何文田區有甚麼好的中學?

tchownyc

何文田區有甚麼好的中學?

tchownyc

tchownyc

tchownyc 寫道:
...........

hotdogpapa

何文田區冇中學！(十八區都唔識分？)

九龍城區就大把！

小朋友~讀咩小學？

成績又如何？

River2004

Tchownyc,

何文田區好學校不少，英中有華英、旅港開平、迦密、丘佐榮&陳瑞祺喇沙。
中中方面，培正和何文田官中都是成績和校風都不錯的學校。

River2004

熱狗爸爸：

何文田區也在九龍城中學校網之內哩，你這位升中專家還得多做功課啊！     

hotdogpapa

River2004：

哈哈…“熱狗”從來冇話過自己係專家！打死都會咁“昂車”去認，需知天外有天、狗外有狗…哈哈！不過幽默感仲有好多好多…

因囡囡去年升中關係，都做過些少功課：家住九龍城、囡囡派位都是區內、大大話話區內所有中學行了十多遍、各校巴士路線如數家珍、相都影過過千張、遠望區內同學之校章顏色都可以知道係咩學校(幾乎連校徽既拉丁文校訓都查過字典…因早前某原因強記數百種蘭花拉丁學名…)…所以冇可能連“何文田區”都攪錯…
一)        教署只分十八區，細分如何文田、土瓜灣、紅磡、黃埔、九龍塘、九龍城、馬頭圍、馬頭角…皆屬九龍城區也…嚴格上不能說黃埔區有甚麼好中學，只能說黃埔附近有甚麼好中學~~“白馬非馬之意”耶？
二)        活潑好動(你未領教過？…)、好奇貪玩(你未見識過？…)之tchownyc，相信是一位學生而已(“熱狗”也以小朋友相稱)，“熱狗”只係幽其一默___“何文田區”沒中學；信是無傷大雅…並非青紅皂白不分…當然假如“tchownyc”係個成年人，那也不怕…“熱狗”還有個朋友當醫生的~當然是專科(精神科)也…

kenwong

培正中學大家有冇特別

virgokaren

hotdogpapa ：

知你係度開玩笑啦！

真係佩服你！你當真行遍所有中學？
我估你只搜集 band one 中學吧？(因你囡囡是 band one)

我舊年都好似你咁行過下d 學校門口，不過我係睇下邊間學校靚！
校風看一日兩日，真的看不出什麼來！！！(我笨，又無耐性！)
不過我都會留意下放學後在商場所見的學生的表現，所以我都好似你咁成為我區的校服專家！

我以前以為自己好傻，原來你仲傻過我！

tchownyc

培正不收外來學生的o

River2004 寫道:
Tchownyc,

何文田區好學校不少，英中有華英、旅港開平、迦密、丘佐榮&陳瑞祺喇沙。
中中方面，培正和何文田官中都是成績和校風都不錯的學校。

hotdogpapa

kenwong ：
“好多爭拗”？邊度邊度….有咩好爭拗？
你我同檯對坐，面對中間一個蘋果；大家睇o既顏色都唔相同啦…

一) 令公子今年幾年級呢？
二) 點解入讀培小時明知是“直昇機”中中，而家又後悔？

hotdogpapa

virgokaren
咩傻呀？行大運嘛！一係唔睇，要睇就睇哂“區內”中學(話知佢咩 one2free啦…)~冇話全港丫…因為紅磡唔肯起地鐵！唔係點可以搵齊咁多間學校呢？搭車去到山腳就行上山o羅(為何九龍城中學咁多間係山上o既呢？…)一路行一路影相：學校、學生、巴士站、午膳地方、最重要係球場/商場(學生食煙、爆粗…界仔溝女~好好風景區…)…有幾次仲係同囡囡一齊行添，唔係咩叫“熱狗”式教育丫！佢而家仲叻過我啦~搭巴士返學係樓上睇人排隊個頭都可以口up up…KTS、WFN、WFN、MCS…HO MAN TIN…LA Salle…

