現小朋友讀音小的家長們，你們會俾子女直升音中嗎？

laiyuen

我小朋友將於9月入讀音小小一，喺呢個網見到D關於音中既評價，似乎都不太正面。我相信音小是一間非常好的小學而又係一條龍既學校，而我亦打算俾小朋友一直讀上去，但當睇到呢D對音中不太好的評價時，令我有D擔心係咪到時都要出去搵中學呢？ 但據我所知音小並無參加TSA，咁如要轉出去似乎無咩可能去到比較好既學校，呢點令我好confused，所以好想知各位音小家長，你地係咪都會俾小朋友直升音中？定會轉去其他中學呢？原因又係咩呢？

daddywai

回復 laiyuen 的帖子

我提供兩點簡單事實:
1.icqm會讓學生參加 TSA, icqm 不會參加中學派位.
2.不少現時icqm的中學生均由icqm 小學直升.

至於你上文的一些推論, 我建議你再次思想是否有足夠的立論基礎.

祝願你的小朋友將來的小學生活愉快.

laiyuen

IC， thx!

hahe

點解唔會呀?! 如果唔諗住直升, 咁仲咪要入音小，如果你係追求學術成績嘅話，咁其實你係咪一開始就選擇錯咗音小呢? 音小或音中由始至終唔係以學術成績嚟宣傳學校理念和宗旨。樓主咁多顧慮，其實會唔會一開始你就錯配咗呢。就算你讀傳統學校或名校，都無人可以保證你成績一定好或一定入到大學。

vcom

小兒由開校第一年,就入讀音小三年級。現在已經中五了,在音小的小朋友可以說讀書壓力不太大。唔好常常認為做功課多,練習同考試多就對小朋友好,他們只會變成讀書機器,加上音中的程度,覺得一D都唔底。

laiyuen

原帖由 hahe 於 12-06-12 發表
點解唔會呀?! 如果唔諗住直升, 咁仲咪要入音小，如果你係追求學術成績嘅話，咁其實你係咪一開始就選擇錯咗 ...

Hahe, vcom,

可能我表達得唔清楚，其實我地係非常認同音小既教育理念，因為我地都認為孩子既品格係絶對比成績重要，所以雖然學費對我地好大負擔，但我地都俾小朋友入讀。至於我所指網上對音中唔太好既評語同成績無關，而係老師流失率高，又有人話音中老師質素每況愈下，又早一兩年好似英文科分班有問題，令部分家長同學生不滿（呢個因資料好少，所以唔清楚係咩一回事）等等問題，因為老師既流失同質素會直接影響對學生既教導。因以上問題係喺網上search到既事，而且並無辦法証實，所以先上黎問希望可以了解更多，並唔係要講學校既不是，希望大家明白。
另外，關於TSA既問題，係基於如果以上音中既傳聞屬實，又想轉出去其他學校又點呢？因如學生無TSA banding係唔可以參加中學派位，所以我先想問清楚實際情況而已。

bakusensei

原帖由 laiyuen 於 12-06-13 發表
本帖最後由 laiyuen 於 12-6-13 01:41 編輯

真心覺得教育局應該澄清TSA,與個別學生無關。

正確的說法是如某小學（不只是音小，𣎴少直資小學也是）不參加升中派位，那麼該小學的小六學生沒有banding。在第二階段統一派位固然失利，在第一階段自行選擇二間官津中學亦視乎個別中學而有影響（個別中學於自行階段收生時ED rank的比重，請參閱中學概覧，因間間不同。）

所以我也向一心只在小學階段讀私立直資而中學時希望到官津的朋友解釋他們可能須留意並盡量選擇參加升中派位的學校。

laiyuen

原帖由 bakusensei 於 12-06-13 發表
真心覺得教育局應該澄清TSA,與個別學生無關。

正確的說法是如某小學（不只是音小，𣎴少直資小學也 ...

多謝你既解釋。其實如果音中既情況ok，我地係打算俾小朋友直上音中的。

hahe

就學校教師流失率，其實間間學校都有，不過你唔會留意亦都無可能會知。另外調番轉來說，津貼學校係唔會理你哋家長啲投訴，只有佢哋話俾你知點做，私校可能都會聽少少，音小就更加採納家長嘅意見和投訴，所以可能就令你覺得音中好多問題咁。尤其是係名校，佢哋睬你都傻啦，如果你有小朋友係入面讀緊，你就更加唔會投訴，除非你想死啦。

eeyore_ada

會呀~~

taiyingchun

我唔知音小係點. 因我仔13年才入讀小一. 今年8月要比留位.
但想講. 我是津校出生. F.4-F.5 既老師. 同一課都能在一年轉二, 三個老師.
所以. 我相信. 任何既學校都有這情況. 所以. 如果間學校並不是只著重學術方面. 那問題應該不會太大.