讀唔掂,你地會點?

^曾小姐^

假設你的子女俾香港334玩死,完全讀唔掂,讀完中六會俾佢做乜好?如果冇乜錢俾佢去外國讀,可以點?
thanks

ping12344

我會俾佢揾嘢做.仔仔好多同學都去見工啦!雖然只是KFC...等快餐店.但讓他們體驗做事和讀書的分別也許會有另一番成就.因而找到未來的出路.有些子女真的不喜歡讀書.我們做家長的也要放下成見向現實低頭.正所謂條條道路通羅馬.此路不通.唯有另尋出路了.

JustAParent

原帖由 ping12344 於 12-05-06 發表
我會俾佢揾嘢做.仔仔好多同學都去見工啦!雖然只是KFC...等快餐店.但讓他們體驗做事和讀書的分別也許會有另 ...

首先搞清楚，你子女係唔想讀書還是不適應香港新學制，又無須咁快就一句「讀唔掂，出來做野啦」現今社會和以前不同，很難工字打出頭，以前社會未發展好，不少人白手興家，現在呢？少個錢你屋都無得住，現時就業市場，有碩士博士學位的人多的是，中學生出來，一生的路很難行。有錢出國自然好，否則台灣國內也可考慮，就是要想清楚學位在不同地方的認授性和自己將來希望在那裏生活。副學士等，認授性低又搞到子女一身債，不考慮為妙。

jaci

我覺得若果小朋友是聰明的, 只是未懂讀書的重要而不夠努力的話, 可以讓他或她出外做工, 讓他體驗工作的辛苦和以現在的學歷, 只能做勞動性和社會地位相對較低的工作, 期望他能發現, 只有讀好書, 才能有較好前途的道理, 之後, 再尋找其他讀書的機會. 若真的不是讀書的材料, 可想想學一門專業, 如美容, 會計, 秘書, 警察, 廚師, 救生員, 司機, 機械維修等

小林太太

回復 jaci 的帖子


絕對認同。

知道出來社會做事唔易捱的。如自發性進修, 好過現在迫讀書...

gogolaw

睇下幾時開竅!  咁大個迫都冇用，講得多又話"而而哦哦"，
講佢唔信，比佢做下野等佢明白和體會，"講多無謂，行動最實際"，
我都係咁樣同我c6講。

kuroro

喺社會碌一圈，就會知道自己想點。我覺得依家啲家長幫子女諗得太多，路應該留返俾子女自己選擇。我以前屋企人都無為我特別諗過將來嘅路。我公開試衰咗都係我自己話要重讀。不過我屋企人好重視子女要有大學學位。當年冇咁多副學士嗰啲課程，最後都要靠重讀先讀到大學。睇返轉頭，我覺得最緊要有一技傍身。我朋友得中五學歷，但因為佢有瑜伽教練牌照，一個月都搵幾萬。我學歷好佢咁多，都冇佢搵咁多錢。

iamfine

放佢出去挨下啦。

iamfine

有事請教：點解讀唔掂係俾334玩死?點解唔係自己玩死自己，或者俾阿媽玩死?點解隔離豬女冇俾334玩死，反而將334玩到出神入化？

Carmen2004121

出尼打下工或學一門手藝 . 總之就會吾將辛辛苦苦儲埋既錢比佢地讀D無用既野 . 浪費幾年時間后都係行返尼步.....................出尼打下工或學一門手藝 .