浪費衣服

piyohk

為什麼當小孩在學校賴poo-poo後，學校的嬸嬸總是丟掉內褲。不是要求她們清洗，但為什麼不把它放在膠袋裡，叫小孩子帶回家清洗。

gwlam

吓？ 我間幼稚園會用膠袋袋住比返家長處理wor ..... 你應該向主任反映下....

gwlam

同埋d嬸嬸通常都會係咁而“籮“下先放落膠袋到。。。

linseymom

係囉，一般都會洗兩嘢，再放落膠袋交比家長，點會當垃圾？定係已污漕到唔掉唔得？

gwlam

唉，就算點污漕，掉定唔掉嘅决定權應該留返比家長自己决定。。。 條底褲又唔係佢嘅，點都唔應該問都唔問就掉 ....

linseymom

咁又係，你最好問校方了解下

piyohk

再髒都可以洗，這次不是很污穢（老師已打電話說給我知）。只是覚得她們很浪費（當然不是她們的錢），還有她們很lazy。若她們覚得髒，那她們不應做這工作。這是小孩子必經階段，我也不希望小孩仍然停留在階段。

gisoleung

吓！我未聽過掉喎！上次仔肚痛都洗好放入袋比返我！邊區呀你？

gisoleung

吓！我未聽過掉喎！上次仔肚痛都洗好放入袋比返我！邊區呀你？

dolphinmama

真係唔會掉喎,雖然只係試過一次,嬸嬸仲洗到冇咩味先俾番我地,攪到我都唔知原來亞仔係瀨大唔係瀨細,真係傻更更的媽咪!

bopui0607

唔會丟！咁搞法丟得幾多條？

BBG1

有學校會講明如果有popo會掉底底架！因為污穢，交差感染等。雖然唔環保，但好過小朋友帶住popo回家。

雪晴晴

我細女讀n1,在兩歲剛插班時試過瀨c,咁當然包返污糟底 面褲返黎，當奶奶幫妹妹洗褲時開膠袋，居然學校姐姐連褲帶c包埋返黎

piyohk

老師唔會掂，小朋友又唔會拿出來玩（學習已經很忙）。怎會交叉感染？這是否籍口，還是嬸嬸懶懶呢？或者可考慮穿穿紙底褲。

BBG1

老實講，我都覺得掉係好浪費，但始終係popo，就算嬸嬸沖走popo，始終也污穢。而且個袋唔擔保唔會穿呢！唔怕一萬最怕萬一呢！如果小朋友一早就賴了，到放學我唔敢想像袋野會有幾多菌。
重有，小朋友賴popo好多原因，如果真係唔舒服，就真係會有病毒呢！就算無病都污穢啦！
嬸嬸咁忙，點會有時間洗呢？個個賴，嬸嬸要個個洗，仲得掂？好污穢呢！我寧願嬸嬸做多D對小朋友有幫助的事，好過洗底底囉！
我也明白條底底係個人財物，學校無講過就掉，是學校不對，但如果覺得有問題，我覺得可以同學校講聲呢！我女學校，一開學就會出通告通知家長，因衛生問題，如果底底有popo是會掉的。家長學校最重要係有溝通。(純個人意見)

marcuscyrus

其實我D仔細時我自己都會掉佢地賴到臭的底(尤其如果不幸在街出事的時候)
如果唔係即浸即洗，D 嬸嬸只係"係咁2"洗下就放返書包，書包入面有好多小朋友成日會掂到的東西，如書/茶點盒之類，都真係有點唔衛生

Anpanmama

BBG1 發表於 12-3-24 12:39
有學校會講明如果有popo會掉底底架！因為污穢，交差感染等。雖然唔環保，但好過小朋友帶住popo回家。 ...

agree!!!! 衛生問題!

spmok1999

幫你沖乾淨係好心, 掉o左佢亦都係一個正確的處理方法...

ramen

如果嬸嬸要負責埋洗有大便嘅內褲，之後又要協助安排茶點同幫助照顧小朋友，覺得有D核突囉。所以丟左去都正路囉。其實K1小朋友都應該好少會瀨大便吧~

crystal媽咪

每間做法都唔同, 救xx絕對會幫你掉, 但有d學校做法唔錯, 可以反映比學校參考.
有間學校如果小朋友poo poo,  如是不舒服肚瀉的便會掉, 如果正常的或小朋友趕唔切那種, 會用水沖走poo poo, 用膠袋袋好, 放在toilet一個特定的垃圾桶內.
然後貼張紙在小朋友書包上, 放學時就記得在toilet取返條污糟的褲, 因為有時小朋友弄污的不止是內褲, 所以做法都okay, 又唔會怕小朋友在書包取東西時弄污.