想問協幼的中英普程度

MamaRabbit

協幼很出名,大家都讚小朋友的德育好,但也很想知道協幼的中英普程度如何?
例如一星期多少節net 和 普通話課? k1 中文和英文會學甚麼? 有phonics學嗎?
請現任協幼家長指教一下^^

yywing

K1 課程中等，中文偏深，冇net，有聖經堂。上學期:phonics A-M； 中文:我自己會讀，紅色8本；英文reader8本，PTH 一星期兩堂；英文一星期三堂；數學:1-10，學期中逢星期五有3頁功課，課堂都會做練習，有線條，填色，數數，認中英字。下學期phonics N-Z；中文:我自己會讀，橙色8本；逢星期五有3頁功課，老師預告要背金句，每日都有功課，上堂要介紹物件(show and tell)

MamaRabbit

yywing 發表於 12-3-23 16:50
K1 課程中等，中文偏深，冇net，有聖經堂。上學期:phonics A-M； 中文:我自己會讀，紅色8本；英文reader8本 ...

謝謝你的回覆! 你說k1沒有net,但我睇返d 舊post,不是說天天都有net課 15-20分鐘嗎?

我仲覺得幾好喎,每日都有net堂上,而一星期2次PTH也OK,叫做可以開始學下!

咁請問英文reader是那一個出版社的呢? 有冇默書架?

你囡囡讀得開心嗎?

yywing

他們的net 是中國人,not 外國人，it seems they are born in HK
Use step into reading for English Lesson

MamaRabbit

yywing 發表於 12-3-23 17:59
他們的net 是中國人,not 外國人，it seems they are born in HK
Use step into reading for English Lesson ...

其實我都見過有家長的BLOG D 相,個NET 是中國人,佢話她們只懂講英文,我估是ABC吧~
如果係都總比香港老師教英文好一點吧~

雪豆

我估大家都唔好以NET是不是外國人去定學校的教學質素。其實好多local老師都比外藉老師勤力同用心教小朋友。

MamaRabbit

我絕對同意你的講法,只是在囡囡呢個初學年紀,我希望佢可以多聽正確和純正的發音,所以都期望幼稚園可以有net 堂,比佢多聽多接觸!

雪豆 發表於 12-4-12 15:07
我估大家都唔好以NET是不是外國人去定學校的教學質素。其實好多local老師都比外藉老師勤力同用心教小朋友。 ...

mandycmt7

阿女起學之園返PN，因為有外籍老師做班主任，見佢返屋企講英文時，D口音都好似跟左老師，真係有D唔捨得放棄該校。

MamaRabbit

mandycmt7 發表於 12-4-18 00:57
阿女起學之園返PN，因為有外籍老師做班主任，見佢返屋企講英文時，D口音都好似跟左老師，真係有D唔捨得放棄 ...

對呀,如果由細到大聽開native speaker 講英文, listening同oral都會正好多架,
你囡囡係學之園可以直升嗎? 為何要放棄? 學之園我waiting o乍~

mandycmt7

回復 MamaRabbit 的帖子

佢而家讀緊PN，可以直升K1，不過到了小學又要再同人爭過。
而家我地就十五，十六，唔知選協恩定學之園。
協恩有D機會上協小，而學之園程度唔差，有英文及普通話老師長期起課室，對小朋友語言一定大有提升，所以......煩惱中
你有咩意見可給我呀！

MamaRabbit

mandycmt7 發表於 12-4-18 18:09
回復 MamaRabbit 的帖子

佢而家讀緊PN，可以直升K1，不過到了小學又要再同人爭過。

嘩~你比我難揀很多了! 因為我有的offer並沒有學之園呢類雙語幼稚園,我和老公都認為,如果SC或者學之園收亞囡,真係可能會放棄協幼都未定!

語言方面,一定係學之園優勝,不過你計畫幫亞女報那類小學呢? 直資還是津校? 如果目標是直資,學之園考直資成績不錯,
(見http://www.learninghabitat.org/hk/placement_results/pr01.htm)
但協幼的升小成績也好像不錯,去年升協小+私小+直資共88%,即60個學中有起碼50人考到好學校,當然數據是否可信就唔知道了...

