請問"搞革命＂的書面語應如何寫？

恒心

老師說不能用"搞"這字，但我想不到應用那個字才對。

Yanamami

"從事" 革命活動?

linseymom

個人認為「搞革命」已經係書面語啦喎。大陸好興講「搞衛生」、「搞好建設」，「搞破壞」等等。如果用「從事革命活動」似乎缺少了那種轟轟烈烈加暴力的含意。睇下你係講緊毛主席嗰種革命，定係和平不流血的革命啦。或就咁講「革命」都可以。

linseymom

不過佢老師都啱架，唔好令香港的語文都與北同化，成日搞乜搞物，打造乜乜物物，建設乜乜物物！睇見到想嘔。

stephanielum

推行革命運動

恒心

我查過字典，「搞」字的例子有「搞社團」，咁「搞革命」都似應該係書面語。

yiyiyima

“搞”一詞，原是粵語區使用。清末以來，廣東一帶始終站在社會變革之前，革命先驅中許多是廣東人。“搞革命”一詞，于孫中山起事后，方流行全國。內地
還用“鬧革命”“干革命”。這些皆是口語。在正式的書面報告里，一般用“從事革命活動”。

littlecarey

"搞革命"從粵語讀音比較口語化,不夠文雅,而且未能清楚表達做什麼,內容含糊,
大陸常常說搞乜搞物,其實係表達含糊,學生學語文係唔應該這樣寫的
佢應該寫"推行xx運動"例如孫中山先生推行辛亥革命運動;保釣人士推行保釣運動,捍衛釣魚台主權