國際學校係咪真係咁好，能解決左香港的讀書問題呢？

lojo11

要我個仔成為讀書機器係好難... 佢彩我都傻... 一定要玩...

dannyyau302

再區分一個貧富懸殊的教育政策~與夾心階下者無關痛癢

sheffield

回復 dannyyau302 的帖子

不！其實我開這個topic不是要研究自己個女到底該讀乜學校，(我讀唔起國際學校)，我只係想大家想想到底係咪要讀國際學校才有出路，才能開心上學，才能creactive...你問我，我個人覺得唔係。
所以冇錢讀國際學校的人不用怨自己冇錢比亞仔亞女讀國際學校，因為有錢讀都未必一定好…讀普通的傳統學校又下一定會冇創意，讀死書…
加油啦傳統學校媽咪/daddy！

MKS

Sheffield,

我覺得好睇小朋友性格… 我個仔最唔鍾意抄寫..  次次做功課都好想媽咪幫 (我係笙媽) , 又唔知點解佢好怕同現時傳統幼稚園老師溝通 (有時候, 我叫佢同老師講XXXX, 佢話: 媽咪, 你講啦, 我唔講) 我唔知我個仔係怕老師, 定係佢懶?? 我foresee 到佢響傳統學校會好辛苦…

但有D小朋友真係可以坐定定聽書, 做功課, 測驗 (好似你個女咁), 無話邊種學校最好… 只有邊種學校最適合你小朋友!  

只於創意… 亦好睇小朋友本身/屋企鼓勵, 可能國際學校可以天馬行空… 但小朋友創意亦會得到傳統學校認同 ^.^

我相信你囡囡一定考到好學校 ^.^

cherubic

My answer is 'No'.  Parents pay a very important role in creating and solving problems.  You can many local parents, who send their kids to international school, but still require their kids to attend Kumon, Enopi, etc.  The kids nearly have no spare time.

elizatyy

我prefer國際學校主要是想小朋友學好英文, 個人覺得要小朋友讀中文小學、然後又要死命爭入英中、政府靠害

7F4C13E

我相信牛津劍橋等名牌大學都唔會係hea住讀，佢地收生都睇公開試成績啦！

rei0510

MKS　講得対、好睇小朋友性格、錢当然都係首要条件。現在想講２類不同之處、我自己的感覚ONLY!
引用一個国際学校、考得IB狀元的HK Local生的回答。http://www.singtao.com/yesterday/edu/0830go07.html


IB課程需要學生性格主動，有獨立學習能力，Amy是IB狀元，自然也有這方面的特質。她告訴Elsie，從小開始，她都喜歡發問，但她在傳統英中讀書的兩年，卻幾乎扼殺了她對學習的興趣。她說傳統的教育模式，是從上至下去傳授知識，課堂不太互動，學生較少表達意見。姜太透露，女兒最初去到新環境時，還常常舉手答老師問題，但後來Amy發現只有她舉手答問題，其他人卻不會，漸漸覺得自己很怪，就變得不再主動。。「有少少意志消沉，自己想問的東西無法知道，老師解答不到，自己想多學一些東西卻得不到，有些不太開心。」Amy說正因為這樣，她決定退學，重回維多利亞，繼續IB的課程。


她是親身経歴者、我覚得她説得最好的是、HK傳統教法係由上至下（教師比O羊你、你就照食）。自己想問問題時、発覚身邊學生不挙手不問也不答的話、想問的都塞在心裡。其実互動的学習環境、學生多表達意見、令学習氣氛変得輕鬆、吸収到的一定比由上至下有趣。
先不論金銭、２種学習模式、我鍾意国際学校的過程、比較生動、能訓練独立思考。当然在HK、要考慮多方面因素、例如是否会在港升大學、還是海外留學、能否会到傳統学校升中等。。。
辺種合適自己的小朋友、看看性格和家庭財政能力吧

dannyyau302

回復 sheffield 的帖子

我家的囡囡在今年九月讀小一了。我們比較傳統的原故, 選擇在區內的學校就讀, 慶幸都派了一所好學府, 免得龍年孖仔六年後無書讀。

lui

我認為這個世代需要的，並不是背誦，記得多資料為優等，即係我們當年HKCEE, as/al.現在資訊科技易致聖發達，需要的是分析能力。覌乎本地國際學校一一轉IB 就知，包括已轉的加拿大國際及即將轉的德瑞。還有，國際學校追balanced life.不是人人讀書也優異，但他們還重視sports,music.傳統學校如成績不好，咪諗其他，補習補死你。

carolmum

我記得以前睇過有關傳統不傳統的論題
學者有以下的結論:
傳統教育其實很適合普及教育(即係不按天資,性格來論, 只要用時間, 一般人都可以在平均線以上) 總體成績比較平均
但, 反過來, 凡是與別不同的孩子便更合適活動教學了!這才有空間讓他們發揮!...所以很多科學發現,研究,發明都是來自西方

MAL

回復 sheffield 的帖子

Totally agree. I don't think people grow up in western countries are smarter. I am an Accountant holding USA license. When I went there for the CPA exam, almost 90% Asian candidates are young (20s) but for the local American, they are about 50% in 30s, 40s or 50s. Or maybe they don't look young as Asian??

thomas07

yes...........................................................................................

