CAC

yauman76

建議得你做評估梗有原因, 係咪確診就要等見完醫生先知. 不過, 係咪有問題, 其實父母自己都心裡有數, 問題只係肯唔肯去面對啫. 我今個月都帶咗仔仔去CAC見姑娘, 感覺良好, 好專業, 好有經驗, 之後要再等6-9個月先見醫生做詳細評估, 再安排政府3T等等.... 真係有排等.

pollybell

最終有無確診任何病症都需要以年計算去觀察,小朋友變化好大,乜機會都有,無問題唔再跟進又有,再留意住又有,最後確診又有,唔需要過份擔心被LABEL.

殷!!

cac

yauman76

回復 bubucatcat 的帖子

介唔介意講吓你小朋友幾大, 同發覺佢有d乜嘢問題.

yauman76

回復 bubucatcat 的帖子

有冇搵私人的同佢做評估?

wan_sosin

我個仔都係4歲,等緊CAC做評估!要半年左右,我上個月去的.
我比唔到什麼意見給你!只因大家情況差不多,來分享下!呢道有很多媽媽很有經驗,會比到你意見!
我個仔係懷疑ADHD,但佢又不是專注唔到,有時反而覺得佢過晒龍,佢一係唔專心,一專心就瞓身,如似今日咁,好想看書,可以一次看十幾二十本,我覺得佢似專注力失調!
其他典形問題佢係有,過敏,偏食,唔多望人,當然也精力過盛!
其實我覺得早D去面對是好事!好過一路盲摸模下去!

yauman76

回復 bubucatcat 的帖子

呢度個個父母都寧願自己個小朋友唔需要好叻, 但求正正常常,身體健康便心滿意足. 不過, 現實歸現實, 作為父母都要幫小朋友跨越障礙.

CAC有醫生做詳細評估, 安排適當嘅訓練同治療, 唯一缺點是輪候需時. 若果你想小朋友盡快得到訓練及治療而經濟許可下, 建議你同時去私人機構做評估, 佢地通常都有D社交訓練課程及其他訓練提供.

我小朋友正排緊見CAC醫生(預計係年底掛), 現在已開始做私人&家中訓練個多月, 不斷有驚喜, 所以, 只要認真面對, 希望是有的.

kc1016

我個大仔上年中了甲型流感，食咗特敏福之後勁high,仲話要取刀，健康院立刻轉介去油麻地，而加仲check緊腦電圖，遲下又要照磁力共震，唔知同特敏福有無關，因為佢在學校而加都成日攪攪震，我懷疑佢亞士保加，下星期油麻地見心理醫生做評估。

kc1016

回復 bubucatcat 的帖子

哥哥而加7歲幾, 上年食完特敏福, 真係high咗幾星期. 不過佢小一時都係有少少行為和情緒問題, 所以都唔知關唔關事.

我之前都係懷疑佢係有ADHD/專注力不足, 但油X地醫生話佢唔係, 佢5歲幾時我又同佢check過資優, 佢127, 唔係, 不過果個專家都話佢都係聰明仔, 而加小二成日比老師投訢, 成日做D奇怪行為, 攪同學, 唔合作所以我覺得佢似亞士保加.

kc1016

我都有睇過特敏福的副作用。
哥哥五歲幾時只有去私人機構check資優，唔係政府。
但自從食藥後有其怪的行為後，我先去咗睇油麻地精神科，下星期先第一次check自閉／亞士保加。