去留問題

Joe媽媽

亞仔讀緊所謂 band 1英中, 已 re-peat 了一年, 今年應可以升 Form 2, 但成績亦未見理想, 主因是他自己本身主動學習之動力不足, 學校亦沒有任援助. 問過學校, 反叛期男仔應該點處理, 點去溝通, 訓導主任居然說無見過我仔 case, 教了10多年中學, 做了幾了訓導主任, 居然說未見過我仔之case, 你信唔信? 係不想麻煩去插手跟我仔 case 吧?!  

我想轉一間 band 2 中中, 不知機會大不大?
而且, 轉了中中之後,. 我擔心:
~ 更加自以為是, 井底之蛙, 以為自己好叻, 更加唔上心去學習.
~ E+讀緊之英中, 當日是他自己揀之第一志願, 至今他亦不想轉校, 讀得很開心. 現在,  只是我自己想幫他轉, 怕他留在英中只是浪費時間. 但轉了之後, 又怕他"玩野"(反叛期), 成績會更差.

各位家長, 有相關經驗可分享一下嗎? 如果, 發生在妳們身上, 妳們會如何取捨? 謝謝!   

黃巴士

如果唔明課程, 當然是沒主動學習.
靠學校, 不如靠自己搵補習.

wonderlulu

路過, 好奇, 唔多明

主動學習動力不足同反叛期有乜關係?
間學校佢自己揀, 咁佢選校條件係乜?

我識唔少反叛精, 未見過自己打自己喎,  俾我就會同佢講:

間學校係俾你學習嘅, 所以要應付佢地學術要求係不容異議架啦, SORRY 人地唔會就你, 你要自己想下辦法克服困難, 如勤力啲, 俾多啲心機認真學, 個腦係你度, 學校收得你, 你就合乎佢地基本要求, 讀成點, 真係靠你自己, 冇心機補習老師都填唔入你個腦。

另外呢, 大個仔嘅意思唔係大力大SIZE, 係自理解難能力提升, 人生段段路都有豬頭骨, 李十X都會俾人鬧, 一樣會有野唔順心, 所謂"叻"人係會想辦法解決, 唔係放PAT由佢纏擾阻住條路, 要計劃、實踐、檢討效果、去蕪存菁、..........

其實要諗下點解決、條路點行嘅係阿仔, 做媽媽真係要放手佢先會長大, 讀BAND 幾學校都係咁。

Joe媽媽

回復 wonderlulu 的帖子

多謝妳意見, 妳所講之東西我跟亞仔也講唔少了, 地球唔會因為佢一個人未開竅/ 未預備好就停下來等你的, 不進則退呀! 分析晒比佢知, 社工亦說我做得很好了, 只欠未放手, 由他去試一下"點死"! 我就是放不下. 見到有得救都想救下佢...

Yanamami

Joe媽媽 發表於 12-6-21 12:35
回復 wonderlulu 的帖子

多謝妳意見, 妳所講之東西我跟亞仔也講唔少了, 地球唔會因為佢一個人未開竅/ 未預 ...

做阿媽就係「放唔低」、「唔可以眼見住佢踏落個窿都唔出聲」.  不過就係阿媽緊而當事人唔急, 就算去到band2/ band3學校, 情況都唔會變啊.....態度問題你幫唔到佢.  既然社工都話你做得好, 只差放手. 禁唔爭在行埋呢步啦.  針唔拮到肉唔知痛, 日哦夜哦都無用.

cy101

佢話無問題唔轉, 咪唔轉囉!

fullmama

Joe媽媽 發表於 12-6-20 10:22
亞仔讀緊所謂 band 1英中, 已 re-peat 了一年, 今年應可以升 Form 2, 但成績亦未見理想, 主因是他自己本身 ...

至今他亦不想轉校, 讀得很開心.....<<<<<<< 呢樣係重點.......如果妳幫她轉左校....妳怕唔怕會有反效果呢 ?

