主流K1 repeat 又 repeat

Capricorn2521

朋友兒子小時發展遲緩，2歲入S位，4歲時因為媽媽覺得S位冇教學術野，話個仔連K1野都吾識，要轉出主流。因為果小朋友冇行為及情緒問題，所以幼稚園收了及轉咗E位。媽媽都好努力咁幫小朋友追，好多好多自費訓練。 不過，依家小朋友5歲半，讀K1，老師建議下學年(即今年9月)再 repeat k1，媽媽拒絕了，因為媽媽認為再 repeat，到上小學就冇咗適齡果10分。

我聽完果感覺係........ 比夠30分你都冇用......苦了孩子又苦了自己！

why-me

你叫你朋友面對現實吧! K1都要repeat, 可想而知佢兒子跟本未到學習智齡. 勉強只會令你朋友以後更傷心.

kelvin_hmlau

我的諗法係: 我地d 仔比較適合去試讀d 零分都收的小學. P1上學期如果考試成績去到下游, 學校老師校長都想辦法去教, 就在這間學校讀下去.

pollybell

我諗唔係幾多分問題,大抽獎一定有書讀,問題係媽咪本身好難去面對其他人.

諾諾爸爸

回復 pollybell 的帖子

yes, 好難去面對, 淨係買輪椅, 推著輪椅的感受,  一般人都好難理解.

szeszes

5歲半讀 K1, 其實完左 K3, 都係過左適齡 (加多2年係7歲半), 就算有15分, 都未必可以入到心儀既小學, 講真, 小朋友到時一定係有書讀, 只不過可能係一些所謂差少少既小學, 有時少些學生, 老師會多些時間去教小朋友

另外, 夾硬讀上去, 只係令小朋友+父母辛苦

Olympian

不過我諗家長真係無諗過5歲半都追唔上K1，唔知點解間S學校會比佢出主流？
幼稚園又奇怪，仲叫佢repeat，叫個6yr 同班3yr 一齊上K1，個細路點差都知自己好有問題，點會接受....

pocoyo123

我也見過以前亞仔S位有家長自己轉出去, 亦好明顯佢小朋友能力未追到, 學校有好言相勸, 但見家長係一意孤行,無奈,
除非要讀名校, 否則幾多分係無影響, 由此看來, 這位家長一心想上名校,.
不要說名校, 就算一般直資,私校, 我們的小朋友也很難入, 出面的小朋友, 已經進化到不是我們想像到

Capricorn2521

回復 pocoyo123 的帖子

你估得冇錯，s位係吾建議佢轉出主流，仲叫咗心理學家同佢傾。不過，佢吾聽。

而我個人覺得，幼稚園叫你repeat都係冇辦法之中的辦法。

呢個小朋友，睇樣都知道係擲界(即有限智能)。反而上星期在S位學校見到一個好可愛的長髲女孩，穿著校服(即不是e位學生)。我首先同佢工人姐姐話: She is so cute ! 然後我再問小女孩: 你叫咩名呀? 佢會頭轉向我說出她的名字。我再問：你幾多歲呀? 工人姐姐回答我：2歲幾。小女孩然後行去nurse度檢查身體，準備入課室。真係好好奇想知道吓佢點解要讀s位。

pinky03290

小兒係大仔3歲半入學重讀一年,今年9月7歲半讀小一,都無左適齡果10分,唯有等大抽獎  樓主,有限智能有樣睇架咩?

apple~y

入得s位教學術野一定淺,
我會因應小朋友能力,係屋企教多0的
但係s位各方面訓練就真係跟得好,
老師有愛心,小朋友都鍾意番學校

414928

父母接受唔到自己小朋友有問題,對小朋友來說不是一件好事。要去教導的不是小朋友是這位母親。

crystal媽咪

而家咁睇已經唔係夠幾多分入小學的問題, 即使比到30分入到小學, 但我相信真係跟唔上.
我大姑奶都係咁, 其實在佢小朋友歲多時我已發現佢唔同, 一歲多唔識扶物件企, 2歲4個月至可以扶手行. 而家4歲多仲未識講野.
但在佢2歲多時, 身邊所有人, 包括我都有提過佢要注意, 佢同奶奶都覺得男仔講野慢係正常, 但連一d bubu牙牙玩聲的聲音都無. 到2歲半評智能得歲半, 語言一歲, 一直唔肯入s位, 到上年又係讀完k1 , 要repeat k1, 間幼稚園直頭唔想要佢, 話repeat無k1位, 咁升上k2呢 !??!  又話小朋友唔鐘意寫字, 上k2都無用, 最終離校repeat.
上年9月份再讀返k1 , 終於正視小朋友的問題, 肯排s位. 但都而家呢一刻都仲未入到, 今年年尾又5歲了, 不止係語言 / 連智能辨認字詞都未得 (我指的是講1, 要取1字), 除了害了小朋友外, 他的父母第時都要承受. 更離奇的是我奶奶都而家都同別人講點解男仔咁遲都唔講野, 我的擔憂係再唔落去處理, 我真係擔心佢入s都唔講野, 因為佢已習慣用哭 / 叫黎滿足.

如果小朋友的父母唔覺得係問題, 外人怎樣著急也是徒然的.

owl_2046

Capricorn2521 發表於 12-3-30 09:54
朋友兒子小時發展遲緩，2歲入S位，4歲時因為媽媽覺得S位冇教學術野，話個仔連K1野都吾識，要轉出主流。因為 ...

佢已5歲半, S位6歲要離校, 相信佢要讀特殊學校了.