學完四式游泳的小朋友何去何從

grace_xian

一般的泳班已不適合,
想訓練速度但參加坊間泳隊又要一周三次, 小朋友讀緊小四了, 唔通唔晒做功課咩
搵私人教練想組班但被組班專區的版主話無實際教練資料
做人父母甚艱難

請問呢度有無情況同我相同,的想讓小朋友在暑期操水操速度的媽咪呢?
我想在黃大仙區暑期游泳
一對二

咁可以二個小朋友比拼速度, 學得好啲, 一對一阿仔嗌辛苦, 唉
多謝各位

VaVaBaby

坦白講如果你覺得一星期練3天會做唔曬功課既話，你不如唔好練水，如果你想個小朋友游得快，你一定要付出，時間是自己分配的，都要教識小朋友去分配。你咁講既話，如果游泳隊既小朋友一星期練4，5日，咁人地小朋友係咪就無功課要做呢？而家跟泳隊操練既小朋友少則一星期2，3日，多則一星期4，5日已經係好普遍的了。講真，你一星期練一日，個教練可以改到你d咩呢？更遑論是只是暑假才練習，教練幾有心都好，都要家長配合的，希望家長可以反思一下，no offense ,如果唔岩聽請ignore

VaVaBaby

原帖由 grace_xian 於 12-05-18 發表
一般的泳班已不適合,
想訓練速度但參加坊間泳隊又要一周三次, 小朋友讀緊小四了, 唔通唔晒做功課咩
搵私人 ...

小朋友是需要朋友影響的，群體泳隊的訓練可以改善小朋友性格方面既缺點，例如遵守紀律，學識自己照顧自己甚至是自己的隊友。這些都是一對一或者一對二俾唔到佢既野

Radiomama

我見大力泳會有深造班for已學會四式但又不入泳隊，你可check下。

grace_xian

Radiomama 發表於 12-5-18 22:37
我見大力泳會有深造班for已學會四式但又不入泳隊，你可check下。

多謝晒~

grace_xian

VaVaBaby 發表於 12-5-18 20:00
坦白講如果你覺得一星期練3天會做唔曬功課既話，你不如唔好練水，如果你想個小朋友游得快，你一定要付出， ...

我跟你想法不用, 我認為學業比游泳重要,

我只想拿張第八名的證書

anyway, 多謝比意見

VaVaBaby

拎學界張第八名的證書也不是這麼容易的，要睇邊區架，有d區程度很高的

grace_xian

VaVaBaby 發表於 12-5-19 03:08
拎學界張第八名的證書也不是這麼容易的，要睇邊區架，有d區程度很高的



  ...

係呀, 所以我覺得我唯有叫佢努力, 有時無辦法, 有捨才有得

佢學業又唔係好叻, 要時時keep住溫書, 才有好成績,

其他的音樂和運動都只是各一樣了, 唔敢太多

IRON

我仔情況同樓主差不多.

學業第一, 游水只係強身, 唔去比賽, 奈何p6迫近, 黎緊都要去拚張學界返黎, 平時只係一星期2次(一直都係私人教練), 煩惱ing~~

grace_xian

IRON 發表於 12-5-19 09:38
我仔情況同樓主差不多.

學業第一, 游水只係強身, 唔去比賽, 奈何p6迫近, 黎緊都要去拚張學界返黎, 平時只 ...

大家情況近似, 所以我趁小四暑期train下佢, 真係好擔心小五下學期之後抽唔出任何時間去囉張cert.

你仔咩情況? 我仔識還識, 但速度好慢,因佢好留意自己的泳姿, 而其他小朋友就求其所以佢基本上成組人當中是尾二三的位置

私人教練幫唔幫到佢呢?

TSEHANG

我小朋友都一樣,現在p.3,都是keep 住游,希望升中一有幫助 !

VaVaBaby

原帖由 grace_xian 於 12-05-19 發表
大家情況近似, 所以我趁小四暑期train下佢, 真係好擔心小五下學期之後抽唔出任何時間去囉張cert.你仔咩情 ...

小五要入頭8起碼要游30幾，4字已經無咩可能

marcuscyrus

根據我認識的升中學生，學界第7-8名證書，對升名中學作用=0，
次一線的中學還是以呈分次第作收生主要的參考，
次一線的直資比較著重家校合作，
所以同意樓上vavababy所講，如果操水影響學業，不如專心讀書爭取高一些的呈分次第還好，或者家長會諗，大家咁高咁大時，我多一張cert會有幫助，但其實可能用拎到呢張cert(都唔一定得wor)的時間去讀好d書，到時你就是成績勝人一籌了，
多言了，如有冒犯，先行道歉
^_^

cowmoon

非常同意，除非小朋友是有游泳天份，否則如果只為考學校，同練水的時間去讀書（加閱讀多些課外書和報紙），對考學校的幫助一定更大。

IRON

3字係自由式?? 如果蛙式4字ok嗎??

我仔係熱愛呢項運動, 天份欠奉, 鬥志十足, 所以我會俾佢去玩, 但讀書為首.

一早知升中用呢招唔work, 不過無cert之下, 希望乜都殺一張啦~~

樓主, 我仔係自己學校水運會就有成績, 但自知池中無魚蝦自大; 佢第一式學蛙, 所以比較有信心, 現努力去4字頭中, 遲起步, 學左3年喳, 私人教練亦師亦友, 不過今年已滿額.

VaVaBaby

原帖由 IRON 於 12-05-19 發表
本帖最後由 IRON 於 12-5-19 20:39 編輯

3字係自由式?? 如果蛙式4字ok嗎??

要睇你仔仔係邊區讀書，如果係北區大埔元朗程度就低少少，沙田九龍區就快好多

VaVaBaby

我想提醒大家，如果唔係練開水，嬴開比賽既話，唔好對學界張頭8 cert咁大期望.....因為除非你係贏開大比賽，破到紀錄，d名校好似LSC, DBS , 協恩咁，佢地會揾你叫你轉校幫佢游水。呢d先係對揾學校有幫助，其他學校如果不重視游泳這項運動，就算你有頭8都無用。當然，你可以話你當係運動強身健體，我絕對贊成的。

VaVaBaby

原帖由 ming2 於 12-05-19 發表
想問下..學界比賽個d通常係幾多歲架??

小學一年級都得既，如果學校肯同你報既話。不過都係丙組，要同d3，4年班既哥哥姐姐鬥，不如去玩下d細比賽拎下比賽經驗先再一級級上啦