請比比意見

fatpam

讀左成年S位，我都覺得小朋友係社交同共同專注方面只有好少進步，可能之前有D期望，所以幾失望。
學術早已知道係淺，成日重溫以前正常學校學左的內容，進度慢，反映左稍教多左，感覺食之無味棄之可惜。
私人導師話佢學新野幾快明，不過要多溫習幾次

私人比錢S位會否好質素D?

apple~y

0甘你新學期係咪會番s位
新學期會再重新編班,再睇睇
學術早已犧牲左,都預0左啦,我都唔太緊要呢方面都係自己同小朋友補0下
入得去都係重點密集訓練,私人真係貴
出年選小學,來緊都係同仔仔再作最大努力,睇睇第3年可唔可轉番i位

fatpam

今年好似浪費左一年咁 自己同私人已比學校教多D野
留多一年可能都係咁唔知點好。
轉服務加私人又好似好傻咁， 人人都做私人等政府位，我就倒轉諗，除左我，學校老師都係小朋友重要的KEY，啟發到佢學習有進步

Capricorn2521

回復 fatpam 的帖子

不如你試吓搵間下午班比佢返吓，上午繼續返S位。咁樣上午有training，下午又有其他集體活動同同儕刺激。睇多一段時間，如果佢跟到大班，而你都覺得S位一樣，好少進步，就直接在下學期或下年度轉校啦。

其實我地呢D吾高吾低嘅都幾頭痕，S位又教得慢得濟(好在我仔果班有教常識，我覺得都OK嘅)，主流又話1對15，老師吾會同你重複講幾次，唉 ! 不過，我都聽同學媽咪話返下午班時都係比老師話佢發夢，所以媽咪自己要好努力跟同埋上C+堂。又有同學媽咪話，在下午班內，學術都不期望佢跟到，只希望佢跟到常規同喜歡和小朋友互動，主要係要佢地習慣返主流的上堂模式，即係老師吾會下下提你，吾係N1/K1啦，同埋老師教書時吾會樣樣野貼在牆上(用眼睇)，要學習多D用耳聽。

methy

我阿仔S位暫託，學左好多社交技巧，未識行，學術一定唔係我現時需要關注既，因為阿仔入體障組，主任講過佢地既課程=正常學校，仲有家長覺得深過外面。即係如果小朋友能力得，間學校係會＂谷＂。
會唔會你可以問下學校，佢地對於能力ok既小朋友，課程上係點安排？

fatpam

就係覺得學校唔谷吓，佢同組大兩年都有，但有部分認知仲低過佢好多，連講野都唔正，好似無咩刺激咁。
原本想改善遊魂，而家咪又一樣。

fatpam

s 同普通kg 並讀有困難，因學校唔會比日日下午早走左，我私人訓練都要讓路儘量減少早走。
度到我頭痛

kelvin_hmlau

相信S位係幫唔到孩子的社交同專心問題, 其實主流都係幫唔到.
其實如果智力, 自理ok, 大致守到常規, 不如轉E位, 讀小班主流.

fatpam

我同意，專注唔好係內在問題，一對一係學到的，但大圍學習唔係咁，無人成日提住你，呢兩年真係左試右試。
放棄S 位轉服務都都好大掙扎

fatpam

私人S 位又會真係按能力否教多D ,其實佢真係仲有好多進步空間，睇住佢私人訓練學野明顯比以前快左，理解能力高左。

apple~y

我小朋友2age評估完話delay 6個月排e位
之後即刻番私人s位,番到主流k1開學
到番k1,之前小朋友係私人s位都有進步,開始開聲講0野,諗住猛車邊應該跟到
點知都係唔多ok,巳經下午班17個小朋友都係跟唔到
我仔仔係要下下老師叫,提先做,雖然無情緒行為,咪日日番去坐0甘
又再加埋私人上門訓練,單位單學0野咪ok,大班就.............
跟住見到delay得好似又多0左好多,咪接受現實
轉0左s位,小朋友呢年係s位進步很多,而且也很喜歡上課
之前k1連線條都要死捉住手寫,現在都可以自己拿筆寫簡單字
我覺得中心ot好有經驗,之前又係醫院做過我有什麼問題
她都樂意詳細解答,
你再好好考慮0下,加油!!

fatpam

就係我見唔到佢有大進步，好似大家在S 位都好有進步我先咁失望同無信心再留低，我明白小朋友遊魂都係主要原因，但改善唔到就令我想轉方向，去改善根本問題，導師各有唔同經驗同方法，要試先知邊個能啟發同教到到佢。

methy

回復 fatpam 的帖子

我最近都係類似既經驗,不過係playgroup,阿仔唔識行,跟唔到同齡,咁就同佢報細個d班,開頭都ok,慢慢佢覺得悶,
佢識由坐扶住大人起身,咁上多幾堂叫悶,就成日起身,走佬，再唔係,就周圍望。

之後同佢報返同齡pg,除左大肌佢玩唔到,佢樣樣都enjoy,無再出現周圍望,走佬情況,導師仲話阿仔好專注,比反應老師。

佢sociable,多野講,又聊人傾計,返s位暫託.老師話佢成日都"刺激"d同學仔。上個月我為左佢今年派唔到s位唔開心,不停問社工可以點,最後我決定要了 e位,,到時如果而家正常幼兒園暫託ok,,,就上午返e位訓練 + 下午幼兒園。


過程中.真係好怕做錯決定,影響阿仔,智力、體能.社交既發展太大差距,真係唔知顧得邊樣。我感激s位暫託,佢地額外比阿仔上物理治療,阿仔開心又有進出,上正常幼兒園無呢d support,,,但正常幼兒園又令到阿仔可以正常地同人互動,返屋企係會表現到我睇老師教過既野。

methy

回復 fatpam 的帖子

留唔留意到佢遊魂原因? s位老師有咩意見 ?

apple~y

其實我小朋友都,有遊魂,唔專心問題,呢排百厭0左
認知就唔錯
所以咪諗住試0下同小朋友戒口,睇0下有無改善

fatpam

一叫佢會醒一醒，答對問題。但我同朋友都見到外表係遊魂，都有觀課，但老師話佢上課算留心，好合作，係反應慢熱被動。業

methy

回復 apple~y 的帖子

其實有時係咪我地要求高,,小朋友友專汪力其實唔長,,

2歲專注力係7分鐘,3歲係9分鐘,4歲係12分鐘,5歲係12分鐘,6歲至10歲係15至10分鐘,,,

如果做到,應該無問題,有要求,但都會睇返阿仔歲數,,pg  個半鍾..佢半個鐘後先叫走佬,我覺得無問題。如果遇到佢無興趣既,,5分鐘就走佬..唔一定專注問題。

apple~y

我小朋友都同你仔仔似到十足十"一叫佢會醒一醒，答對問題"
初初番s位"反應慢熱被動"
現在反應快0左會主動叫人,但又百厭0左
又諗計改善

apple~y

回復 methy 的帖子

唔係我地要求高
係現在教育制度,老師要求高

fatpam

可能係，家長總係較有要求，但見到d 小朋友有望住老師同答問題，佢就遊魂，好灰，人在心不在