懷疑亞士保加小朋友

kc1016

排了期5月底去評估, 由2年級開始到而加, 大仔成日在學校錫同學, 已經同佢講好多細菌, 同學塊面唔清潔, 個嘴係用來做咩, 錫只可錫親人...最後叫佢帶口罩回校, 都無改善, 我就比佢激死啦,

想請教你哋有咩辦法呀? Thanks.

Capricorn2521

回復 kc1016 的帖子

我個仔半年前(4歲多)都有哩個行為，好鐘意錫小朋友塊面，錫完仲要望住我笑，好明顯係要吸引我注意。教極都吾聽，後來我話如果你錫小朋友，你就冇IPHONE玩.........於是這個行為就沒有再出現了。

正因如此，我知道條件交換對我小朋友係WORK嘅，於是我就開始和他一起訂立獎勵計劃，每日REVIEW當天的行為，乖就加分，吾乖就冇加，再吾乖就扣分，亞仔好緊張佢嘅分數，好多行為都因此改善了。

不過，小孩子就是小孩子，舊嘅改了...新嘅會黎.... 我其實都要時不時花心思改改規則及獎品，令佢有新鮮感/新刺激，同令佢知道規則係可以改變嘅，吾洗咁死板。

kc1016

多謝你的意見, 我都覺得佢似引人注意多D.

我都有用獎勵計劃, 最初都OK, 慢慢又係甘, 我又轉另一方法, 時work時唔work.

kelvin_hmlau

係呀, 有時講道理都唔係好work, 罰走佢d喜歡的野係幾work.
昨日老師說小兒畢業禮排練時唔專心, 今天帶佢返學特意同老師夾定如果今天再唔專心排練就唔比茶點佢食. 希望今晚有好消息!