如何幫助S位學生跟上主流的教學?

BKVIP

小兒將於今年8月入S位，以他的年齡，其實應該就讀主流的K1，因他是我的大兒子，我完全沒有K1應教什麼的概念。如進度理想相信讀1年S位他可以回流出主流，到時應該從K1讀起？還是我可以在家教K1的課程，到時他可以嘗試K2不用REPEAT呢？ 因他是十分喜歡看書和學習的小朋友，怕S位所學的程度太淺，他到時跟不上。有沒有過來人可以賜教呢？

Capricorn2521

回復 BKVIP 的帖子

K1嘅學術野咪就係A-Z/0-50/顏色/形狀.....中文認字人/口/手/大/小.....功課做填色及連線，係咁多。你亦可以參考下朋友K1的孩子的進度，不過，不同幼稚園要求亦不同。

我以上講嘅係大路野，仲有，要培養閱讀習慣，亦要同佢睇圖書，講故事，慢慢教佢認多D字。

仲有，如要加強認知，要教多D生活化的東西，如去市場，圖書館，動物園，超級市場，乘搭不同交通工具，沙灘，泳池，探親人，再買相關的故書閱讀，以收活動教學之效。到了K2，可寫相關(10劃以內)的字。

生活化的東西，仲有教日期，天氣，時間，四季，簡單地介紹不同節日特徵，早/午/晚做D乜，明咗之後，就教佢講，識講之後就教延長句子，再教其他詞彙，令孩子懂得如何表達。

生活化嘅野在S位及主流幼稚園都會教，不過，家長可帶孩子親身感受，令孩子印象更深刻。

urme1997

我囡囡2歲讀s位, 學校教自理及認知, 如形狀, 線條 , 顏色等, 之後評估完可以轉出去讀 I位 OR E位 , 我揀咗 E位, 即讀普通幼稚園重讀K1, 當時剛4歲, 其實我都可以由K2開始讀,但我唔想好似KISS D野咁,所以我給囡囡由K1開始讀.   

BKVIP

Capricorn2521 發表於 12-4-12 10:34
回復 BKVIP 的帖子

K1嘅學術野咪就係A-Z/0-50/顏色/形狀.....中文認字人/口/手/大/小.....功課做填色及連 ...

Capricorn 謝謝你詳細的回覆，A-Z/0-50/顏色/形狀.... 其實佢都已經識晒，顏色/形狀用中英文都講到，認知其實日常都有同佢去實習，放假我一定帶佢周圍去的，多謝你俾左個方向我。

BKVIP

urme1997 發表於 12-4-12 11:04
我囡囡2歲讀s位, 學校教自理及認知, 如形狀, 線條 , 顏色等, 之後評估完可以轉出去讀 I位 OR E位 , 我揀咗  ...

URME 請問你囡囡是讀了2年S位嗎？

kelvin_hmlau

我覺得跟上主流最難部份不是學術性的, 而係在一個普通社區做到合群, 互動, 情緒控制, 自我管理, 專心學習, 經驗分享, 幻想力, 情感記憶等...
呢d 野唔穩陣, 上小學就會出事了.

BKVIP

kelvin_hmlau 發表於 12-4-12 11:45
我覺得跟上主流最難部份不是學術性的, 而係在一個普通社區做到合群, 互動, 情緒控制, 自我管理, 專心學習,  ...

學術是最基本的要求，否則不用再談難度再高(對於A仔) 的問題了。第一步豈碼學術上可以跟得上，同步再學習如何與人相處。

我相信會是很大的挑戰。謝謝你的意見，我會留意小兒在這方面的發展。

Capricorn2521

回復 BKVIP 的帖子

我覺得既然小朋友已有K1的學術程度，你可以放心訓練佢嘅弱項(無論佢係讀主流或讀S位)。

老實說，我小朋友3歲半入S位前，果D所謂K1學術嘅野都係識晒，仲好有興趣。不過D脾氣同言語/溝通就吾得。我朋友個仔同佢同年，K1果年，我小朋友自己玩同講中英文嘅1-10積木，我朋友覺得我個仔好叻。(當然有苦自己知) 因為我朋友個仔仲未識，朋友主張愉快玩樂，冇教，小朋友讀果間主流學校又係愉快學習，我吾知係冇教定教咗個小朋友吾入腦。所以就算讀主流學校D小朋友咁叻，我相信大部份都係家長教了很多課程以外的東西。

依家K2快完了，我朋友亦開始感到升小的壓力，佢開始比小朋友上英文班/國語班/游泳班/音樂班。一般小朋友通常都可以由成人教得懂所謂K1/K2學術嘅野。但我小朋友從睇書/睇DVD/上網已經可以自學，(我相信很多A仔都得)，所以我只要keep住check住朋友孩子們的程度(一個讀活動教學校,一個讀傳統校,一個讀國際校)，輕輕糾正或加入就可以了。我最主力要訓練我個仔其實係教佢如何跟人互動帶出樂趣，教佢如何玩，如何比surprise，各種遊戲規則，看我表情知道我是開心還是嬲，服從，減少脾氣等等東西。

另外，聽過s位涵接主流k3的問題係寫字，所以在3-4歲我同老師都著重train佢d小手指(其實寫字前仲要train好肩膀肌，手腕力，坐姿)，今年4-5歲除了學校一星期一次的生字要寫，我日日都要亞仔寫中文或英文字，以前一頁因為d字淺，依家半頁因為d字深咗。為9月讀主流k3 or k2 "盡量"作好準備。

BKVIP

Capricorn2521 發表於 12-4-13 10:55
回復 BKVIP 的帖子

我覺得既然小朋友已有K1的學術程度，你可以放心訓練佢嘅弱項(無論佢係讀主流或讀S位)。 ...

