你認為呢間學校的老師好嗎?

lyanc

唔好....！
d老師教完就算，從來唔會考慮d學生明唔明！
仲會將教學既責任推比d家長！
就以我小朋友為例，今年小三
小朋友常告訴我抄不完黑板的家課，為什麼？老師上堂時唔比佢抄，轉堂既時候班長又唔比佢抄，放學又要趕住排隊走！最後抄漏一兩份，第二天又三角！
老師唔會去幫你手諗下點解決，只會話係家長跟功課跟得唔足！老師！我地都緊張小朋友既學業架，如果可以既話我直情入埋學校幫佢抄埋啦！家長跟唔到就叫佢去補習社，咁，跟本返學唔駛上堂啦，補習就ok啦！
同埋，間學校既女仔都好乖，但男仔入去一定學壞，我既小朋友就係咁！仲要講野都粗俗哂！如果個小朋友捨得離開呢間學校既話，我寧願佢轉校入鮮魚行！

lyanc

抄不完家課的理由，是小兒告訴我的，小朋友也不會故意說謊吧？
操場只有小一的家課，請教一下小三往哪兒抄呢？讓我告訴小兒
小兒跟我說，老師教學生校內的都是“同學“，不可能是“朋友“，那我問他“放學就可以是朋友啦“,他回答“老師說不可以！“,我真不知道是老師扭曲學生思想，還是小兒想扭曲我的思想！驚訝x100!
每次去家長日，總會有幾個男孩說些較粗俗的說話，自問不是“虎媽“,但覺得都是不適合小朋友說的說話，小兒回家也會說，細問之下小兒說都是同學教的，老實說我對這所學校的校風有點保留
鮮魚行會教導學生如何與同學相處，不像現在的所謂高等學校只求名聲，成績，不理學生生活態度和自理能力，即是德育方面較差

lyanc

幸好，平時我教導小兒既方向係講道理同百忍成金，小兒好樂意同我分享學校情況同感受，我先了解到學校既教策係咁另類，請體諒我既愚昧。
老實講，小兒初初入學我都同小兒講，做任何野一定要聽老師話，依家我真係對佢地冇哂信心！我諗我要重新導向小兒返學既處事方針！

lyanc

fine, can u tell me how to research this result? I think the students who have the best score, the teacher must be like them most. In fact, my son is a average one in his form. Half year ago, a student talked to my son. But the situation talking was banned.  then my son hadn't feedback to him. The teacher knew that but she punish my son only. What's wrong with him? Is it discrimination?
I think the teacher can't fix the problems in students' communication. They want to finish their teaching work only.

lyanc

自私d講句，我唔係一個勤力既媽媽，我最初係因為近同間學校聽聞幾好先入學，小朋友又唔駛六點幾起身返學咁辛苦，小兒一年級開始已經話要自己返學了。
可憐他每天都要揹很多書，我曾經問他可不可以帶少一點，但看看時間表，每天都有中英數，中英文每科都要四至五本書或作業，再問他是不是本本都會教（我就不相信兩堂教哂四本），他竟然答我“老師話睇心情,想教邊本就邊本！時間表寫的中，英默都可能會教書！“下，我以前讀書既時候，上咩堂就帶咩書，唔會話日日都中英數，日日都要帶十幾本書，仲要睇佢心情教！此舉尤如將學生和家長放掌心把玩！
老師之中有好也有不好，好像小兒教數學的老師教得不錯，小兒已掌握最近教的“分數“,真的要謝謝三年級的數學老師！（不說哪一班了）

lyanc

小兒的學業，我向來都不勉強他的，盡力，開心便可。因為小兒都很懂事，我也沒太大壓力。（就只是不喜歡讀書）
小兒跟我說他沒有犯錯但受罰了，我亦考慮過他有否說謊，可是他這些年來都沒有向我說過謊話...他告訴我，某些老師不會懲罰乖學生。我失望了，現在難道就沒有“春風化雨“的老師嗎？還有更多類似的問題，不過不在此盡錄了。
人總會有不同的相處方式，有天我跟小兒閒談跟同學的相處
我問他，為何你不多跟成績優異的同學請教？
他說，那些同學說他笨，說了他也不明白
我問，那你和頑皮的學生玩呢？
他答，我不喜歡和頑皮的同學玩，他們很壞。
哪你就沒朋友啊？
都有兩，三位啊！我不要跟那些難相處的同學做朋友！
真是很可愛的小朋友！
不過，由對話中可知校風如何，那些“好“都是學校吹捧出來的。
資源多，每星期鼓吹一至兩項課外活動，可是小朋友應付得來嗎？
我不想小兒壓力太大，快樂成長就好。

