你地十三四歲既囡囡會唔會成日好反叛, 又"博"嘴?

mielmiel

阿女升中一，近這大半年反叛期開始，成日話我好煩，房間一樣似垃圾堆，又鐘意在廳做功課，凡她掂過的地方都會變咗垃圾缸，以前常為這些事跟她嘈。 但看過各位媽咪嘅經驗之談，開始學習包容，學習忍耐，學習提高EQ，唔太過份都隻眼開隻眼閉。 但她對學習的態度十分之散慢，真的拿她沒辦法。

但爸爸就經常為一些小事跟她嘈，話阿女對佢講嘢冇禮貌，有時阿女駁咀爸爸唔夠講，就喝罵阿女令佢收聲，攪到阿女喊晒。我已不斷提醒爸爸唔好成日鬧佢，因阿女已經常向我投訴話爸爸成日無估好大聲鬧佢，唔鐘意爸爸 (佢細個時好痴爸爸的)，但爸爸又話阿女成日冇禮貌，小時唔教，大咗就冇得教。 唉!  我怕過兩年阿女唔再反叛，但同爸爸成了仇人!

rogerlam123

樓主不用太擔心, 小朋友要經過這"大規模"的否定, 才可以重新建立自己的價值觀. 將來整體人格才會更完整. 大家都是過來人, 都曾經反叛, 當年父母眼中的我和你, 可能更差勁! 其實孩子不反叛, 才需要更加小心!

sorfn89

我有兩個女係咁ge年紀, 有齊晒以上的症狀, 初頭我簡直係覺得世界末日咁, 點解自己咁失敗, 唔識教女。情緒低落到極點. 搞到大家關係又唔好，日日差不多以淚洗面。而家自己睇開咗D,無咁執著, 說了她不聽也沒辦法，唯有祈求她們有一天突然開竅吧。

oscarmama

我仔而家都未上中學已經反叛，你哋所講嘅行為，佢已經有初形，希望吸取到你哋經驗，我做阿媽嘅可以睇開d。不過我仔衰多一樣，無啦啦成日用把口挑"引"我，本來佢吾撩我，我會忍吓，但佢成日都撩交咬，我有時忍吾到就佢

caroltuen

我個仔都係一言九頂的, 叫佢做野就話我惡, 成日都係到hea, 佢老師話起碼要中四先會好d, 佢現在先升中一, 真係有排忍

Ahling2004

回復 歌莉亞 的帖子

身同感受, 無耐,無助.

hellodell

睇完妳地的經歷, 我好驚呀! 尤其話越乖越聽話, 反抗力越大, 我女剛12歲, 仲係一嚿飯, 如果到時出晒妳地所講我驚我接受唔到呀!
但做父母可以點, 只有忍忍忍, 眼見現在的小朋友青春期來得好早, 真係好得人驚, 判若兩人的行徑, 時常見到, 好擔心呀!
如果爸爸媽媽咁啱又更年期就大鑊喇

like_travel

mielmiel 發表於 12-7-24 17:13
阿女升中一，近這大半年反叛期開始，成日話我好煩，房間一樣似垃圾堆，又鐘意在廳做功課，凡她掂過的地方都 ...

quote : 囡房間一樣似垃圾堆，又鐘意在廳做功課，凡她掂過的地方都會變咗垃圾缸，以前常為這些事跟她嘈。 但看過各位媽咪嘅經驗之談，開始學習包容，學習忍耐，學習提高EQ，唔太過份都隻眼開隻眼閉。

同我家女兒情既況一模一樣, 不過我加多一樣... 每當我教佢應該this & that, 佢Daddy立即還口叫我唔好要個囡做野, 十次著九次都係開口"急"著"利", 囡自然當佢盾牌啦 ! 我睇唔過眼唯有自己幫佢收拾囉 !  連文具, 書薄, 校服, 去街衣服, 咩都要幫佢拾手尾, 真係自作孽, 仲有叫佢佢唔like 當聽唔倒, 無反應, 佢真係靈魂出竅果隻, 腦功能好利害, like 就聽到, 唔like 就聽唔到, 好似d 老人家咁, 人地耳功能差就話唶, 咁後生, 無理咁早由退化嫁 !

佢Daddy之所以做佢人肉盾牌, 係因為囡囡常要操水, 要返制服活動,  又要練piano, 又有好多暑期功課, 所以 Daddy 唔想佢辛苦囉 , 但都唔可以如此立亂嫁, 一有時間馬上看電視, 玩手機.....火滾...但囡囡成績又keep 到...又唔可以cut 活動, 我唔知點處理 (因為佢好多年都係咁) :-|

mielmiel

回復 like_travel 的帖子

阿女現在還末出現「聽力退化」，但穿過的衣服臭襪、文具書簿永遠能在床舖上找到，完全不像女兒家。 在她房內的東西我唔會理佢，講到口都乾，只答你 “知啦”、”得啦”，但人仍坐在梳化，到下次想著嘅衫還未洗好就發脾氣，我都冇佢咁好氣，由得佢自食其果。

C9C9

歌莉亞 發表於 12-7-23 21:17
回復 Ivy07 的帖子

唔關識唔識教，而係佢自己識唔識想!

