女兒獨自到UK升學,有點擔心...<<感恩!現在好放心>>

Kristy-mummy

因我身體問題,不能陪伴她開學,所以小女今年9月會獨自到UK升讀Yr.10,雖然她口說應該應付得到,但我知佢只是怕我擔心...
有無家長可分享下孩子獨自到海外升學經驗,好想了解下,真係好擔心...

bobbycheung

回復 Kristy-mummy 的帖子

You must tell us exactly what your concerns or worries are.  Are you worrying about her safety getting from the airport to the school (as you said you couldn't accompany her to UK)?  Or are you worrying that she might not be able to handle the school works and adapt to the school life?   I guess it would be easier if you could tell us which school your girl is going.  Now that there are so many HK kids studying in UK, there might well be parents or kids here who could tell you exactly what the school is like.   

CPU1995

我雖沒有經驗，我想你可以做以下預備工作：

1. 在notebook裝上skype， 所帶衣服預先釘上名牌
2. 同航空公司講  女兒上機落機
3. 同學校講可唔可以預book從Heathrow到學校的的士或其它交通工具，有沒有其它同學一齊撘
4. 一到Heathrow買張英國電話咭
5. 預早book school uniform store 時間買校服及釘名牌
6. 預約guardian 及host family 在開學後首一兩天到校見house mistress及女兒

我相信到校後學校會變成女兒的第二個家，用數月時間便可適應boarding的生活。

Tommy

回復 Kristy-mummy 的帖子

Kristy-mummy,


小兒和令千金應該同級，他今年就讀中三，幾個星期之前，他一個人飛了去英國求學，入讀一間公立寄宿學校Year 9。我們在香港機場跟他擁抱話別之後，他便獨自上路。

您話唔擔心就假，不過佢話manage到，我地就要信佢。

不過，我們今年三月中才去過學校面試，所以他對學校的環境有一定的認識，他蠻有信心獨自出發。由於飛機於清晨到達倫敦，他甚至自己乘坐地鐵到倫敦走了一轉，到了下午才啟程到學校。最後，於傍晚七時正準時安全到達學校。前兩日，學校開始half-term break，他又獨自乘坐了五個小時的火車，去到遙遠的North England探望我們的親戚。

英國是一個相對安全的地方，反而最關鍵是要一早預訂火車票，準確計算和預備轉車的時間、地點和轉車的方法，萬一誤了班次就好麻煩。您的女兒之前有沒有去過英國，和乘坐英國火車？如果沒有的話，要特別留意交通的安排。

還有，倫敦Heathrow Terminal 3好像是沒有電話卡賣的，如果佢買唔到電話卡，又未去到學校報安全，您會好擔心。始終一到步就有個電話跟身，佢會定好多，最穩陣係預早幫佢係internet訂購一張電話增值卡，她一到步便可以報安全，您就放心喇！

不過，女孩子可能有更多的考慮。始終，人人的情況都不同，小兒之前去過英國幾次，我太太又非常熟悉英國的國情，所以我們是比較放心。

Tommy

Kristy-mummy

回復 bobbycheung 的帖子

bobbycheung,

女兒第一次獨搭飛機去到咁遠,講真,作為父母,其他什麼都擔心...

Kristy-mummy

回復 CPU1995 的帖子

CPU1995,

多謝你我提點,我會筆記下來.

Kristy-mummy

回復 Tommy 的帖子

Tommy,

你好,你太太熟悉英國,你們又有親人在那裡,你的兒子亦曾遊歷英國,相對多了一份經驗,會比較放心,但我們及女兒從未去過英國,連heathrow是如何都不知,又沒有親人在那裡居住,老公曾問過女兒想不想daddy陪她開學,但亞女話唔洗,我估佢怕我一人在港,所以拒絕了,但我看得出佢有點怕,所以我真係好擔心.

而且我們在3月時才決定讓她出國讀書,一直以為無咁順利,可能未必成事,當攞經驗.所以根本無時間比我們了解英國更多,由搵學校到考試,再決定選擇入讀那一間學校,我們都只依靠agent帶路,但到呢一刻,想到她將要獨自應付以後一切一切時,始終都是孩子,不得不擔心....

至於電話咭,請問是否在英國任何地方買而在任何地方都可使用?因我想拜託朋友的兒子在暑假回來時先行代買回港,但因朋友兒子與我女兒學校不同郡,如果可以通用,咁我女兒一到步就可報平安,而且有個電話係身,相信佢會有安全感些.

bobbycheung

回復 Kristy-mummy 的帖子

担心是正常的, 但 "盲目" 担心亦不能解决問題, 有時更會給女兒帶來恐慌.  有無問過agent 識唔識人在你女兒的學校讀書.  最安全的方法可能係睇吓有無可能跟埋佢地一齊過去返學.  入咗學校就應該無問題.

mayc

回復 Kristy-mummy 的帖子

妳可以問吓agent有沒有同校的同學或師兄/姊,或者可以一齊出發

Tommy:
你囝真是好叻呀!

