幫小朋友介片

kenny_hk

我想問各位家姐。尓幫點樣幫小朋友介片呀。我小朋友今年九月就要返幼稚園但到至今。佢仲未識得表達

kenny_hk

推。麻煩大家幫幫手呀

BKVIP

我個方法係直接俾佢著底褲仔，係咪同佢講要尿尿/屎屎要出聲，成日問佢疴唔疴。佢疴濕左1-2次後就識自己話要尿尿/屎屎。之前用學習褲介極都介唔到，因為疴左都唔會唔舒服，所以我把心一橫唔用學習褲，直接連夜片都介埋。你可以試下。

BKVIP

"未識得表達" 咁會唔會指嘢，或喊住有要求？

ada605

我個囝到現在二歲五個月都未識說話, 我亦試給他穿UNDER, 但次次用痰罐來叫他尿尿時, 他總是把腳提高來推走個痰罐, 真冇他辦法

cat1028

我囝屋企俾底褲仔，掛住玩，唔理照痾，濕晒。
出街穿學習褲，就會忍下 ，見到商場廁所男女公仔就指下，你唔留心佢d動靜，好易痾咗。
我都想知有咩辨法？

anan3388

我等到仔就黎三歲先介, 學校幫埋手, 二個月介到片, 中間都有時失手

開始時要控制飲水量, 飲左水後半個鐘帶去一次, 慢慢掌握下佢幾時去

daddy示範點去, 睇多幾次都明。都有一些書係教去廁所程序, 配合埋教都幾好。

又聽過有個係差唔多三歲, 一直用片褲, 無特別介, 都係定時同佢去下廁所, 過左一排自己識得去, 好快介左

why-me

我個仔都四歲先開始戒日片, 係屋企最緊要唔好再俾佢著片, 俾條底褲佢, 定時入廁所, 如賴濕唔好即時幫佢換, 用重小小語氣鬥佢及叫佢摸下賴濕的位置.
以我經驗直接教佢痾入廁所, 出到街唔會固執搵痰罐.
比D耐性及愛心, 一定可以攪掂.

candyctk

我仔仔都係唔出聲架。尤其係開大，佢一定要企定定係片痾。
而家用個方法幾work,大家交流下。最開始時重著紙尿褲，每半個鐘問佢去唔去，跟住的佢去厠所痾。跟住改為一個鐘一次。佢每次有得去一定一定要大讚佢。而家就直情無片，初時係一日濕幾次褲，咁一濕就話佢醜醜，再加上話媽媽又要抺地啦。繼續一個鐘去厠所。一個月到，佢而家唔駛我嗌，會自己話要去殊殊，當然你見佢成個幾兩個鐘唔出聲就要問問佢。個重點係唔好怕佢濕褲，同次次有得去要大讚。不過開大佢完全唔理我。本來我想比佢的屎屎跌落地等佢驚，不過成個月來，佢都係好好彩痾係片（出街係著片）或浴缸內，所以重唔可以成功戒到片。

pinkdoll

kenny_hk 發表於 12-6-8 08:12
我想問各位家姐。尓幫點樣幫小朋友介片呀。我小朋友今年九月就要返幼稚園但到至今。佢仲未識得表達



  ...

你要記住佢哋係好固執既 所以有時我哋要好聰明地利用下佢哋既固執 如果你俾佢習慣去廁所痾尿 只要佢將"去廁所痾尿"成為習慣 佢就唔會再係片到痾尿架啦

我個仔二歲九個月都唔識講嘢 我都要佢介片 佢開頭實唔制架 我咪日日飲完水/湯 5-10分鐘帶佢去洗手間 日日如是 開頭用個兜等佢痾尿 慢慢地佢哋習慣咗就會ok .... 家陣佢3歲半已經介咗日片 佢一定要去廁所痾尿