啟基學校家長...

JHsbb

今年的膳食費是多少呢, 他們學校放學後的收費興趣班貴嗎? 大約幾多約? 校車車費如何?  因為尋日參觀完小學, 好喜歡啟基, 打想比亞仔報下, 想睇吓每個月開支有幾多....

cherithlai

回復 JHsbb 的帖子

你住邊區?我可以幫你睇下最近收到果份校車車費表。我沙田區要1000元一個月。來緊九月雜費係全個上學期$1250。

我仔今年九月小一。尋日剛去完啟基既午膳試食。本以為只係去試下佢地個lunch，但原來校方仲安排我地參觀一年級學生食飯既情況，真有點兒喜出望外。

lunch係$28一餐，餐餐有湯有生果。小一既正副班主任陪埋學生一齊食飯，我見d學生可以隨意添食，又有姐姐幫手切橙分俾同學。尋日試食有三款餐，中、西同粥餐，雖然預購既餐券限一人一個餐，但尋日大家三款試齊都可以，亦可隨意添食。我同阿仔都覺得好好味。阿仔食左好多，所以我第日都唔需要擔心佢響學校食飯夠唔夠營養。

觀察所得，果度d學生都幾乖。我地去禮堂登記時經過操場，見到有d高年班學生上緊體育課，有幾個學生見我地經過，就主動同我地揮手打招呼。我地企響課室後面參觀小一午飯時，阿仔前面食緊飯果位學生，仲主動同阿仔傾計，問佢叫乜野名。莫校長都有入課室，d學生一見到莫校長來"探班"就好興奮，又主動同校長傾計。我仔尋日番到屋企，仲同我講想快d開學。

上年11月獲啟基取錄後，校方一路安排好多活動等家長同學生多了解學校，我對呢間學校既感覺越來越好。每次都有職員致電提我地出席，之前幾日亦會sms俾我地再提一次。早兩個月小一觀課(英文堂)，我見d學生上課上得好開心，亦好主動答問題。有些較靜的學生亦唔會受忽略，老師會叫佢地個名，等佢地答下問題。答錯左亦唔會話佢地錯，會話"good try"。

尋日校長話，佢地小一收夠新生後，有d家長明知冇位仍然入紙申請，佢手頭有120個呢類申請。

JHsbb

cherithlai,

唔該晒你呀, 我住九龍灣德福, 你當時面試時係點架? 我好驚家長面談個part, 因為驚口快快講錯野會影響到亞仔........同埋我又會參加政府派位,假如我9月派位後第1輪收左我又先要左個位, 咁會唔會影響到報讀啟基, 因為假如啟基收, 我地一定讀架喇, 我地最想小朋友返學返得開開心心, 不過我仲有個細女, 最擔心緊到時如果哥哥讀到, 妹妹讀唔到, 2個唔同學校就慘......但之前睇返d舊post, 有家長話莫校長講, 如果大o既係度讀, 而你有咁有心連細o既都想係度讀, 校長話實收, 有無呢回事呢?

JHsbb

回復 cherithlai 的帖子

cherithlai,

唔該晒你呀, 我住九龍灣德福, 你當時面試時係點架? 我好驚家長面談個part, 因為驚口快快講錯野會影響到亞仔........同埋我又會參加政府派位,假如我9月派位後第1輪收左我又先要左個位, 咁會唔會影響到報讀啟基, 因為假如啟基收, 我地一定讀架喇, 我地最想小朋友返學返得開開心心, 不過我仲有個細女, 最擔心緊到時如果哥哥讀到, 妹妹讀唔到, 2個唔同學校就慘......但之前睇返d舊post, 有家長話莫校長講, 如果大o既係度讀, 而你有咁有心連細o既都想係度讀, 校長話實收, 有無呢回事呢?

cherithlai

回復 JHsbb 的帖子

唔駛客氣。我今晚番去睇下個校車表，聽日再覆你。剛剛學校又打來，問收唔收到通知下星期註冊既信件。佢地都要打成差唔多100個電話(24人一班x4)

啟基係私校，佢地容許要左個位之後可以參加大抽獎，所以你如果自行收左後再報佢地都應該冇問題。你可以打去校務處confirm下，佢地既職員都好nice。

上年十月既簡介會上，有家長問，大仔讀緊，細仔今年考啟基，會唔會收番(因為佢擔心唔收)。莫校長於是立刻作出承諾，話阿哥家姐讀緊，細既會收番，除非有特別問題至要搵家長傾傾。同埋細果個只需1st in，免卻2nd in面見家長果part。我都覺得大細仔讀埋同一間學校會方便d。有次家長分享會，我果組既家長義工都話，學校好好，有個大既響度讀，個細既會收番(佢兩個仔都讀啟基)。

1st in唔駛見家長，幾個小朋友一組跟老師上課室，玩下遊戲畫下畫咁，同埋睇圖書(自備)，老師又會同佢地傾計，但冇問學術問題，冇乜壓力，家長就響禮堂聽簡介會。如果學生第一輪被選中，學校會打來call 2nd in，到時父母同小朋友一齊見校長。唔駛咁緊張，自然d得啦，因為校長好平易近人。佢先同小朋友傾計，之後就同父母傾，了解下小朋友既日常生活，校長又會講下學校既教育理念等。我申請時都只係交左張form同學校成績表，冇做portfolio。

vivienbilly

回復 cherithlai 的帖子

請問啟基係英文小學or中文小學呢？eg.數學係英數定中數？同埋中文用廣東話or普通話教呢？。謝謝解答！

JHsbb

回復 cherithlai 的帖子

唔該晒你好詳細解我滿腦子疑問, 我會多多為個仔祈禱, 求天父幫對仔女揀選一間合適佢地o既學校, 學費需貴, 但為左佢地讀得開心愉快幾辛苦都值得......有野我會再問你唔該晒.

cherithlai

回復 JHsbb 的帖子

Please check PM.

JHsbb

收到喇唔該晒