請比比意見

Capricorn2521

回復 fatpam 的帖子

不如你試吓搵間下午班比佢返吓，上午繼續返S位。咁樣上午有training，下午又有其他集體活動同同儕刺激。睇多一段時間，如果佢跟到大班，而你都覺得S位一樣，好少進步，就直接在下學期或下年度轉校啦。

其實我地呢D吾高吾低嘅都幾頭痕，S位又教得慢得濟(好在我仔果班有教常識，我覺得都OK嘅)，主流又話1對15，老師吾會同你重複講幾次，唉 ! 不過，我都聽同學媽咪話返下午班時都係比老師話佢發夢，所以媽咪自己要好努力跟同埋上C+堂。又有同學媽咪話，在下午班內，學術都不期望佢跟到，只希望佢跟到常規同喜歡和小朋友互動，主要係要佢地習慣返主流的上堂模式，即係老師吾會下下提你，吾係N1/K1啦，同埋老師教書時吾會樣樣野貼在牆上(用眼睇)，要學習多D用耳聽。

Capricorn2521

我仔上年嘅S位老師好好，初初好ABA咁教佢，下學期左右就加咗D類似RDI的原素咁教，又好清楚不時update我亞仔上課情況，講佢最近有d乜野進步咗，有乜野壞行為要執同點執，亞仔又好中意佢。我同仔講："你吾乖，我會話比x老師聽" 仔即刻話：乖。所以佢真係進步得好快。今年個老師是剛畢業的，又係新來這中心的，溝通過後...比我感覺係少講少錯，問佢我個仔上課情況時如何，佢乜都話ok，只告訴我知亞仔有什麼進步，很少說他的壞行為，就算有都係1、2句。在半信半疑下，於是我星期六比亞仔上一般小朋友嘅體操班同長假期專注力訓練班，測試吓小朋友在其他課堂上課情況及詢問其他老師的意見。亦因為覺得跟經驗淺的特殊老師不如跟主流老師+兼收位老師的想法下，也在11月提出轉位。

其實我想講，好明白你心情，轉位真係一個好大嘅掙扎，你要好好考慮。相信你自己作為媽媽的直覺。

Capricorn2521

回復 01shirley 的帖子

我又係好強調要訓練同儕社交同專注，但老師就話：好老實，依度個個都差吾多，同儕社交好難有進步。

最近，我時不時送仔返學，見倒我個仔原來係會同同班同學打招呼及講早晨，同學都會望返佢，有時會報以微笑。有一次，我仔叫同組同學一齊玩欄杆，同學大D，雖然冇用口同佢吱吱喳喳，但同學係同佢有交流，有互動，一齊玩，我仔仲玩到架架笑。所以其實我對這個老師很失望，我覺得呢一班學生吾係咁差，點解佢會覺得同儕社交冇可能有進步呢?

Capricorn2521

回復 01shirley 的帖子

咁你見咗I位老師未呀? 佢地點講呀？其實都擔心吾黎，主流其實都有好多未被發現的ＡＤＨＤ及亞氏小朋友。

回顧２年Ｓ位的生涯，整體我都滿意嘅，我個仔多方面都有好大進步，包括和你一樣的偏食／自理／行為，以及包括老師話冇可能有大進步嘅同儕社交都有進步，尢其今年我仔已經很喜歡聽故事，實在令我很開心，從德育故事中亞仔學了很多正確行為，這方面學校亦有不少功勞。依家我晚晚都會同佢閱讀購自坊間的幼兒德育故事書及英文故事書，有Ｄ亞仔熟倒可以讀返出黎比我聽。同埋，最近亞仔已經開始講返學校Ｄ野比我聽。

只有今年老師跟我嘅溝通令我最不滿。

Capricorn2521

回復 01shirley 的帖子

乜可以吾收嗎?

我上星期去見I位老師，在課室內，有玩具玩，好D。I位老師個樣係黑口黑面，比我感覺吾多好，又話我個仔雖然有語言但吾靈活，話佢比同齡差好多。佢都有病，A仔一定係吾靈活，我都廢事理佢。下半場我個仔自己在寫字(我帶定簿同筆比佢)到最後個老師都話要train好d語言同keep住train寫字都可以。

個仔係佢度讀，我個樣都會好合作嘅。我同老公相量過，如果D老師真係吾好，我地會轉校。S位轉出來可能有D難度，主流轉校應該會容易D。

我將個過程講比朋友聽，佢都有一個k2升k3嘅仔(non special kid)，佢話佢個仔都係差吾多，仲話乜依家d小朋友咁叻架咩?

