又考試了 >@<

lsht

好似剛派完成績表又考試了
我都覺得很倦...
你們覺得梁小考試密唔密?

DD仔

我都觉得有点无奈，但即使其他学校没有4考，都是2考2测，都是差不多，总之就是默书，测验，考试，功课。。。

kittypo

係好密集,大人有時都抖不過氣來,現今小朋友讀書真辛苦,我地D大人陪讀仲辛苦

lsht

我想試吓佢自己讀O唔OK, 加上我已陪讀2次已覺得很勞氣很倦, 所以之前同佢講我今次唔同佢溫書, 叫佢自己溫唔識才問.  點知佢今星期同我講希望同佢溫書, 想唔陪又好似唔幫佢, 陪又好似令佢好倚賴. 最後都係陪, 唯有急急準備, 所以陪讀呢兩日覺得很倦, 佢反而幾精神. 哎! 人老了, 不中用

ilovematthew

原來你們都發覺, 我仔仲慘, 日日放學後到外面做功課+溫習, 晚晚都至到7:30, 好辛苦呀, 又多功課, 又多測驗默書, 其實小朋友是否能夠吸收架? 係咪間間小學都係咁架, 他只是小一, 已經咁, 幾時到小六呀, 假期街都無得出, 唔係溫默書就是測驗, 真的我都透不過氣來, 還有些工作紙也很多, 唉, 心痛中

DD仔

读官津小学都预左，但估不到是这样厉害，若果没那么谷的学校，升中又大多不太好，給你读都不想，但见到个仔做功课，温默测考，又想他同时学乐器，做运动，真的替他辛苦，也怕他对学习失兴趣，真的很矛盾。

star1402

教得實在太快 都唔熟 所以d quiz都好差 最不滿要一曰做五頁英文'  都沒有時間跟他祥細解釋  快點做完就算

kittypo

呢期教果D又真係快到...同一科,星期一QUIZ,星期5又QUIZ,阿仔仲濛到溫緊星期一果D,我咪話果D咪溫左QUIZ埋啦,E家係要溫跟住果幾課呀,佢先好似如夢初醒..話係播剛剛派返卷回來..,唉!見佢果慘樣同眼訓樣....真係仲心痛...

ilovematthew

我仔D班，10月出世，可能細仔追得仲辛苦

CherylMammy

ilovematthew 發表於 12-3-15 16:11
原來你們都發覺, 我仔仲慘, 日日放學後到外面做功課+溫習, 晚晚都至到7:30, 好辛苦呀, 又多功課, 又多測驗 ...

ilovematthew Mammy,
請問你仔仔到外面做功課效果好嗎? 是在哪兒?
我沒有再報今期校內的功輔班了，所以留意緊外面的功課班。

ilovematthew

CherylMammy 發表於 12-3-16 14:30
ilovematthew Mammy,
請問你仔仔到外面做功課效果好嗎? 是在哪兒?
我沒有再報今期校內的功輔班了，所以留意 ...

已PM你

CherylMammy

回復 ilovematthew 的帖子

Thank You!

ypyemily927

學校的小測基本我冇同呀仔溫，因為想知佢識幾多？平時默書、考試、大測就溫！

lrxsam

梁小功課已算係適中了, 出面九龍的學校仲多功課....冇計, 始終升中要上英中, 小學的底要打好一點, 梁小呢D沒有一條龍的津校, 一定要谷, 否則好難維持到升中率的!!!

fa_fa

其實功課真係唔算多, 而每本既量亦唔多!
我開始時都會覺得吃力, 因每星期都有英文小測,
但後來知道唔計分, 是老師想同學生溫習待考試舒服啲,
所以我都唔同佢溫, 待考試前再溫錯啲題目,
各家長放鬆啲! 唔好太大壓力呀!

lsht

終於考完了
其實我也覺得梁小的功課量適中, 平時測試唔計分也是溫吓就算
所以考試溫書特別甘, 十點半先有得訓
今天彈完琴,佢就話要踏單車,當獎勵

CherylMammy

大家可以去輕鬆下了。
其實你地同小朋友溫習考試大概用幾多個鐘?

lsht

由上星期五開始, 星期五大約3小時, 星期六日一就大約6小時, 星期二三就大約7小時.
我個9月尾都算細仔, 所以都有點吃力

CherylMammy

原來呢度好多細仔細囡wor~我囡係十月。
Isht仔仔考試前溫7小時，好犀利wor，我囡大概4-5小時，開頭第一次考試佢溫到咸，好淒涼，不過到第2，3次佢已經適應左了。

lsht

回復 CherylMammy 的帖子

7小時是大數, 如果減刑如飯鐘, 借大小遁, 小休上youtube看段卡通片, 應該唔見三分一

我還記得小朋友第一次考試問:點解要溫書, 我話因為要考試, 佢再問小學點解要考試...........我答了n次後, 我無佢咁好氣就同佢講:你可以唔使讀唔使考, 明天我幫你返幼稚園讀k4等埋細佬畢業, 佢立即勤力溫書