點樣可以培養到小朋友愛讀書?

yani8322

好多小朋友,包括我自己都係好唔鐘意讀書...

我怕我的小朋友都係會咁....

有咩方法可以令到佢喜歡讀書呢?
係咪由佢細細個要比佢補習,等佢以為補習,讀書係生活既一部份,
咁大個先唔會討厭讀書or補習

咁係咪幼稚園要搵人同佢補習?
如果想學好英文,咁係咪更加要幼稚園開始補習?
係咪要搵私人教好d?
搵外國人會唔會好過本地人教?

gracedolly

樓主指的是「愛學習」吧？還是愛「愛閱讀」？
從小補習？那不是反效果嗎？
愛學習：
1、小朋友天生具好奇心，他們提問時要回答，大人最好帶小朋友一起看書或從其他途徑找答案。
2、讓小朋友明白學習是快樂的事，他們將因此終生受益。真要學的話（幼兒），應安排在生活或遊戲中學習，死記硬會讓他們討厭學習。
3、多稱讚，少責難
背詩寫字，就算不是頂好，也請多稱讚。

讀教育學位且執教多年，眼見有不少家長揠苗助長，太大的壓力反令小孩討厭學習。方法尚有很多，有空我再分享。

kbi

我自己自小就好鍾意讀書、做功課同考試。細個時一放學就自動自覺做功課，到而家生左個囡都仲讀緊書。原因係讀書可以帶來功感，細個時媽媽會讚我，而家學到新知識會覺得好開心。
愉快學習比補習更重要。但每個人的性格各有不同，所以你要觀察下你的小朋友，才可以知道甚麼方法會令你的小朋友學得愉快。

kbi

係成功感

marcuscyrus

If u refer to learning, u have to let them know learning is interesting while they r as young as toddler.  In doing this, there is nothing to do with the marks.  Once they have the initiative to learn, hopefully the academic results won't be too bad.

bearcat2003

1身教。
2家庭生活不被電腦電視控制。
3愉快學習。
4逛街的話，多去書店打書釘。

之媽

樓上的建議都好好
趁細個D書簡單我仲識讀，實行開心親子伴讀（中英文都得，當然最好並行啦），最好每日小小時間，曰子有功就陪養到閱讀興趣。

yipcharie

咁每日要閱讀多少時間? 我女女k3, 每日只係拎d 書睇5-10mins 就算, 咁係咪都當係愛閱讀呢?

marcuscyrus

yipcharie 發表於 12-4-10 17:50
咁每日要閱讀多少時間? 我女女k3, 每日只係拎d 書睇5-10mins 就算, 咁係咪都當係愛閱讀呢?

那怕只是1分鐘，都好過唔睇書
如果你想佢睇多d耐d，試下伴讀

linseymom

非常贊成！

kbi

亞囡18個月，而家每晚瞓前會係大床度攬住佢一齊睇故事書。d書得10頁左右，以圖畫為主，再加一小段英文。我會讀比佢聽，如果佢對圖畫中的物件有興趣，我會講下d物件既野比佢聽，因應佢既興趣黎講。亞囡超鍾意，每晚食完奶，會好大聲同好開心禁講book please.

manmanchubb

回復 yani8322 的帖子

要小朋友鍾意睇書首要係點樣引起佢閱讀興趣,
再睇得多時佢會更愛吸收知識,更有推動力,
不過如果屋企經常開住電視,家庭成員又經常用 i 產品,甚至比埋小朋友玩,
就要改善呢個環境同習慣先,
建議先拌讀,及以書中小朋友喜歡的人物/物件引起佢注意,
讚下佢,唔好要求佢可以睇幾多頁,鼓勵下佢,希望可以一次比一次更留意內容便可以了,
閱讀可以是先養成習慣,再就呢個習慣養成興趣,到時就會成日拎書睇,加油

猴子爸

自己不喜欢读书，但想仔女喜欢读书，于是找其他人令到他们喜欢读书。。。
自己不用功，但要求仔女殷勤读书，将来有好日子。。。
我们都喜欢不劳而获，心想事成，马到功成，东成西就。。。但不喜欢愚公移山，铁柱磨成针。
可惜，世事往往都是事与愿违，徒叹奈何！

之媽

原帖由 yipcharie 於 12-04-10 發表
咁每日要閱讀多少時間? 我女女k3, 每日只係拎d 書睇5-10mins 就算, 咁係咪都當係愛閱讀呢? ...

又唔可以用時間衡量既，最初我囡囡2歲時都係睇得一本（每本得幾頁），我讓她感覺伴讀是開心的，好玩的，故事我會講得精彩D有時分分鍾加埋手勢唱歌及模仿，佢分心我就停，有禮地話佢知佢一定係倦了，下次再讀。
之後佢會認為有媽咪伴讀，就好似俾糖果一樣，追住你，想你讀。依家快3歲，如果我們一整天在家，會一日追我三次講故仔，每次5-8本書仔。佢年紀細，集中力有限，呢個程度我滿意Lu ,我也努力中呢！
重要的是佢對reading 的熱誠同興趣，不在於時間同數量！
(同樓上有家長講的一樣，家庭配合也緊要P.S.我唔多開電視）

cowmoon

同意，四歲前不要用 iPad iPhone 電腦，少睇 DVD。每天陪閱讀圖書（不論深淺），其實要培養閱讀興趣一點也不難。