雪豆

小朋友自細對Native English Speaker對佢學習真係會好d?若果想佢英文好，等佢大d再送佢去外國讀書都唔遲。
近日我都有俾身邊的朋友質疑我送個女入HY的決定，一來佢地話HY的程度淺，二來HY離我屋企比較遠，要佢咁細個就山長水遠咁返學會唔會殘忍o左d，最後就係同個女揀了間女校，若果我第時生多個仔，咪"帶摯"唔到細佬入學？
對於呢d問題，我思前想後，都係決定俾個女入番HY
原因如下：
1. 程度淺都未必係壞事ar，好多int'l kg直頭唔駛做功課添，但響呢d學校都出好多精英。小朋友細細個就係要玩下，建立下個人品德，學識點樣同人相處，同埋慢慢培養佢對事物的好奇+學習興趣。HY程度淺唔緊要，"夠用"o黎入協小就得啦。
2. 返學需要搭車未必係壞事o黎o既。由於自細我都要搭車返學，要預早d出去，所以都養成o左守時返學o既習慣。
3. 算吧啦~唯有到時等細佬"自食其力"啦~反正家姐都係一樣。 :)

mandycmt7

回復 MamaRabbit 的帖子

正如你說，數據可信程度，學之園D戰績唔錯，但又有幾多小學會考慮埋家長背景呢？正如民生，阿女面試表現超好，不過都係waiting，周圍朋友初步統計過，佢地收生以家長背景考慮先，家長學歷高會先收，因我朋友阿女面試當日病，表現一般，但因父母為高學歷一族，所以收左。正因如此，我擔心學之園名氣唔夠協恩好，小學可能都會以小朋友在那間幼稚園畢業作考慮，所以呢樣係我地選協恩之一因素。

雪豆

MamaRabbit 發表於 12-4-17 14:10
我絕對同意你的講法,只是在囡囡呢個初學年紀,我希望佢可以多聽正確和純正的發音,所以都期望幼稚園可以有net ...

明白。是否為小學升別的學校鋪定路呢？

MamaRabbit

mandycmt7 發表於 12-4-20 00:57
回復 MamaRabbit 的帖子

正如你說，數據可信程度，學之園D戰績唔錯，但又有幾多小學會考慮埋家長背景呢？ ...

其實我都唔肯定,到底幼稚園的名氣會否影響升小學,話完全冇又唔係...

但我不是舊生,入協小機會相對低,不過HY名氣高,唔知會否對升其他小學有幫助呢?

MamaRabbit

雪豆 發表於 12-4-19 17:00
小朋友自細對Native English Speaker對佢學習真係會好d?若果想佢英文好，等佢大d再送佢去外國讀書都唔遲。
...

我記得你是協恩舊生,其實知唔知道,協幼程度是否真係屬於好淺呀? 有冇識人女女讀緊協幼?
唔知協幼是否"夠用"入其他直資小學呢?~因為我女入協小機會細

仲有,可否分享多D協恩的優點? (幼稚園,小學和中學都可以)好想了解下呢間學校THX

另外,捐錢方面,HY的做法如何? 是否很多和一定要捐?

雪豆

MamaRabbit 發表於 12-4-20 12:44
我記得你是協恩舊生,其實知唔知道,協幼程度是否真係屬於好淺呀? 有冇識人女女讀緊協幼?
唔知協幼是否"夠 ...

我都有聽到有neighbour(她2個女兒都讀HY)話協幼的程度較淺，少d壓力。不過對我來說，"程度較淺"呢個形容詞只等於"相對於其他較催俗型的學校淺"，而不是"淺到離晒譜"。(以前的年代協幼得低班同高班，係近年先轉為3班，所以我的年代同依家的年代課程編排應不同。)我睇過HY的EDB的質素評核報告(2008 - 已是最update的了)，裡面都有提及:
學校減少操練式的習作，增加繪畫紀錄、資料蒐集、新聞分享、中文部首學習等課業，讓兒童應用所學，課業
內容與生活貼近，能增加兒童學習的動機。
另外教師嘗試調整過往以教師作主導的教學策略， 減少直授傳遞的方法，較多利用小組教學，讓兒童共同討論課程議題，加強他們於活動過程中的參與。
學校與屬校小學緊密溝通，商討課程的銜接和小學生活的適應，良好的幼小聯繫有助兒童對新學習階段的期盼與信心，也促進了兩校教師的交流合作，擴展教育的視野。

