10歲小孩了，惡習纏身！如何是好！

stephen925

小兒自出世後至小二都是由同一印傭湊大，個工人當正係佢親生仔咁，所以有時都會過份溺愛！而父母佳天天工作，每當放假時便想與小孩玩玩開心一下。但到佢小三時，個工人家中有事要請辭，所以就父母辛苦的自己湊番！佢放學後就由校車送去補習社託管至晚上父母放工才去接回他。

現在他小四了，發現他有兩大嚴重問題：1.懶惰、2.說謊

懶惰是不肯做功課和家務。家務可能因為自小有工人湊所以不肯做，但學校功課已經被冠為全校第一欠交功課之學生了！

而說謊更是嚴重，他可以為了不做功課而編出不同的大話及修改家課冊。當然事後一定被發現，但佢好似罰極都唔怕，一如以往咁！

我已經軟硬兼司，又獎又罰！但都係無咩改善，真係教到心力交瘁！

近來重發現佢好貪小便宜，又偷同學的東西，真係唔知點教！佢學校班主任都好激氣，但學校總唔會為佢一個人而作出特別處理。請問有無的咩機構可以幫到我？

stephen925

其實我都想送佢去寄宿，起碼等佢識得自立下，無咁依賴！不過香港好似無小學寄宿！佢出年五年班了，佢響學校的成績同品行對佢升中學會有好大影響！但以佢現時的理解能力好似完全感覺唔到！真係頭痛！

Yanamami

佢由出世至今都外判俾外人至今...... 睇怕要去黃埔軍校了.

35C9

越是惡習纏身, 就越是要自己親力親為教好佢呀 !

Radiomama

小四才發現出現問題，父母不是同住的嗎?
教與養都是父母的責任，實在無意冒犯，但您們的情況和想法("所以就父母辛苦的自己湊番" & "其實我都想送佢去寄宿，起碼等佢識得自立下，無咁依賴" )令我好為您的孩子難過。

stephen925

應該係佢以前問題無咁嚴重，到小四了，可能開始有自己的思想！但應該係方向錯了！現在想糾正，但好辛苦！

stephen925

awah112 發表於 12-5-4 15:57
小四了才發現他有兩大嚴重問題?老師一直冇出聲?

佢小三的老師就無出聲，只係話佢有少少懶惰同太依賴！小四的班主任就睇得比較緊，亦可能要求比較高，所以先發兜佢問題嚴重！

我亦考慮過，會唔會係佢有潛耳識的反叛！越係話佢，佢就越唔聽話！我自問都搞盡腦汁，又鬧又打又氹，咩都出齊！

stephen925

35C9 發表於 12-5-4 15:55
越是惡習纏身, 就越是要自己親力親為教好佢呀 !

就係咁先辛苦，而且好似無咩成效咁！

stephen925

Radiomama 發表於 12-5-4 16:07
小四才發現出現問題，父母不是同住的嗎?
教與養都是父母的責任，實在無意冒犯，但您們的情況和想法("所以 ...

多謝你為佢難過！不過我唔緊佢都唔咁辛苦！我就係想上來交流下心得！父母以前為左生計，所以平時雖然同住都好少見到面！依家無人湊咪辛苦佢又辛苦自己囉！

猴子爸

唯一办法是夫妇其中一人留在家中，亲身照顾，以身作则，坚持纪律，大爱包围，让他知道你们有要求，但也同时爱他，生活中的细微处上，慢慢把它们改过来，是生命改造工程，不是易事，但并非做不来。如果你们的方向错了，以为再一次把他外判到寄宿学校，就可以解决问题，就差不多等于没钱开饭，去澳门找何生帮忙一样，是有成功的可能性，但问题是，那个万中无一的例子，是你吗?

annie40

Stephen,

教仔是真的难以假手于人的, 今天可说初尝恶果., 请作心理准备要花十倍, 一百倍精立和时间来把孩子带回正轨.

可以一试的是送孩子往:

1) 习武. (judo, karate, Taekuto or others), 要学disciplines, 练习体能, 是否有成绩, 一眼就知. 如果你的少爷仔愿意留下认真学习, 应该附近有高人或师兄帮你点醒他.
2) 去黃埔軍校习训 (如果有军训更佳)
3)  重生规划你们每位家庭成员的生活.  为孩子大家一起努力改进. 孩子当然未必听父母的教．但肯定唔敢披视父母，大家相处多一分尊重．这样已是很好的开始．

共勉之！

annie

nanayeung

我覺得首先你在家要訂下一些大家一齊遵守的規則先，例放學後換出來的鞋要即時放入鞋櫃，否則掉自己向老師解釋，如果自己吾放校服洛洗衣機就要承受著臭衫返校的後果，大女之前由嫲嫲湊所以都好依賴，我都用左好多時間去教佢，呀仔四歲巳養成自律的好習慣，我們又一齊傾家庭大家都有份一人負責一樣簡單的，呀女摺衫呀仔幫忙放入櫃，爸爸洗tolet其他清潔我做，發現當佢地有自己post責任心越尼越強，學業我當初只要求呀女交齊功課但都好難，我地全家人一齊陪佢做功課以示支持，過去最小一星期三日欠功課而家巳達到幾乎零，問題係家長要付出時間同心機，通常功課飯後做，做得快就有電視睇，呀女慢慢見進步巳可以自己溫書，過程都好長一年多

nanayeung

同意習武我女都有學同埋我亦每星期帶佢返教會

stephen925

nanayeung 發表於 12-5-4 17:03
我覺得首先你在家要訂下一些大家一齊遵守的規則先，例放學後換出來的鞋要即時放入鞋櫃，否則掉自己向老師解 ...

你的意見我都明白，有部份其實都做左好耐！最大問題當然係時間問題，抽得出時間當然好多野都迎刃而解！

我早就實施唔做完應做的事就無電視睇！佢依家寧願唔睇，返房HEA！真係比佢吹漲！係要喝佢鬧佢先肯動手！

不過我咩都唔理，首要係要佢交齊功課同講少的大話，我已經好心滿意足了！

stephen925

awah112 發表於 12-5-4 17:26
我仔p1,老師成日捉我地兩公婆話阿仔上堂唔專心,攞命...

哈哈！佢老師都好關心你地個仔口喎

nanayeung

又真係無佢符，最怕軟皮蛇，激死你
沒有看管之下小孩很難自律，明白搵食又好難放棄工作，會吾會學校社工可以幫忙了解下呀仔？

stephen925

nanayeung 發表於 12-5-4 17:42
又真係無佢符，最怕軟皮蛇，激死你
沒有看管之下小孩很難自律，明白搵食又好難放棄工作，會吾會學校社工可 ...

學校社工都有跟進佢，不過就跟進緊佢另一個問題：臭脾氣！佢好易發脾氣，動不動就發哂癲，唔理大事定小事！所以社工都係搞緊佢呢樣野先！

Radiomama

小孩子的情緒 & 行為問題，是整個家庭的問題，可以由家庭治療入手。
生計的目的也在於培育子女，孰輕孰重要懂分配。