有關學鋼琴問題

bebebe12345

回復 yipcharie 的帖子

通常不會一年一級。

Na‧Na

學琴嘅嘢因人而異，正如好多人話齋考咗又如何？不過每個人都有不同原因去考試，撫心自問你個原因係咩？如果係為證書都不妨同老師直言，鋼琴二，三級死谷都有機會考到合格，甚至merit都有可能。不過考完出嚟小朋友可能唔識數拍子，認音，可能只識彈三首考試歌。如果咁樣都唔介意嘅，又不妨同老師講，請老師幫手谷一谷。但可以話你知，咁谷住考二，三級，考完有排打返好個底，下一次可以再考就要浸多幾年。只要知道結果覺得無問題，go ahead!

mw7183

請問點知佢掂唔掂?

ClaraC

mw7183 發表於 12-5-6 22:44
請問點知佢掂唔掂?

圖書館有D書係講自學/初學鋼琴有講到姿勢的
你可以睇下同老師教既是否一樣
唔同既可以問下老師，睇下佢點答你!
如果老師無教姿勢手型就知點做啦!

認音拍子既野~家長唔識睇音同拍子真係無咩辦法
你試下俾首新歌小朋友(同佢彈緊的程度相若)

佢彈到幾個音俾你聽的~最少知道佢睇譜OK...
有D小朋友俾「老師」教壞左...一定要寫哂音名先肯彈，咁就唔得喇!

仲有~如果連你自己都覺得小朋友彈琴有問題
老師話大大下就無問題
咁你都要小心...
正如小朋友唔識abc, 難道大大下就會識嗎？
打好個底好重要!!!

mw7183

回復 ClaraC 的帖子

咁佢一開始有教佢姿勢,有鬧佢.我都有比新歌佢試彈.佢都彈到下.

ClaraC

就咁睇應該ok
但姿勢教過之後平時有無執？
很少學生平時上堂可以唔使理姿勢

artist66

家長們:多D同老師溝通啦，一些家長不喜歡考試、一些家長成日想考試(有D重要報高D)。其實2年考一次幾好，定期比目標學生，又唔會忽略其他曲目。老師多數唔會拖時間呃錢，高一級不是學費更高嗎?每個人能力性格都不一樣，同齡也不可作比較。同意老師質素有高低，同老師溝通下，你大概都感受到D功力掛建議聽人介紹，唔好以學費平為先。

bebebe12345

很高興聽到"功力"這二個字!
最難明白的也就是這二個字!
或許知多D要求就會高D,上得越高越明白知得太少!

bswong

市面上太多唔健康既學琴風氣，而這些風氣大多係d家長造成。本人有一真實例子：話說我大囡在k3時候有某同學仔媽咪榮耀自己囡囡考獲2級(原來用咗年半時間每星期3堂只操考試歌)，短時間睇你會見到有成績，但大家一估吓宜家過了3年已經小三了，結果佢囡囡基礎打得差，只將d歌背晒入腦，根本唔識數拍子和睇譜到3級停了無学，而我囡囡今年考4級，我只係想講今慾速不達，打好基礎最重要，健康學習先可以走長遠既路。

bebebe12345

基礎是十年、廿年或以上的事,重要的是均衡。中間那段灰色地帶足夠我們費盡心思去安排....去追尋!老 師、家長、孩子的配合,缺一不可。

minab

若果學鋼琴或其他樂器、音樂是為了考琴，我認為，孩子會學得不快樂也吸收不了任何音樂知識、鋼琴知識。 試想想，以ABRSM 為例，3首pieces , scale, sight reading, aural 4部份，是否能完全肯定孩子的能力呢?

作為一個鋼琴老師，我認為孩子當然要考級，但是同時間，也要學多一些其他的樂曲，才能充實「音樂旅程」。

此外，以我為例，我不會讓學生每級考試，若不是家長要求通常不會「級級上」，一來孩子會討厭這種考試學琴模式，二來只是浪費金錢，三來孩子吸收到的技巧、知識很有限。

又以我其中兩個學生為例，一個是中途跟我學琴，一個是最初就跟我學琴，都是要考五級鋼琴的，前者已考了1、3級，但她對自己所彈的樂曲一無所知，如: 時期、風格、彈奏方法等，但她能準確彈對所有音，可是音樂講求的氣氛、感情、句子呢? 後者第一次考級，卻能充分表達樂曲。我問前者: 「你彈多久了這三首考試歌? 」他答:「4個月左右。」我再問:「你現在有沒有彈其他歌呢?」他答:「沒有。」

其實如果孩子只彈考試歌，反而使他的眼界縮小。所以，我認為，鋼琴沒有很明確的級數分明，老師 不為 學生專注練考試歌可令學生學到更多，增加趣味，也是為了打好基礎，為未來鋪路。

另外，我再多口說一句，日後，當孩子長大自己回憶學琴生涯，「是否只有考試歌呢?」若是，他到底學了什麼呢?

chole媽媽

我都想分享下自己的經歷:我個小朋友由2.5歲開始學琴,今年小一先開始考二級,但我從來無懷疑個老師,因為我覺得只應付考試並不難,最重要佢掌唔掌握到個技巧,彈來彈去都係個幾首考試歌,反而令佢有D煩悶.

yipcharie

平時,我叫我囡彈一首歌(程度—樣)比我聽,她只彈了幾個音,之後就說老師仲未教、好難、唔識彈,但當老師教左,當晚叫佢彈,佢又好怏上手!係咪小朋友對音樂無興趣?