lyanc

我問過小兒想唔想轉校，佢話唔捨得d同學喎，心諗佢已經慣左，要佢適應新環境好辛苦，我地大人轉工，搬屋都會唔慣啦，何況小朋友！

lyanc

其實小兒冇不滿的，他都不知道老師教育係有問題的，只係我作為家長覺得不滿姐，可能小兒讀多幾年，eq會高好多！

lyanc

我小朋友讀緊三年級呀
上網睇功課只有一年級先有
咁都岩既，要學生即時抄低d功課，我以前讀書都係咁（都廿年前嚕！）
但係轉堂，小息，放學唔比人抄就有d過份。比d空間人好喎！

lyanc

倒哂出黎咁過份？學校一定逐本書話“呢樣可以帶，呢樣可以唔帶，係你冇留心老師話要帶邊本姐！“
就算家長日，老師被我質問到無言以對既時候，就會將個責任推比個小朋友，嚇到小兒唔敢講野又眼淚盈眶，到見完之後小兒先解釋返佢根本冇做過！好心痛小兒。原來我幫佢揀既學校，老師同學生都一樣喜歡欺凌！

lyanc

我好少同其他家長交流，唔係好知道同學之間發生咩事
好似有一次，小兒被其他家長投訴話佢用電話騷擾同學，但係以我所知小兒唔會打比同學的，甚至連同學電話都唔會記住，反而成日有同學打電話黎搵佢，仲要唔比佢收線。。。無端端安守本份都比人投訴，就知道平時係學校食左幾多死貓。。。悲

lyanc

唯有祝閣下既小朋友學業進步。。。唔會比人恰。。。比心機呀。。。祝你同小朋友好彩，搵到個好品既老師教啦！

lyanc

由最低層既老師去到高級如主任都係冇愛心架，幾咁心寒。 我每次去家長日，小兒見到d老師既物體都會打招呼，但係佢地就擺哂架子咁，一係個頭“嶽“到勁高，一係冇回應，雖然唔係服務行業姐，唔駛連基本禮貌都冇呀？小兒係屋企對老一輩同弟弟妹妹都越黎越冇禮貌喇，好彩仲會怕我同爸爸！去到反叛期一定仲難攪！

lyanc

sorry呀，我係講個別老師囉，如果冒犯到你小朋友既歷任老師既話就唔好意思啦。你唔同意我唔緊要，我都係喺度抒發一下感受姐。家長係責無旁貸，小朋友做錯我都會責罰佢地，品行方面我係非常緊張的。閣下無須急於維護學校丫，我都係有果句，講果句姐，我絕對唔係惡意抹黑架！如果係講親你同你小朋友心愛既學校既話，咁就要怪學校裡面既害群之馬喇，人都有分好壞啦！個個老師好似我講咁衰既話一早執左啦。

lyanc

另外，我所講老師既白鴿眼係我每一次去家長日既親身經歷。
亦都請閣下收起你既道理，你講野既感覺就好似lovingyou所講既“學校將責任推比家長“一樣。
亦都唔係話緊貴子弟既老師。
我唔會比小兒做世界既中心，但係佢就係我世界既中心

lyanc

check過，小兒冇讀寫困難或專注力不足，如果你有心繼續維護學校既話就繼續，小兒讀左三年，都知道哂學校有幾黑暗，如果你仍然話學校入面一d問題都冇既話，咁冇你辦法，有好有唔好，唔該你攻擊我同我小朋友之前，諗下我講過既野有冇攻擊到你，得罪d講句，你講野都唔好得過我好多。失覺哂星級家長，我去其他討論區呻。