全日制幼兒園好定半日制好??

carriechan

如題.  please give me some advice!

SandyKL

幼兒園之其中一宗旨係俾父母未能在日間照顧小朋友，而替他們照顧之學校，如果父母都要在日間工作，未能照顧到小朋友，當然要全日制。

但如果家中可以有人有一晝照顧到小朋友，便可放小朋友在幼兒園半日，學到常規，又唔需要在幼兒園全日，減少幼兒半日時間病菌互相傳染。

冇話好唔好，只睇自己本身情況。

carriechan

其實係我個仔食野食得好差, 我又岩岩換新工人, 新工人攪唔惦我個仔,佢唔識湊,又唔識講,我好驚個仔學晒佢d唔鹹唔淡ke廣東話or英文, 我自己又要返公, 所以唯有擺個仔晌全日制幼兒園, 我好驚個仔適應唔倒!
:cry:  :cry:  :cry:

Mrssslui

咁又唔驚,D小朋友適應能力好強架.
睇你既情況,都係全日較好.

d2343130

不過,小朋友返頭個兩三個星期會比較煩,你一來要事先開學前幾星期同佢介紹下學校係咩,去黎做咩有咩做同玩,最緊係講明每次帶佢返去都要好confirmed同佢講一定幾時黎同佢返屋企!!因佢會怕你放底佢就走人唔再返黎!!

同時學校會分4星期做適應期,小朋友會返2.5hrs, 3.5hrs,5.5hrs,7.5hrs, 之後可以6:00pm前帶佢走(如果小朋友表現好,2星期到都可以完全係全日啦),所以呢段期間你或你工人要安排好時間應付佢, 但認為初期最好自己或同工人一同帶佢比信心小朋友"媽媽唔係唔要自己只係比自己去另一個地方同另一d小朋友同老師一同玩"

我覺得工人只係可以做起居飲食的野,返學可能小朋友要一段時間先適應到同可能會易d病,但當佢表現到佢自理能力加強,同會唱下歌同做下早操係點比你睇,我相信你會想佢返學好過同你工人一齊雖然病痛係會有,但佢係居企其實真係好悶同工人係無咩心去教佢,而且佢地仲有溝通障礙,點會有好事出呢,除非你個工人真係好有心會教小朋友,但呢d都好難搵!!

比你個小朋友返全日啦,佢會開心d!!

carriechan

Thank you for your advice!

kachunma

SandyKL 寫道:
幼兒園之其中一宗旨係俾父母未能在日間照顧小朋友，而替他們照顧之學校，如果父母都要在日間工作，未能照顧到小朋友，當然要全日制。

但如果家中可以有人有一晝照顧到小朋友，便可放小朋友在幼兒園半日，學到常規，又唔需要在幼兒園全日，減少幼兒半日時間病菌互相傳染。

冇話好唔好，只睇自己本身情況。

我應為十分對,我BB是返半日幼兒園的

bbaa

kachunma,
你BB是返半日幼兒園, 請問返哪間?

ss1008

全日制小朋友學到自理能力多d！並發展更全面！

carriechan

晌全日制幼兒園,小朋友唔肯睡覺,d老師通常會點做?  如果小朋友唔肯食飯,要飲奶,咁老師會唔會謂奶呢? 我個仔仲未介夜片, 佢睡覺會癩尿, 咁我咪日日都要準備多套衫褲俾佢換?  有無媽咪有呢d經驗呀?     

waiyinmama

carriechan,

我2個小朋友都是在全日制幼兒園. 他們在N1初時, 如唔肯睡覺, 老師會TAM下他們, 實在唔得, 可能會抱住睡覺. 這是我女兒在適應期, 我於午餐后去操她時見到的情形 - "老師抱住一個, 另一手拍緊另一個".

老師唔會謂奶.

我女兒現在高班, 好間中都還有癩尿(在學校). 所以到現在她的書包還有一套衫褲. 在N1 & K1, 她經常癩尿, 不過老師不贊成包片片, 所以經常每日洗2套衫GA . 不過好彩學校不會給她壓力, 所以你問她有冇癩尿, 她唔覺得是什麼會當平常問題來回答. 反而細仔由N1起好少癩尿.

關於吃飯問題, 是最令我頭痛(大女). 她吃得很慢. 問老師, 老師話她有吃, 但是很慢. 不過今年好好多了 .

其實小朋友適應能好強, 他們好多事都可以做到(在我們身邊例外). 所以不用太擔心. 不過初初適應期有些小朋友不想離開媽媽會喊一排, 這會令媽媽很心痛的. 過了這時期就冇事了.

希望這些對你有用吧.

carriechan

thank you!  我想問下如果老師唔謂奶, 我可唔可以叫我工人去謂架?  因為我個仔真係有進食困難, 佢剩係鍾意飲奶, 唔食固體食物ke!