希望係我多疑！

Capricorn2521

回復 01shirley 的帖子

嘩.... 乜依家D I位咁樣????

唯有再睇吓先，見步行步。不要放棄！

Capricorn2521

回復 01shirley 的帖子

我會覺得入K1，打好個底，到K3再搵學校，又或者2年後佢進步咗，學校又有位比佢呢?

又或者讀讀吓，一年後你找到其他學校都會走??? 遲吓嘅野無人知，依家最緊要係打好個底先。

Capricorn2521

回復 01shirley 的帖子

最緊要你同學校有共識，如果你都同意K2，當然入K2啦。我只係擔心如果你小朋友跟吾到K2而勉強要入，咁就你又辛苦，仔又辛苦，老師又教得辛苦之嗎

K3轉校當然最好吾好啦，但如果一年/二年後學校都吾鐘意個小朋友，都要想吓辦法LOR......

睇完今日你咁講，其實佢地都有為小朋友著想的。

轉得出黎，我預咗要受，有說話聽，但係如果能力有返一定程度時，放佢在主流...社交一定好D。吾好理佢學術跟吾跟到(我意思係大班可能好多時係發夢，所以我地自己要跟返足d) 。同埋，時間可以證明一切，初初會有一段"麼"合期(transition period)，大家亙相猜疑，但當相處時間久了，大家對大家有信心時，我們可能想法不再一樣。

Capricorn2521

回復 fatpam 的帖子

多謝，我仔5歲2個月。佢本身係數字文字迷，所以好正常咁教已經OK，然後佢會自己practise同研究，同問我有關問題。可是，溝通同社交都仲要努力。

我記得初初教10以內加數係用手指教，ok之後，就教減數。初初教係一年前嘅事，記得仲比老師話我教得快，佢話一般小朋友係4歲9個月先開始學加數。應該要學好數前概念先，即係長短/高低/先後/空滿/左右/上下/最.....果d ，但我見佢又明又好鐘意學，當時我就2樣一齊教。

Capricorn2521

回復 fatpam 的帖子

實物佢明即係明啦。不過，可能佢少睇圗畫，較難掌握(我估)。如是者，可以平日比多D圗畫書佢睇，習慣左會好D。

我平日除了帶簿同筆出街，比亞仔等食時間有野做，我仲會係簿上即時畫圗畫，叫佢估吓我畫乜野，我畫得好簡單，佢通常都估到。

尋日，等食時，佢在簿上出題目叫我做，題目如下：
ABABABABABAB <--- "媽咪，跟住到乜野呀?"
CDCDCDCDCDC <--- "媽咪，跟住到乜野呀?"
我寫答案後，佢好似老師咁剔一剔......
又係頁頂上寫上我個英文名.......比佢笑死，我諗佢應該係扮老師平日上堂情況。

Capricorn2521

回復 apple~y 的帖子

我個仔D固執行為仲有小小，不過，吾太難搞。主要我地用交換條件/獎勵計劃，事前預告來治佢。其實，佢最難搞係到新環境，冇預告，吾知要做乜嘅時候，佢就會有好多比人覺得係搞搞震嘅行為同EE牙牙發蚊爭。所以好多時佢初初上課外堂/訓練時，D評語都吾多好，但熟咗之後，老師都話佢有D聰明，但守規舉都係弱，佢鐘意果D活動又會好D，老師有獎佢又會好D。

上次我地一家人(3個)去獅子會自然教育中心，，冇預告比佢知，入到D展館走來走去，好在早，冇人。我叫佢吾好走，叫多幾次佢又吾高興，EE牙牙發蚊爭，於是比我鬧。我要好用心捉佢去睇野，果日又熱又落驟雨，好勞氣。

前日同佢去dr. kong買鞋，要驗腳，佢郁來郁去驗吾到，打算放棄時，另一個似係資深d嘅sales問乜事，我話佢吾合作吾驗啦。於是個sales問佢食吾食糖，佢話食，姐姐話食糖要合作，得吾得。佢話得，結果真係得。姐姐好野，果然係做細路仔生意。

仲有，佢無聊時，成日講D引人注意嘅說話。例如同佢講咗工人姐姐一D說話係錯嘅，叫佢吾好咁講，應該要點樣講。佢係明白嘅，但得閒無聊時，佢就會望著你笑微微咁講D錯野，好似好好玩咁。Daddy話呢d係佢嘅遺傳.......

