正式開始戒片3日成功了！

BKVIP

其實小兒已經3歲3個月，一直的唔起心肝為佢戒片，可能因為我個人認為佢仲未表達到，所以一直無決心去做，朋友知道3歲仲未戒片都用怪責的語氣，有苦自知。

但原來佢可以做到！仲要第3 日已經成功，希望佢保持下去！要大力讚佢叻仔  

所以唔好睇少A仔的能力，佢地一樣可以做得好好！

Kei0122

我尋日都開始同阿仔介片，去左3次廁所都呵唔出，點知轉個頭就呵到成褲都係
請問你用咩野方法同佢戒架

BKVIP

Kei0122 發表於 12-4-5 16:13
我尋日都開始同阿仔介片，去左3次廁所都呵唔出，點知轉個頭就呵到成褲都係
請問你用咩野方法同佢戒 ...

你俾佢著尿片定學習褲定係底褲仔？

我以前試過用學習褲，點知失敗左，佢都係照在上面柯。原來佢地會依賴左學習褲，因為就算柯左都唔怕。

前日開始只係俾佢著底褲仔(買左12條準備係咁換)，係咁同佢講大個仔要著底褲仔，BB先著尿片，要尿尿/屎屎要出聲。

頭2日佢唔知照在上面柯，柯濕左俾我話佢 (當然唔係鬧，係好長氣咁重覆以上講既嘢，每濕一次就話一次，俾條濕既褲仔佢睇)。

仲要無時無刻問佢要唔要尿尿，佢如果想就會走去尿壺仔，無佢就會話"我唔柯"，要10-20分鐘問一次，咁佢試過成功無整濕底褲仔就柯到要勁讚。

同有一樣係我買左個尿壺仔，佢企住時我拎起個壺仔對面佢JJ，以前我要佢企在登仔在成人廁所，佢好抗拒。

aaaa1234

我仔仔2歲就識得去廁所，而家返學就要著學習褲，唔知幾時先可以唔使著。。