Ahling2004

唉, 亞仔同樓主仔一樣, 我就係同樓主一樣心. 點放手, 唔通真係唔救佢咩.

dad1234

似乎樓主自已都知道問題所在>放手, 到中學都唔放手, 又想佢自已飛, 妳都識講, 地球唔會停下來等妳,得罪講句, 樓主自已都要開一開竅, 等到第日F4,5時, 想改變就更加難.(冇惡意)

20091

回復 Joe媽媽 的帖子

先不要同仔仔討論轉校問題,
你要考慮實際因素,
1.唔係話,想轉B2就轉到,
到時你仔話:"好"
稍好校風的b2同b1學校一樣槍手

你仔的問題是青少年反叛期去到哪所學校亦一樣

等過了此反叛期再說,
到中學,不論是b1/b2/b3都係自己搞點,
不然哪有這麼多的補習社,補習天王/補習天后

20091

回復 Joe媽媽 的帖子

今年有一個b1中`的女生
有某一些原因要轉學校,
只能轉b3中的學校,

其實她成績不是太差,
可以追的,

Joe媽媽

回復 dad1234 的帖子

我舊年第一年 Form 1 就是放了手, 上學期已經出問題, 但我仍沒插手, 只是跟他分析了做人/ 讀書均要靠自己, 要...

而且, 他亦很反叛, 我要插手亦插不來. 所以, 結果就是留班. 今年 repeat, 我亦沒插手, 叫是鼓勵他要努力, 更加加油! 但放手了2年之結果就是越來越差. 行緊正路/ 直路當然要放手, 但眼見他越行越歪, 做任何事也沒動力, 亞媽如何可以去"放手"? 最後無書讀 (唔通亞媽唔幫佢搵學校去轉校?), 無飯食留在家中, 屋企開飯唔通亞媽唔比佢食飯? 再如此下去, 就會成為雙失, 隱青... 唔通仍然說"放手", 由他自己抉擇?

年少無知做錯事, 無傷大雅是可以, 但現在香港是高知識型社會, 男仔就算高學歷, 找份好工亦不易, 無學歷更如何維生? 領綜援做人嗎?

我有再三跟他討論此問題, 他亦說不想轉校, 希望他來年"開竅"吧

ykitty

f.1 時以為講自由,結果一敗塗地,很想放棄,幸一位朋友罵醒,首先放低要求,只求進步,容下空間,再查名師,幸兒子鬥心強,亦明白我與佢同行,我有可殺手間,雖未致落淚,但都相差不遠:你乖,成績好係我的乖仔,成績唔好,不乖,更加是我的乖仔,因為你正需要我,會陪伴你行崎嶇路,不會遠離你.係唔係夠肉麻.不過幾work.f.2大有進步, f.3仲給老師讚.小小年紀,誰定成敗?

黃巴士

Joe媽媽 發表於 12-6-22 10:09
回復 dad1234 的帖子

我舊年第一年 Form 1 就是放了手, 上學期已經出問題, 但我仍沒插手, 只是跟他分析了 ...

他有否此感覺 ?
你地咁多個都是得個講字, "努力些, 加油.........
: 唔理你點, 你大個仔, 你自己攪返掂佢(學業).--- 姑軍作戰FEEL" -  久而久之, 他: 你地唔好插手, 我做我的........

Joe媽媽

回復 ykitty 的帖子

多謝大家. 妳這招我都用過, 佢比較要面, 表面上好像無大效用. 但我估都有少少用. 人非草木嘛, 而且他亦話知道對他好的. 只是繁事對著幹! 我會比心機再同佢傾多D, 關心佢多D... 希望升班後好一點吧!

oscarmama

樓主係咪响整個小學階段都跟阿仔功課，陪佢温測考？如果係你突然响F.1呢個適應期放手，佢的確吾識自動波，成績差，又吾識處理，自然無動力。要放手早就要响小學放手，而家到呢個地埗，並吾係再跟翻佢功課，惟有多點鼓勵，大家平心靜氣商量問題所在，然後同佢協議一個幫到佢嘅做法，嘗試吓得吾得，同埋等佢開竅。

Joe媽媽

回復 oscarmama 的帖子

你地無估錯, 正正因為見到他升中, 所以全身出回來工作, 原來以前小學之band 1成績只是我之成績. 放手後, 現在就出事了, 如果 end up 升唔到班我唔知點算. 唔知重有嘜野學校收. 希望如他所說會升到班吧

我係事後才知道, 原來S1都係要跟住, 唔可以放手.