唔彩我，到第二次認真問佢，佢都喺xxx，再問奌解呀？佢話我鐘意返學時間一三五下二四六上冇咁悶喎（亞囡返學要咁精彩仲乜），xx淨喺返上晝好悶喎！
衡量咗各方面時間精神遠近亞囡喜好，就總結咗答案！
我囡喺細女，而家五歲半！

點算好

pooh仔 發表於 12-6-26 16:59
我先前都有你嘅情況，亞囡抽到一間有直屬中學津貼小學，另後補到一間有直屬津貼中學嘅私小，兩所都喺半日！ ...

咁答法精彩呀.....

jeremyphlam

simonho 發表於 12-6-26 15:53
話說阿女分派到去一間無揀過的小學，好彩之前有德雅小學backup(校風真係好好，不是聽聞，而係有同該校合作 ...

不是針對荃官，但今時今日香港政府的施政朝令夕改，第日有乜新政策出台官校一定首當其衝冇得say，你睇英皇咁勁都要死死氣cut班就知。有得揀，最好都係避開好些。

cornybear

我都有呢個問題，唔想hold住位，但真係好難揀。

濼晴

荃小  你一定唔會選錯

Tammy000

想問下邊間千禧校呢？

admiral1008

原帖由 simonho 於 12-06-26 發表
話說阿女分派到去一間無揀過的小學，好彩之前有德雅小學backup(校風真係好好，不是聽聞，而係有同該校合作 ...

我住豪景，我和你情況完全一樣，我派路？會聖？架，自己考入德雅，叩門9間後荃官小收了女女，我為了女兒長遠着想（利用多餘的坐車時間溫習或休息或小小自由時段）我和女兒商量後決定去荃官小（都有聯繫的荃官中）多作溝通啊！健康更要緊！不要過迫孩子呢大家痛苦。