大埔幼稚園, 歡迎各位分享和交流

man_0702

比較多人揀

匯豐幼兒教育
寶兒
安基司
英藝
明雅
禮賢會
浸信會

大家可以分享嘛???

tinglau321

你好呀！我都要為亞女報2013／14年度的K1。大家交流下啦！

我亞女會讀今年安基司下午班N1。但是我未決定會否直上K1。

我喜歡

tinglau321

唉，打完回覆，唔見哂啲字，唯有再打過！
***   ***   ***
你好呀！我都要為亞女報2013／14年度的K1。大家交流下啦！
我亞女會讀今年安基司下午班N1。但是我未決定會否直上K1。
我喜歡

tinglau321

都是出不到字, 唯有再打過...
我喜歡匯豐, 鍾意佢辨學宗旨和環境, 有學卷, 但有擔心是否太自由, 上小學會很辛苦. 不過, 佢N班沒有收亞女, 我都會再試.
之前看論壇, 一般都話英藝課程很深, 但好多小學的頭幾名都是出自他們. 因亞女很不專心,坐唔定, 所以我都不會報英藝, 怕亞女跟不上.
聽朋友講, 安基司的寶兒的K都不錯, 所以都會報寶兒試試.
對禮賢會和浸信會認識不多, 有冇家長可分享下?

man_0702

回復 tinglau321 的帖子

我就係殼左英藝, 坦白講我唔知係咪所有私校都比較商業化, 咩都錢錢錢, anyway讀得的話都預左錢錢錢, 無計, 同埋我仔仔係11月出世, 細b好多學校唔收n班!! 我報左7間, 5間唔收, in都無得in~

明雅月底面試, 如果收左主流一定讀, 上k1有學卷~如果收國際, 我會考慮佢讀一年會點, 如果ok可以k1都國際班, 如果唔ok就轉返主流~

英藝面試好求其, 基本上佢有位都收, 我留左$660先~國際pm~

不過我同我c6商量過我仔仔好好動, 坐唔定, 但我地又唔想佢讀填鴨式教育, 我睇見我d朋友既仔女唔係讀咩傳統名校, 只係自己區內較出名既小學, 日日2-3個鐘功課走唔甩, 一年4小測2大考, 默書又多, 我朋友同我一樣都係在職父母, 無辦法頂得順, 小朋友又唔開心!! 我地決定比活動式教學佢, 盡量揀輕鬆少功課既小學, 同樣地我c6想佢英文底打得好, 因為香港小朋友語文方面比較弱, 好怕外語, 咁英文已經係最普遍通用既世界語言, 所以我地想幫佢考英小, 我地心儀陳守仁(機會好微), 浸大王錦輝同培僑, 如果考唔到, 都會考慮大埔小學, 阮鄭, 賽小, 田小~

所以幼稚園就要英文底打得好, 至少流利聽講~如果我揀其他學卷幼稚園, 我會將慳左落黎既學費比佢再讀英文playgroup, 希望聽多d接觸多d, 2歲半前仲係發展黃金時期, 希望佢可以吸收多d, so far佢由驚外國人已經唔怕接觸, 簡單指示已經做得到, 唔再抗拒~返pg都好開心好鍾意~

man_0702

回復 emilymummy 的帖子

大埔有成10幾間幼稚園有學卷架, 不過要有n班而k1有學卷既幼稚園就的確唔多~
得圓玄, 張慕良, 安仁, 林護, 明雅(以我所知)

但我都考慮緊讀唔讀英藝, 因為我仔仔細仔, 要最快12月先入學, 英藝我揀左出年2月下學期先讀~但我c6計過如果4年都係英藝讀, 學費都10幾萬, 我心諗如果有10幾萬我不如好好比佢讀學卷半日班然後報其他野佢鍾意既比佢學~

anyway都要睇埋26/5明雅面試點~如果收左~我一定勁勁勁勁開心~

cat_1447

各位好呀, 我是新手媽媽, 睇緊大埔區既幼稚園, 但有點煩心… 想請教一下.

我﹕知道而家英語係主要言語之一, 而且要由小陪養, 想比囝囝讀明雅或者寶兒AM /PM, 餘下時間比囝囝去下playgroup或者休息下!

C6﹕想囝囝平平淡淡甘渡過, 由他自然發展. 例如寶湖. 不用擔心接送問題, 學校有暫託延伸. 都不會比囝囝上playgroup. 給他自然發展.

囝囝係2011年10月BB, 雖然還有大半年時間, 但想先計劃一下. 謝謝.

man_0702

如果你仔仔係10月出世，寶湖幼兒可以唔諗，因為好少位加上比哂世襲生，所以餘下嘅會係大仔著數好多，你仲要同大仔d waiting比喎，我仔仔11月出世面試機會都無。