很苦惱... 請有經驗的媽媽幫幫忙...

20091

回復 muimui2005 的帖子

如果你不介意,我有一位油尖旺b2學生的派位結果,
你不妨參考參考,可能有意外的收穫.
至於是哪一所中學,我不想引起罵戰事件,
如需pm me

去年,我也經歷過此折磨人的........
我想這一輩子也不會忘記,
預祝你入一所理想中學!

ohnono

muimui2005 發表於 12-4-25 00:41
回復 ohnono 的帖子

你講  "有呈分但冇派位的..."   這我有點不明, 不是少左人爭咩?

有呈分就會有banding，教局會跟據成績出一個banding比佢地用作抽獎選校之用。但偏偏這班同學又不參加派位。試想想若這班同學全是band 1頭的同學(我當有200個)，自然就會將其他同學的名次推後200名。即是原本考第500的同學A，如果沒有這班band 1頭的同學的出現，他其實只係排第300。

假如此區有300個band 1位的話，同學A因為排第500，所以好自然跌進band 2組別。但又因為這200個band 1頭的學生不參與派位，所以同學A雖然排500係band 2生，但佢仍然可以在此區的300個band 1學額中獲得一個學額。

以上的例子只係用來說明油尖旺的band 2生仍有一線希望以band 2生的輪候次序爭入band 1學校。同時這班同學(但並非所有band 2學生)亦好大機會在全港甲部排名升band。所以油尖旺的學生轉區就有好處，而其他區轉入油尖旺就跌band機會大呢，就係咁解。

PS：其他區轉入油尖旺唔一定跌band，因為不論升跌band都係要教局用你原有學校的名次用原有學校的調整分，經調整後再排過，好彩你仍進佔頭1/3的話就係band 1如此類推。由弱區裡的強校加埋組別排名前的轉去油尖旺還好，可望不用跌band，若由弱區裡的弱校轉去的話，不論名次，跌band的機會一定高。

ohnono

我想樓主現在要確定以甚麼banding去選校先最重要，選甚麼校就是之後的問題。

一定錯banding，之後你的選擇可能會錯晒，或跌到好後的選擇。

muimui2005

回復 ohnono 的帖子

".....亦好大機會在全港甲部排名升band..... "

為什麼只在甲部升band ?  乙部不是都有幾會有b1的位嗎?

謝謝.

ohnono

muimui2005 發表於 12-4-25 01:37
回復 ohnono 的帖子

".....亦好大機會在全港甲部排名升band..... "

甲部升band變成band 1，你就名正言順同其他band 1的同學一齊爭，勝負已經唔關乎banding的事只關隨機號碼的小與大。小no派先。

相反乙部就看你的同區banding，若是band 2，你就只能以band 2的輪候次序去抽。band 3亦一樣。

不論甲乙部，整個輪候次序係band1 的同學先抽先派。有剩的學位先輪到band 2生抽，再有剩的才輪到band 3生抽。
所以一個band 2生在乙部揀band 1的話，佢係要等所有band 1生揀完派晒之後先輪到你揀，好的band 1學校已經所餘無幾啦，但你重要同band 2的同學去抽。

但你記住，甲部的升降band係全港的學生重新排名後分banding的，可能升亦可能降，但跟你轉區的升降band是兩樣野。

muimui2005

回復 ohnono 的帖子

真係好複雜....   

thank you.

muimui2005

回復 ohnono 的帖子

真係好複雜....   

thank you.

Peanuts

muimui2005 發表於 12-4-24 23:53
民生係BAND 1....  但老師話 BAND 2....   

我填銘基第一....   唸緊仲搏唔搏多一間 黃棣珊 (他區) , 機 ...

我女老師話民生係BAND 1

你所講嘅學校, 除左信義, 其他如黃棣珊, 何官, 民生..都係他區, 得2個位,
機會會唔會好微?

我昨晚試填, 填到15巳經填唔落去...

muimui2005

Peanuts 發表於 12-4-25 12:34
我女老師話民生係BAND 1

你所講嘅學校, 除左信義, 其他如黃棣珊, 何官, 民生..都係他區, 得2個位,

問題就係...  我覺得老師有問題, 佢猛話我個仔係B2, 唔好 "痴心妄想填B1的學校...."  但佢又話民生係B2... 他區, 又得兩個位...   我就來畀佢攪到痴線...   個老師係自行派位時已叫我揀 信義 及 官立嘉道理, 依家又話 嘉道理唔好...  聽佢講一早死左.

Peanuts

muimui2005 發表於 12-4-25 12:49
問題就係...  我覺得老師有問題, 佢猛話我個仔係B2, 唔好 "痴心妄想填B1的學校...."  但佢又話民生係B2... ...

千祈唔好報嘉道理, 入面大部份係印巴, 菲藉人仕
聽你咁講, 你仔老師好似有D亂黎咁...會唔會因為
佢唔熟油尖旺D學校?
我女老師話如果想博嘅, B2生可選銘基為第一志願
不過, 唔擔保一定博到, 我又唔係好敢博, 好矛盾
我都準備定派位日去叩門

muimui2005

回復 Peanuts 的帖子

係唔係派位當日 10/702012 就可以去叩門?

THANKS.

Peanuts

回復 muimui2005 的帖子

是, 派位當日取完結果就去
之前打定電話去心儀學校問,
有d學當日只收報名表,
有d學校會即時或當日下午筆試/面試

muimui2005

回復 Peanuts 的帖子

咁急....    要快 d 準備...

THANK YOU ~

muimui2005

那個叫我個仔報b3 學校...   唔好 "痴心妄想填B1的學校...."   的班主任, 上個星期同我個仔講:  你今次考試成績唔錯.... (我覺得差不多)   你應該揀 b1 的學校.....

x@yz%^ ....   

muimui2005

全靠大家的意見, 我無理佢...  但自行時,  由於佢對我個仔的 "批評", 我自己無經驗, 又無乜資料, 攪到我唔敢報聖芳濟, 依家好後悔....   浪費了一次機會, 昨天打電話去問接唔接受叩門, 佢話要兩次都有報佢地先有機會面試...

HinMa

muimui2005 發表於 12-7-7 14:12
那個叫我個仔報b3 學校...   唔好 "痴心妄想填B1的學校...."   的班主任, 上個星期同我個仔講:  你今次考試 ...

其實好多老師都係隨口嗡，當秘笈。

ohnono

HinMa 發表於 12-7-7 17:01
其實好多老師都係隨口嗡，當秘笈。

有陣時真係唔明那些老師的心態！

杰杰媽媽

所以我幾次家長會都冇聽過，我只係問班主任呢2年全級第幾係band 1,自已個仔考第幾，之後咩都自己決定
（宜家諗返當時問老師都有d好強硬／堅決既feel)

muimui2005

HinMa 發表於 12-7-7 17:01
其實好多老師都係隨口嗡，當秘笈。

係呀....   一 d 責任都無...    依家d 教育真係.......

muimui2005

多謝大家, 真係好多謝大家....    多謝係度無私回答大家問題的媽媽.....   我個仔終於得左la.....      第一志願......    b1.....   英中.........     多謝大家幫忙, 畀意見...   我依家.....  緊....    這些辛苦的日子....   可以過去了....   多謝.