91網！人生交叉點！

SY_Joanne

就快要選校啦！本身有20分，你吔話搏一搏抽培基好呀，定直接揀間冇咁大競爭的次心儀學校。因眼見今年大抽獎咁樣，都好怕同要扣門，唔搏吓又好似唔知點咁，真係好矛盾，請大家比啲意見呀！

ah_wa

邊間係你次心儀學校?
如20分都要抽, 就不如搏培基.

SY_Joanne

梁小／一胡／蕭小／主風

ah_wa

SY_Joanne 發表於 12-6-8 23:40
梁小／一胡／蕭小／主風

除左top3外, 一胡係91網好多人報, 大抽獎一定要第一志願先有機會, 因為冇宗教, 15分有得搏, 第一輪唔知會唔會多人報過報培基.
梁小今年第2志願都抽到. 其他就唔清楚.

yan321

你有20分，梗係博得過培基啦。如果你揀得培基就要放棄一胡，而且你無理由有宗教分唔用，走去同人迫15分？至於蕭小，梁小，主風應該仲可放到第二志願。我今年都係中梁小第二志願，不過我亦在此聽過有媽咪話，今年自行時15分揀梁小都唔收。

靚C奶

yan321 發表於 12-6-9 00:40
你有20分，梗係博得過培基啦。如果你揀得培基就要放棄一胡，而且你無理由有宗教分唔用，走去同人迫15分？至 ...

我表妹個女第一志願派左梁小, 佢話註冊時個老師話得幾個係第二志願入到, 其他都係選第一, 原來你係好好彩嘅其中一個, 聽到佢咁講都有d愕然

yan321

係呀！原來得幾個位係第二志願咋！我都覺得好好彩，因為之前聽人講自行15分都入唔到，所以都唸住落到第三志願。而且我見梁小的叩門表，都有列明揀佢第一志願先會優先機會面試呢句，所以真係lucky。

SY_Joanne

請問培基的宗教分係咪任何一間教會都可以