我都好明白你的感受，我囡雖未升中，但已有反叛期的初型。她又是初小時聽教聽話的。
我回頭想：
1•自己是否安排的太多？做功課、溫習、課外活動等，玩樂及自由的時間太小？所以形成反抗
2•佢的時期表是否欠缺自主缺定？
3•自己是否倍伴溫習太多，到要她自己溫習自律的時候，反而自我放從？

Bettyperry

唔好太擔心，我個女之前都係噤，有齊晒以上的問題，當時我都問㸃解，真想喊，而家巳經十七歲，可以話過了這時期，正常翻了，其實唸翻自己當年都係噤。正常的青春期，總之唔好學壞就得，比多些自由同自主佢地，好快過的青春期。佢地成熟了，又會同你有商有量㗎啦

hinhei

睇完咁多位..........我真係成個人定了一定!!
我以為我仔有問題.....成間房真係如同垃圾房, 最慘細佢三年的細佬同房....有樣學樣!!
佢張床上, 有洗乾淨的衫(我摺好放上去, 幻想佢自己放入櫃桶), 有著過的衫......乜都有!!
書枱成枱垃圾........做功課係細佬(下格)張床做......一係坐係梳化做, 我真係無見過佢係係張..........枱 ........上面做囉!!
D note 成堆梅菜咁.........
成日為咗咁而嘈.........成日爭札我係米真係當睇唔到, 咁樣啱唔啱, 幫佢執更加好似唔啱咁...........
而加睇完咁多位, 仔仔女女, 都係咁!! 我真係好安心!! 可以安心不理!!

mielmiel

回復 hinhei 的帖子

我女話佢堆梅菜notes同啲書係"亂中有序"，唔好掂，俾工人姐姐執完會搵唔返

senpei

我其實係中五女生，借用了我媽戶口，我都係中一二時反叛過，想講下當時想法，希望可幫到咁多位。我其實小學全級頭十，非常幸運地升上傳統名校。跟住就自認很了不起，因考到好學校，同自覺大個女，想反抗同挑戰權威，就開始樣樣撐到行。同埋我開始追星同識左個男仔，誘惑多左，睌睌留校到七點先走，成績退步好多，佢地就開始訓話，咁米反感，再加上個時特別多愁善感，會覺得佢地唔明我，而唔覺得佢地係為我好。就算講左都唔會認同我，就乜都收埋。我個期每月SMS過200封以上，成日係我阿媽面前話18歲搬出去，亦試過離家出走，但最後我阿媽喊住同我講話唔知點教好我，我開始收斂，係中四個年成績去番頭30%。這全部真人真事，希望可以令大家了解一下我們當時既想法。

k_0530_a

原帖由 senpei 於 12-08-11 發表
我其實係中五女生，借用了我媽戶口，我都係中一二時反叛過，想講下當時想法，希望可幫到咁多位。我其實小學 ...

吾好介意，請問當時妳離家出走是幾多歳？靜雞雞走定阿媽睇住走？
日頭定夜晚出走？點解要阿媽咸主緊才會識念？吾通真係好聲好氣叫吾得？
一定要睇到阿媽D眼淚才明白？其實當時你們想緊乜？

Meikin

回復 hinhei 的帖子

我都開始接受咗有部份男仔(或女仔)的自理和整潔能力是較差這個事實了, 我兩個仔都是如此.
接受還接受, 但不能就此罷手, 我唯有日哦夜提, 希望日子有功, 慢慢會有改善.

各位父母, 加油啊!

senpei

回復 k_0530_a 的帖子

14歲到。黃昏俾我爸鬧，一氣之下走左去朋友家。消失五六個鐘，後尾見到電話幾十個留言，覺得自己好衰，晚上十點幾到先番屋企。其實我都唔知點解見到我媽喊先知佢對我好，可能係俾佢感動左同䦕始明白佢苦心。好聲好氣既話...我都唔知點解會唔聽...

k_0530_a

原帖由 senpei 於 12-08-12 發表
回復 k_0530_a 的帖子

14歲到。黃昏俾我爸鬧，一氣之下走左去朋友家。消失五六個鐘，後尾見到電話幾十個留 ...

多謝你的分享，如是日頭玩出走，我都讚成比佢地出街行下，但夜晚就最好吾好搏，吾想因大家一事之氣，放左出去撞到D壞人，出左事反悔莫及！

hinhei

原帖由 headwind 於 12-08-12 發表
呢樣野係事實!

我每次幫阿女執房, 叫佢睇住我點樣擺, 都冇用. 一到佢自己執, 就亂七八糟咁塞落櫃桶.

唉! 教佢點執只係我哋幻想會執到咁!!

我中過幾次計啦! 唔好話跟住放，係佢根本唔會執！！