其實在當今教育制度下，身為家長的我都感到很矛盾，既想小朋友有個愉快的童年，但又不得不向現實低頭，即到最後都要跟著大隊跑。

Capricorn 你很了不起，花心思在教他如何玩，其實在這方面我真的很慚愧，因為要下班後還兼顧弟弟的需要，覺得時間總不夠用，因為教哥哥的時候弟弟會來搗亂或令哥哥分心，等弟弟睡了哥哥已經很眼瞓，所以很多時候沒有做訓練。

你說得對，其實我也應該開始訓練他執筆/認字，買些填色給他畫畫^^。

urme1997

回復 BKVIP 的帖子

係呀! 剛2歲讀, 謮咗2年, 上年9月出番去讀書, 我囡囡係07年9月尾出世,讀K1時剛好4歲

kelvin_hmlau

回復 Capricorn2521 的帖子

我同你的睇法比較相近. A仔小時候看似好醒, 大個時看似好笨.
一句講晒, 佢地d thinking 無左 "connecting the dots" 能力...

BKVIP

urme1997 發表於 12-4-13 12:06
回復 BKVIP 的帖子

係呀! 剛2歲讀, 謮咗2年, 上年9月出番去讀書, 我囡囡係07年9月尾出世,讀K1時剛好4歲 ...

你囡囡係細女，但我仔係超大仔 (1月)，如再DUM 一年就好大...

BKVIP

請問有無人知比如今年我俾仔8月入S位，咁係咪今年要開始報定下年的K1/K2？定係到時睇出唔出到S位先再搵學校插班？

pollybell

報下年主流K1/K2今年10月開始報,報左都要IN,收左有OFFER到時讀唔讀都係你決定,最多無左留位費.

urme1997

回復 BKVIP 的帖子

我識人都係做超大囡, 讀小學時已經無咗個適齡分數, 但如果唔係諗著讀名校, 我覺得無所謂, 好過小朋友夾硬上仲追得仲辛苦

BKVIP

回復 pollybell 的帖子

搵定先都好，但應該報K1 定K2 呢？如報K2，咁實問阿仔依家讀緊咩，係咪要如實講呢？

BKVIP

urme1997 發表於 12-4-16 11:21
回復 BKVIP 的帖子

我識人都係做超大囡, 讀小學時已經無咗個適齡分數, 但如果唔係諗著讀名校, 我覺得無所 ...

只係怕佢大個D，發現自己大過同屆同學仔1-2年會自卑。如冧2年，即係同細佬同屆，咁對佢心理都有影響.... 有時真入好難做決擇…

pocoyo123

重讀, 超大仔, , ,,,,針無兩頭利, 有壞處亦有好處, 多一年時間去追, 小朋友自信心多些, 功課亦容易上手, .
我兒今年上小學時已7歲兩個月, 他從去年已不停問點解佢要讀多年K3, 我每次也照實說他寫字,功課,學習未盡全力, 所以要讀多年, 我同佢講, 你今年再不努力, 重讀K2, 咁佢又好以努力左咁,所以, 又不需太担心,讀左一年后, 再睇睇小朋友進度, 再決定重讀不重讀也唔遲

Capricorn2521

BKVIP 發表於 12-4-16 12:19
回復 pollybell 的帖子

搵定先都好，但應該報K1 定K2 呢？如報K2，咁實問阿仔依家讀緊咩，係咪要如實講呢 ...

有以下選擇：
1) 跟現讀的N1留2013年9月學位。(有D學校學位吾係咁緊張，佢地又熟咗小朋友，係願意留位的)
2) 一年後你小朋友未夠6歲，可以轉I位學校。
3) 一年後小朋友可以進步好多好多，到時再同佢報插班。
4) 如果經濟許可而小朋友對英文有興趣，國際學校對SEN小朋友係好好的。

我吾建議依家報定先，你自己有太多未知之數。依家報，即係同一般小朋友競爭。返而開曬學，有位就試，大定都冇咁大壓力。

如果選擇3......至於講吾講實情，真係好個人。我知道有D講，有D吾講，都有學校收。老實講，你帶佢去INTERVIEW，到時你都要有心理準備。

BKVIP

多謝咁多位回覆，國際學校係咪即係以後要送個仔去外國讀書？因為我睇過書話如果選得呢條路，就一定要做出國打算，因為佢地制度係跟外國教學制度，同本地X接唔到。