不過唔係學校會派人去接機咩!因為我記得有一次聖誕假後我姪子自己返過去,因為他未夠16歲,要由他在那裡讀大學的堂哥接佢才可以出機場!剛巧那天大風雪,堂哥遲到了幾小時!

savoy

mayc 發表於 12-6-4 13:44
回復 Kristy-mummy 的帖子

妳可以問吓agent有沒有同校的同學或師兄/姊,或者可以一齊出發

可能佢父母幫佢做左UM，就一定要designated person 黎接機

elisa

回復 Kristy-mummy 的帖子

我個女九月去UK升讀Year 10,佢晌八月先讀summer course,完成後，九月便去
Truro High school. 我幫佢book 直航机去London, 當地學校會接送她回校，完成
summer course 後，監護人會接嗰女到他們家裏住宿，到九月開學前一天，監護
人會送嗰女到學校。我問過Agence和朋友，他們建議我十月份學校有嗰 term break,
先過去探佢，同學校接觸，詢問嗰女情況。
其實，我嗰女去第一次去英國，我都好擔心，到時佢要帶d咩東西過去呢？會唔會比
心機讀書？去到是否適應當地環境和天氣？好多問題在腦子裏想着。

Tommy

Kristy-mummy 發表於 12-6-4 11:45
回復 Tommy 的帖子

Tommy,

Kristy-mummy,

您囡囡好乖好生性。不過如果您地從未去過英國，果邊又無親戚，又唔熟當地情況，我建議您地最好都係揾人陪佢過去，如果唔方便，起碼都要安排信賴得過的人，在倫敦機場接她然後送她到學校。一個女仔漂洋過海去一處從未去過的地方，係好大的挑戰，如果佢同您地都未Ready，唔值得冒不必要的風險。要佢好有信心又準備充足，先好比佢獨自遠行。

我地都係計劃得比較遲，初頭都係唔順利，但後來事情又進展得好快，要係好短時間內作出重大決定，我地訂機票的時候，連入學的正式書面通知都未收到。愈接近起行愈擔心是正常的，但擔心之餘最緊要是做足準備功夫，包括物資的預備、行程的安排和調適心態的準備。

我囝囝佢好嚮往英國的環境，之前又去過學校面試，佢好鍾意間學校，所以佢隨時起行都Ready，反而係我地做人父母既唔捨得個仔突然要離開自己。其實，佢地去到學校好快就可以適應到，反而我地自我調適更重要。

英國本地的電話卡是全國通用的。

Tommy

Tommy

mayc 發表於 12-6-4 13:44
回復 Kristy-mummy 的帖子

Tommy:
不過唔係學校會派人去接機咩!因為我記得有一次聖誕假後我姪子自己返過去,因為他未夠16歲,要由他在那裡讀大學的堂哥接佢才可以出機場!剛巧那天大風雪,堂哥遲到了幾小時!

我個仔佢其實鍾意英國多過香港，佢去到英國就好似雀仔飛左上天，成個人生猛晒，剛剛同佢 facetime，睇得好真，直情覺得佢連個樣都唔同左。

我仔讀公立學校，無接送服務，更何況佢係中途插班生。基本上，只要持有有效証件和登機証，十二歲以上就可以自由上落機出入境。

Tommy

mayc

估唔到今年真是多了grade10出國讀書的小朋友,我囝也是9月到vancouver讀書,那麼大家可以多d支持和交流吓了!

Tommy:
又有唔明啦,("勿見怪)mud"公立學校有寄宿咩?
你囝有沒有反映過讀的嘢過深/過淺?

miffy3005

回復 Tommy 的帖子

冇錯, 唔擔心就假既!  就好似每當有親戚朋友, 知道阿女要到英國, 第一句就會問: 「你捨唔捨得架? 」
老實講, 有邊個家長會答你好捨得呢,  真係長憂99.
但我相信, 事前做好準備功夫, 給孩子信心, 相信佢地好快會適應. (是否我太樂觀呢? 好茅盾啊!)

我想請教下, 除了床單, 枕頭/ 套, 大家會唔會帶被(如冷氣被)到學校宿舍?  洗頭水/ 沐浴露/牙膏, 在英國的售價差不多 嗎?  由於我的機票只有一件寄倉行李, 所以要盡量精簡啊!

進入倒數3個月, 大家可以分享一下嗎?

nottmum

回復 miffy3005 的帖子

洗頭水/ 沐浴露/牙膏, 在英國的售價跟香港是不是差不多我不知道,就bath milk我用的Palmolive 的500ml平常是1.69鎊,特價時是80p 到1鎊都有,通常兩個月就有一次特會,另外牙膏如Colgate 的advanced white 100ml的就1鎊而已,我覺得在英國用的清潔用品是非常便宜的(牙刷例外,超貴的...)

miffy3005

回復 nottmum 的帖子

nottmum, 謝謝你的回覆, 價錢跟香港差不多, 牙膏還要平過香港呢!  知道, 要買定牙刷.  是否在 大間的tesco 就有齊日常用品賣?  

lindalin02

回復 miffy3005 的帖子

洗髮水不要帶, 除非你非此不用, 英國水質和HK的吾同, 我剛來時用佐帶來的洗髮水, 搞到好頭痕, 最後改用呢度出才好番. 女性用品要帶點, 系呢度好難找到HK看慣的牌子.

CPU1995

我覺得在香港先施永安買一件灰黑色長過膝的Mark哥cashmere褸，在落雪的日子很保暖，很多中學都俾著，價錢應平過英國買很多。

CPU1995

我覺得在香港先施永安買一件灰黑色長過膝的Mark哥cashmere褸，在落雪的日子很保暖，很多中學都俾著，價錢應平過英國買很多。