不過當中都有提及學校有不足的地方，例如：
學校採納教材套編擬教學內容，但日程略欠均衡，主題學習和談話分享的時間較為趕急，學校時會因遷就英文課而把主題學習的時間切割， 未能安排足夠的時間回應兒童萌發的意念及進行延展的學習。(我估呢一方面係較值得關注的，希望近年已作改善。)

其他關於HY的sharing及fund raising問題，我已pm你。:)

MamaRabbit

雪豆 發表於 12-4-20 13:49
我都有聽到有neighbour(她2個女兒都讀HY)話協幼的程度較淺，少d壓力。不過對我來說，"程度較淺"呢個形容詞 ...

我的看法跟你相近,有人提出認為HY程度太淺,我的理解是,比起其他如SC,KV,LH...HY應該是淺的,尤其佢是有學券學校,但相信(也希望)都不會是"淺到離晒譜"吧!

其實有點不明白,HY的幼稚園的班數如此少（聽你所講以前仲少）,又不是會直升協小,感覺上HY不是集中資源辦幼稚園咁...如果佢真係轉直資,咁協幼既小朋友升協小就大機會多了~但恐怕不是3年內的事,起碼要待中學先穩定下來。

ＨＹ一收左我個女，我都即刻睇左ＨＹ的視學報告，相對比其他ＫＧ，佢份報告都算彈的多，而讚的都是偏向學校歷史／校譽方面，睇到都有點擔心，嚇左一跳。正如你所quote既內容，ＨＹ以前應該是一所很傳統，以教師為主導的KG，但正如你所講，份報告已是２００８（頗唔updated），近年或有改善也不定。

不過除非另有其他offer,我都會比亞女讀HY啦,沒有理由讀迦南唔讀HY吧...唯一理由也是最差的是,我黃大仙區沒有校巴...

雪豆

有一點，我唔知自己諗得正唔正確，不過內容大概如下：
1. 俾小朋決入教會學校或NGO旗下(意指東華，仁濟)的學校會有優勢，因為這些學校背後的教會/機構都有龐大資源，亦有多所有聯系甚至直屬的學校，對小朋決升學有一定的優勢(因教師都對聯系/直屬學校的要求較清楚，可以幫助家長多了解小朋友在哪一方面可以發揮potential，從而增加考進心儀/合適學校的機會。)
2. 通常直屬小學都儘量想收回幼稚園的學生，因對他們本身的學習程度有較深了解。所以我相信若家長非常有誠意讓小朋友上回小學，老師也很樂意為家長及學生提供支援。
我唔知道若HY轉為DSS會否優先考慮收大部份幼稚園學生，我只眼見身邊有好多其他家長為小朋友考DSS作了好多"特別準備", 總括o黎講，小朋友最終要有十幾二十張cert放入個小學portfolio度。(即是現時已要開始為小朋友備戰，同小朋友報定多d課外活動。)
可否分享一下你想小朋友升學條路點行呢？(A)想直升？(B)考其他津校？(C)只考DSS?若你的答案是(B)或(C)，你可能需要再考慮同小朋友揀一間有NET的學校，另外再同小朋友多報課外活動。

MamaRabbit

雪豆 發表於 12-4-20 14:52
有一點，我唔知自己諗得正唔正確，不過內容大概如下：
1. 俾小朋決入教會學校或NGO旗下(意指東華，仁濟)的 ...

其實亞女的升學計畫還未很清晰,再加上呢輪考K1既戰役後,更加發現我想佢讀,唔代表人地收我讀,而且我地只是一般"背景"。

我都知考DSS會比考KG更痛苦,因為是要比較小朋友能力的時候,要有十幾二十張CERT,聽起來真的想叫救命啊! 我們想試下同亞女考DSS,但如果可以直升當然是好,也想同佢報多D課外活動,但只能在星期六日進行,仲有個細女要照顧,所以一切都只是得個"想"字...

至於有NET的學校,報了...可是只得WAITING...