佢咁嘅行為，在主流初初一定比人投訴到爆。

Capricorn2521

回復 01shirley 的帖子

好多謝你地......我個仔真係吾係叻，佢出比我D題目我相信係老師出比佢，佢又抄返比我答。

關於讀故事書，我個仔歲幾2歲已經開始玩書，只睇頁數，吾係睇書。再大小小，佢會自己睇數字及A-Z嘅書。

到2歲多，我請教私人PST點樣同佢一齊睇書/講故事，佢教我買一D同佢日常生活有關嘅書，內容佢熟悉嘅，於是我買咗2本2歲幼兒嘅英文書，一本關於動物園，一本關於上學。佢只會自己翻書，吾會聽我講故事內容。

後來，3歲多，我又買了2本英文書，一本講媽媽，一本講爸爸。我讀比佢聽，佢今次會留心聽，多次閱讀後，佢自己可以讀返出來。當時，佢表現出閱讀興趣，但和我的互動不多，好鐘意聽我讀書。

到了4歲頭，我問S位老師同樣問題。今次佢同樣叫我買一D同佢日常生活有關嘅書，但要有文字，每頁約10個中文字。於是，我就買了莎莎系列嘅書。佢同樣只對自己睇書有興趣，不喜歡聽我講故事。老師又話，最好同小朋友影相，制作一本關於小朋友自己嘅書。我都有同佢影相，制作一些圖咭。今次，佢表現得好投入聽我講咭上的內容，又會自己講返出來。

今年學年初(上年9月)，ST開始同佢講故事圖咭，由2張->3張->4張->5張->6張，問問題，然後老師在上個別堂同佢讀故事書，問問題。其實我知道學校日日都有閱讀時間，個個小朋友到書架攞一本書坐著看圖書。講完2個6張故事圖咭後，我冇再用故事咭，可能熟咗，佢會玩咭。我係屋企就開始改用故事書講故事比佢聽(訓練理解力)，聽日用同一本故事書指住文字讀比佢聽(訓練認字)，重覆練習4本莎莎系列故事書及2本連CD嘅英文故事書，然後上個月才買了幼兒德育故事書系列。

Capricorn2521

回復 BKVIP 的帖子

我覺得你小朋友能力吾差，如果本身主流學校接受到，自己又有滿意嘅私人導師，可以吾洗入S位。況且，你依家只係讀緊下午班，上午可以同佢做訓練/做治療。其實我覺得咁樣係最perfect !

係喎，點解你e位可以有咁多堂上嘅?

Capricorn2521

Capricorn2521

回復 01shirley 的帖子

我嘅圖咭係冇故事性嘅。我的做法係影多張小朋友自己活動嘅相，如食飯，飲水，坐好，玩玩具，另一d係影多張工人姐姐/媽媽/爸爸嘅相，如姐姐不湯，媽媽笑，爸爸睇電視，然後彩色打印出來作圖咭同佢一齊睇吓/講吓/傾吓。當然又要睇吓孩子的程度，我其實冇乜系統咁做，樣樣試吓，邊樣佢有興趣又繼續做，做做吓，又諗吓點樣豐富D內容比佢。後來又在網上找一些小朋友常去嘅地方嘅圖片如沙灘，泳池，公園，碼頭，學校門口果張相，酒樓，餐廳….等等，制成一本書，佢好鐘意果本書，出街要放在袋內，搭車就拿出來看。我又會同佢在家一齊睇吓/講吓/傾吓佢本書d內容。呢個方法又係老師教我嘅。

咁樣做嘅目的係要引起佢聽我講書本內容的興趣，所以我覺得初初做，圖咭之間吾一定要有故事性。但睇完30-40張獨立圖咭後，慢慢一步步，再同佢睇其他人嘅相片、圖片、再睇有故事性的圖咭，正如我之前D POST所講一樣。(我果d有故事性的圖咭，係ST影印比我嘅。)