政府醫院抽血化驗一問

yauman76

今日第一次見政府醫院兒科醫生, 主要睇小兒嘅發展遲緩同自傾問題, 佢都係好簡單做咗一般身體檢查, 而大部份時間都係對住個mon問我地個仔個情況, 一路係咁打字, 就話小兒係整體發展遲緩同有自閉症, 好似好兒戲咁, 佢話自閉症要轉介去CAC做評估同隔幾日喺醫院度抽血做檢查, 佢話驗血嘅目的係想check吓D新陳代謝, 肝功能, 腎功能有冇問題, 我心想, 又冇講會唔會check水銀, 鉛或其他重金屬有冇超標, check咗唔知有冇用? 而且小兒好唔鍾意人地掂佢, 今日做簡單檢查都要3個大人要㩒住佢先得, 如果要抽幾支仔血都唔知會點.

我想問各位媽咪, 你地小朋友有冇試過喺政府醫院度抽血而驗到D有關自閉或發展遲緩成因或對冶療有幫助嘅嘢架?

why-me

yauman76 發表於 12-6-13 22:53
今日第一次見政府醫院兒科醫生, 主要睇小兒嘅發展遲緩同自傾問題, 佢都係好簡單做咗一般身體檢查, 而大部份 ...

咪睇少醫生所輸入數據, 當年醫生就話亞仔係"發展遲緩同自傾"我都覺得兒戲兼唔信, 點知中晒
你咪好彩, 即刻幫你仔驗血, 我當時冇得驗, 反而舊年返去CAC醫生先幫亞仔抽血, 未知結果.

why-me

你仔唔鐘意人掂係感統出現問題, A仔常有發生, 快D搵治療比佢.

yauman76

回復 why-me 的帖子

依家做緊訓練, 正在改善中.

yauman76

其實幾個月前我仔仔已經去咗私人度做詳細評估, 結果係有遲緩同自傾. 再去CAC見姑娘, 佢都有同樣comment(暗示). 其實未去做呢d評估已經知道仔仔有呢方面問題, 只係做咗方便排相關服務. 而我所講呢個政府醫院醫生, 佢其實冇乜test過仔仔, 所以我覺得佢有d兒戲. Anyway, 其實我都係想知抽血對仔仔嘅問題有冇幫助, 希望各位有經驗嘅媽咪分享吓. Thx!

why-me 發表於 12-6-14 10:12
咪睇少醫生所輸入數據, 當年醫生就話亞仔係"發展遲緩同自傾"我都覺得兒戲兼唔信, 點知中晒
你咪好 ...

EKME

我去年政府醫生要抽血, TEST 小便, 結果我只TEST仔仔小便, TEST 血, 我拒絕了, 仔仔只說話遲了, 為何TEST 血, 而且我不信政府抽血,!

EKME

是呀!政府的評估真好簡單, 如不是要排E位, 我真不想帶仔仔政府FOLLOW, 我都有帶仔仔去私人評估, 所以才感到政府的評估真好簡單!

annaanna

我仔有抽血，不過佢冇喊，其實自閉，都冇咩方法可以驗出，如果政府醫院唔做野，家長又會話排咁耐隊咩都唔做之類O既說話﹗
我仔有睇遺傳科，不過冇咩發現﹗

仲有話驗重金屬，如水銀，就算驗出，西醫都唔會話有關係，因為根本冇數據支持有水銀=有自閉﹗

yauman76

個政府醫生話朝早9:00抽血, 下午(唔知幾時)先出得院, 又唔知驗D乜同驗黎仲乜, 好似好無謂咁. 我諗都係唔去多喇.

free_style

公家有得驗，抵喎! 我去 cac時都無叫我驗..........我自已俾錢在私家驗，每次都幾千元。我個女 做緊生物療法，八個月了，其實自閉癥狀係有幾明顯的改善喎。佢個原理係話，因為腸道的發展問題，未能完全消化蛋白質，結果身體未能攝取足夠的營養，同時這些小朋友多有食物敏感，部份是腸道內對小麥敏感，導致腸道內璧變得平滑，影響消化，加上免疫系統問題，身體將致敏的營養當作細菌咁打，結果免疫系統亂籠

free_style

其實外國已有唔少證明，戒小麥、奶及蛋，會令小朋友的專注力有很大改善。正因為佢地的免疫系統問題及營養攝取不足(有些是肥仔來的，但同樣有問題，所以單靠樣未必睇得出)，影響腦部發展、情緒控制及專注力。此所以唔少個案都發現，戒口係有助改善專注力。

free_style

我之前睇住個 friend 個仔，戒口後情況明顯好轉，所以當我個女見完 cac 醫生，試左半年針灸後效果一般，最終都試生物療法。而家做左八個月左右，驗過血、小便及大便。戒口及食營養補充劑，而家溝通有來有往，情緒控制到，發脾氣都係扭一陣，起碼家庭關係好返好多喎。

yauman76

我都問過D私家兒科專科醫生有關生物療法, 佢地唔多recommend.

free_style

講真，針唔拮到肉唔知痛。佢地「覺得」無用，無成本。對於我地而言，在沒有出路時，有方法可以試，就係「逃出生天」。

作為小朋友家長，我自已個女試左八個月，解決左好多過去，ot / st 都無法解決的問題，對我來說，已經是比佢地有用的方法了。其實，方法是沒有「王道」的，有效才是最重要。對我地而言，小朋友問題顯著改善，才是最終答案。

free_style

驗血、驗尿及大便，唔係驗佢有無自傾。以我地作為家長的，睇都睇得出。驗，係驗佢有無食物敏感，有無免疫系統問題，這才能對症下藥。

如果專注力不足，自症等，食多些魚油或其他補充劑係有用的話，咁即係無論點，都有部份屬於生理問題。咁生理問題，生理方法解決，其實又有其道理喎。

myson727

回復 yauman76 的帖子

"生物療法"香港都唔多人色，點會有E生recommend。

fatpam

請問可否要求CAC 醫生同小朋友驗血?

myson727

驗血你想驗甚麼?食物敏感？

idak

我睇果個政府醫生同你講的一樣, 但佢有講check重金屬有冇超標咁, 佢幫我排咗好多嘢, 驗血, 驗尿, 磁力共振重有遺傳診所咁。我都想知驗血會驗幾耐？

HopeLJ

最近五月去CAC 覆症。醫生話 check 遺傳科，唔洗去醫院，而家佢地做，for 自閉証research purpose，如果check 到有嘢會 call 我，冇就唔 call。當時覺得醫生幾好應承咗。點知即刻抽，好啦我以為護士抽，點知叫我去化驗所個邊，去到個個化驗所個人 (唔知什麼 quali 睇落唔似醫生護士)，解釋極都唔明，叫佢打電話問醫生又唔肯，我走返醫生處，佢地俾我攞封信返去，化驗所個人先話抽血，叫我捉實阿仔。點知抽咗 2支 5 ml , 我好心痛，有冇需要咁多呀。阿仔當然痛加喊，跟住發燒兩日。我好後悔，我又冇唸再生，攪黎做什麼，係去私家 抽2 ml 已經 check 到好多嘢包括食物敏感咁。而家無消息無報告，唯有安慰自己阿仔對嗰個 research 有 d 貢獻。