想問問有幫小朋友去做過評估既家長

kenny_hk

我家的哥哥而家30個月大，平時哥哥係屋企中意轉車碌，有時同佢講野冇反應，好多野都仲未識表達，自理能力低，最近發覺佢d肌張力唔夠，坐係到冇咩腰力坐坐下會訓左係到，有時行行下會發軟提。

係上年十月我地幫哥哥係政府到做左評估，見左兒童醫生話佢認知同體能得15個月大，而言語表達得8個月大
醫生評哥哥有自閉徵狀，而家哥哥已經返緊耀能幼兒中心每星期返一堂做訓練，但我而家想知既係仔仔而家係嚴重定輕微，要唔要出去搵私家幫哥哥再做多次評估下，同搵邊一間好，而家我仲可以搵d咩幫到我哥哥，thx

kenny_hk

push

ada605

耀能返緊什麼訓練呢

kenny_hk

耀能個個係政府關愛基金資助俾學前兒童返既幼兒課程為期一年，每十二堂會有一個評估

kenny_hk

push

anan3388

如果真係想幫小朋友, 若要做哂咁多訓練, 係有好多野要做既

你可以去近你區既耀能/協康等機構的家長資源中心, 又或公共圖書館, 借自閉症訓練指南 / 學長綱領, 睇返仔仔既能力, 同埋一般孩子既能力, 在各方面既比較, 然後, d書有教點樣做訓練既。資源中心都有好多玩具可以借

努力試出既衝破障礙一書都不錯

至於語言可以睇"特殊兒教養寶典",

"解開人際關係之謎"講咩叫溝通, 都好值得一看

睇埋 "與光同行"漫畫都可以

感統書可以睇: 小孩不苯

小手肌書, 可以買協康出既: 兒童小肌肉訓練134課

另外, 資源中心有好多家長講座, 同埋, 通常都有俾一些新發現有自閉症家長既輔導服務, 你找下你那區近邊個中心, 去問下

至於肌張低, 我當時係同仔背支水在背包, 然後日日行十層樓梯, 後來佢叻左大個左, 唔怕佢跌, 我就拋波上一層樓梯, 等佢上去執, 上落十次左右。做sit up, 去遊樂場爬攀爬架, 好似做單槓咁吊起個人數十下

我地都有去做感統運動, 做體操

救世軍復康服務亦有支援閉症家庭, 有社工, 同埋有人跟進上門, 或可打去問下 28932537