Nicmommy

原帖由 lojo11 於 12-06-19 發表
加多句，香港國際學校可能同外國本地學校唔同，純粹分享下

我小一已經移居到外國。學校學既野唔一定同國際學校一樣。我記得係7年級先開始有textbook。9年級中學先開始真整讀書。之前小學功課都係讀故事書。我d中文都係呢幾年學返。學校唔係IB課程。只係讀書無壓力。考試都照考唔驚。我都有讀完大學。係外國普通政府學校對外國人黎講已經係傳統教學。但係一定唔同國際學校。起碼無IB certification！

Nicmommy

讀咩學校都好，唔好太stress。外國從來未聽過小朋友為學校讀書考試或感情事去自殺。

mirage

但外國久唔久有校園鎗擊案，當然，香港不能私有鎗，不能直接比。

四隻貓

選擇學校是很個人的, 就如同教仔方法一樣, 羊爸, 狼爸, 虎媽各有支持者和反對者, 大前題是要尊重別人的選擇, 大家和而不同.
其實傳統教學, 活動教學或IB 學制各有利弊, 無一樣野係完美. 大家在選擇前要了解每個學制, 也要了解小朋友性格, 減少錯配.
其實每年d學校總會有學生轉校, 有人由傳統學校轉國際學校, 亦有讀緊國際學校轉去傳統學校, 覺得唔0岩自己就轉校囉, 勉強無幸福.

好多人成日批評香港教育制度, 我自己都曾經好恨之入骨, 不過細心一想, 有限資源下, 政府可以點做? 大家要記得香港係低稅率, 外國係高稅率仲要有銷售稅0架.

Charlotte_mom

cherubic 發表於 12-6-20 17:23
My answer is 'No'.  Parents pay a very important role in creating and solving problems.  You can man ...

Absolutely agree!
唔止本地家長, 活在香港, 除非父母一早打算回流, 否則好難做到完全HEA, 我有個斯里蘭卡裔同事, 澳洲大的, 個女香港出世, 咪又學中文學法文學斯里蘭卡話(除左本身識既英文), 學游水彈琴數學, 同一般外國小朋友一樣, 佢個女好唔鐘意學中文覺得好難, 不過點唔鐘意都要學, 大勢所催, 我同事專業人士, 咪就係輸蝕左唔識中文LOR

kamtsk

其實讀乜學校都好，都唔可以靠晒學校。就算小朋友係天生讀書型都好，父母也要安排適當的課外活動。今時唔同往日，父母的栽培變得越來越重要了，父母們加油吧！

careysum

我大女就嚟入大學, 由細到大都讀傳統學校, 成績仲好好, 不過, 本士教育的確係谷爆個小朋友, 我從無要大女補習, 亦無要求佢既成績要點點點, 但根本唔需要我地點點點, 學校會自己幫手谷爆個小朋友, 小學還仲有時間去玩下, 由中3開始, 我大女未放過暑假, 每日比學校夾返去補課, 佢讀既係沙田某BAND ONE 學校, 已經唔係出面果D超級名校, 每日見到都一大堆功課之餘, 仲個個月都測驗, 即係日日都要溫書, 學校同學校之間其實都存在競爭, 所以會各出奇謀, 另外, 傳統學校既教育模式真係好死板, 死背,死抄, 大女由中3-4開始, 晚晚溫書及做功課都做到零晨兩三點, 瞓3個鐘又話去返學, 不過, 受咩教育都好睇小朋友既性格, 只要受得了, 本土教育亦有佢既好處,而我細女既性格同大女完全相反, 細女宜家讀緊國際幼稚園,間學校既教學係近似IB, 係同傳統學校好唔同, 係連面時時既模式都好唔一樣,我覺得好少機會有小朋友喺咁既環境學習會唔開心唔快樂,我都好 希望佢考到IB課程既小學,其實, 本土及非本土既教學方法好唔同, 係兩樣野, 其實好難作出比較.