讀唔讀PN好?

echiang

剛剛收到九龍塘啟思正校OFFER, 終於等到啦....不過學費要成$4,600, 好似唔係好值....唔讀PN得唔得呢? K1競爭好唔好好大??　

ppgirl

以我自己申請pn的經驗，今年的競爭算幾激烈，間間學校都好多人申請。讀了pn,明年考k1應該是有幫助的！

bobo101^*^

我家姐個女同仔仔都沒有讀PN, 一樣入到名校K1, 仲要他們是細仔添!
我覺得自己負擔到就讀, 負擔唔到唔讀都唔怕。INTERVIEW 好多時都係睇小朋友表現多。

pekklekiki

我都覺得讀了pn有幫助,明年繼續可以讀k1的機會率大增！ ^^

sarubuta

唔讀PN 一定係可以, 問題係唔返學, BB 平時對住邊個, 會做D乜, 會唔會有機會同其他小朋友玩/相處, 群體生活.  如果唔係好有自己一套為小朋友安排平日活動/學習, 一定係返PN 好D.  我覺得係幫助小朋友發展, 唔單係因為考K1問題
再者, 10年出世的BB有八萬幾個, 幾年前的BB(即約小一果D), 當時一年只係約4萬人出世, 今時今日的競爭已經好唔同, 九龍塘啟思應該係直上K1, 如果你心儀呢間學校, 認同佢的教學理念....咁我覺得應該俾小朋友返, 出年考K1又唔使咁大壓力, 大不了原校直上

Vijoyce

近派我自己有所體會..
原本囡囡已被區內最好的N班收了出年2月入學, 因為囡囡8月30日, 校長希望囡囡大少少先入學, 所以安排係出年2月。咁我又考區內的N班, 咁好彩有一間收囡囡9月, 咁我就諗比囡囡9月入學,到2月轉另一間, 定比阿女HEA半年, 2月先開始讀呢?
問左好多朋友, 都叫我2月先開始, 唔好徙校服, 書簿費.. 又話讀半年轉校, 小朋友又要適應過.. 同埋N班無咩學..又話阿女細, 好易病..等等~ (就算連我C6都係咁諗~)
但我自己就好想阿女入, 因為阿女係屋企對住工人都係睇DVD.. 嫲嫲隔日都會帶阿女去公園玩, 識下朋友, 但我始終覺得唔夠, 阿女好悶..
係我苦惱左幾日要決定比唔比留位費之時, 我問左個顧問.. 佢話有時要放BB去做D野, 或者佢得.. 或者佢學到野.. 又或者到囡囡試左唔得既.. 都仲可以停, 比多一條路自己~ C6又話.. 你自己都決定左, 只係無咩朋友支持, 至於錢.. 洗左可以搵.. 但小朋友既學習機會..無左就搵唔番.. 無人知佢吸收到幾多.. 對K1 INTERVIEW有無幫助.. 但你比佢讀一定有D野番黎~

最後我都比左留位費~

當然有好多朋友、同事, 都無比小朋友讀N班, 佢地都會有K班收.. 但我本人就有另一睇法.. 其實C6請得岩.. 最緊要係你自己想你個小朋友點.. 其他人比既意見你可以唔洗理~ (就算C6同我意見唔同, 但佢話個女既野最終由我決定, 佢只係發表一下自己既諗法, 唔洗理會)..

gogymiu

其實近來我都諗緊, 比呀女讀pn o既問題。

一直以黎都有一個觀念, 覺得有機會, 有錢, 有時間, 就應該盡能力搵一間好o既幼兒園比呀女, 希望佢有一個''唔錯'' o既開始, 希望佢日後升k, 升小學, 一步步都順利咁升上去。

呢個觀念維持左一年, 直到現在, 今年我要落手幫呀女報名喇, 心目中早已有一堆心儀o既所謂 ''好學校''。

但偏偏我現在又有點猶豫。

究竟我地大人覺得''好'', 覺得''唔錯''既讀書道路, 其實係唔係真正對小朋友有好處呢???

其實小朋友向屋企, 唔番學, 唔上pn班, 係唔係等於''浪費''左時間呢??

還記得我地小時候, 無咁多興趣班, 語文班, 沒有pn班, 我們小時候時間係點樣過呢??

我記得我會自己搵野玩, 自製玩具, 煮飯仔都可以玩到出神入化...這就是時間給予小朋友空間去自我發掘, 思考。

現在的小朋友是否應該2歲幾人仔就天天上學...我真係好懷疑。

我並非否定, 只怕自己親手搶奪左小朋友珍貴o既童年。

ppgirl

我覺得每日返三小時pn能讓小孩有更平均的發展，學自理，學與人相處等等。如果小朋友只有老人家或工人陪，我相信返學有其它小朋友一起玩是個好選擇！其實返完學，小孩都應該仲有好多時間玩，重點係有冇人陪佢玩，同佢開唔開心！要補充一點，我並不贊成要小孩不停學習，引到小孩冇有時間玩樂的媽媽。凡事要有平衡，亦要有取捨！共勉之！

kittytyl

我個囝9月會入N，返半日，都係三個鐘一日，我真係當俾佢玩下，不用看得太嚴重，我又唔覺得佢會好辛苦好大壓力！我倆公婆要返工，全日對住工人，每日有三個鍾行開下，工人都可以做其他野，還有我將會有小B，我個case, 返N班是需要的，工人要take care 小B，冇時間陪／教大B，大B上午返學，下午午睡，黃昏我接力，大家都輕鬆d

Rosinnah

回復 gogymiu 的帖子

I totally agree with you!

Marco2010

煩事都有兩面, 把刀可以劾便人, 都可以用來殺人(我又講費話)
不過我會這樣去看PN:
A.理論上話係屋企教同學校教一樣, 但何謂學習?
   學完要PRACTICE才行, 試問幾多個家長可以持支以恆去教育子女.
   再者方法及系統一定學校有條理
B.二歲小朋友, 開始有自己思想. 開始學習同輩行為及語言, 你們是否見到你的子女跟小朋友玩時更興奮嗎? 這些是家庭比不同的.
C.可以直昇到心儀K1, 大家小了下年煩悶, 何樂而不為呢!

好多家長講述以前什麼都沒有, 最係米入到大學等等............
其實我並不同意, 因為時代改變了,我們絕不能用我們時代角度去套牢在我們下一代子女身上.
我諗所有家長都想給"最好"的給BB, 如果在情況許可下, 我一定唔會TAKE OUT子女的機會, 最多自己吃小D穿小D都要.

機會就機會, 失去就沒辦法補償.
但相反選擇錯左,可以去改及放棄