Market

Kenwong:
我女儿也在培小读五年级,也有你这样的困擾.说培正是一间名校吧,它又是一间中中,香港的家长似乎还是对英中情有独钟.但虽然它是中中,为什么在幼儿园就有那么多人追捧.不管怎样,我们也因该让自己的小孩先去考一间自己心仪的英中,然后在统一派位的时候再选自己的直属中学.我相信培正还是好过普通的英文中学的.大家一起努力吧,有什么消息,大家再交流.对了,你仔仔在培小读几年级?
                    Market

DoReMi媽媽

其實我覺得係培正讀(即由幼稚園讀起)嘅得着並唔係有咩優秀或突出嘅成績,而係喺全人嘅發展,即係德育方面.我個囝讀得好開心,因佢係幼稚園開始所識嘅同學累積至小學,可想而知佢對學校熟悉嘅程度同嗰種親切感.仲有係同學之間嘅感情,佢哋係可以好坦誠相互對待,由其是係學業上,只會有互相幫助,冇咩競爭心態(唔會有明明温咗書又話比你聽未温,明明識又話比你聽唔識,但轉頭又識得做晒交埋比老師,我囡囡小學就有咁情形).所以我冇介懷培正係中中.始終我們要學嘅係知識,語言只係通向知識嘅橋樑.當然,為咗適應社會,我都會有適當嘅語言訓練比佢,等佢唔好同社會脫節.

kenwong

小兒並非在培幼直升的,
在今年才考入培小,(現讀一年班)
當日另有兩間小學收了他(禮腎,民生).
他在培正上學非常開心,
其實我對培正是非常滿意,
在教學上並沒有和其它名小學般催俗他們,(讀高一年)
小孩上學開心,家長壓力都小d. :  :

hotdogpapa

DoReMi媽媽

讚成！疑人莫用，用人莫疑！

百年老店~能夠屹立不搖，當有其可取之處！(當我們這裡o既BK們全部都百年歸老…培正不是依然在培正道發出光芒，照耀住莘莘學子嗎？)如果各位小朋友放棄培中，出面又有個家長拍掌歡送，又多一個空缺了…難為其他慕名而來o既家長想“自行分配學位”時分一杯羹 o既機會都冇！！！(呢點都係“熱狗”對培中不滿之處….有咩理由要納稅人俾錢，又冇得自行分配學位丫？整十個八個位出o黎應酬下都好掛…大佬…)

堅持教學語言~成功非一朝一夕o既事，培正咁受歡迎，一定有其可最之處！呢個世間轉左幾多次呢？(由中轉英、由英轉中…由六年轉五年、由五年轉六年…兜兜轉轉…轉到幾時…？…)培正都未受動搖…校舍仲越來越大，越收越多學生…

中中有咩問題？我都有個老朋友堅持囝囝接受母語教學(家住窩山，小朋友由小學到讀中學都係過一條馬路….)，而家唔係成為“城中大狀”…

祝DoReMi媽媽闔家聖誕快樂！
祝DoReMi媽媽既小朋友學業進步！

DoReMi媽媽

Hotdogpapa

好多謝你贊同我嘅睇法,畢竟我呢啲睇法係比較另類,未必同大部分家長相同(由英中受歡迎過中中就可想而知).

但培正對小朋友嘅教導係有佢一套,令小朋友對學校有好好嘅歸屬感.(你見咁多大商家離開學校咁耐都仲捐獻比培正,連丘成桐到今日接受訪問都仲提住佢中學嘅數學啟蒙老師,就可見一斑.現代人嚟講,忘本已經係專利),雖然未必個個培正學生都有卓越成就,但係學校,佢哋真係學到點樣互相關心同幫助(起碼我囝囝同佢同學都係),喺而家呢個社會,真係好難得口架!所以我好放心佢喺培正讀書,我亦好希望佢能順利升上中學!

祝Hotdogpapa闔家聖誕快樂!新年快樂!
並祝Hotdogpapa囡囡學業進步!愛錫父母!(爸爸媽媽真係好錫你口架!)

hotdogpapa

DoReMi媽媽
哈哈…“熱狗”都是另類的…當所有人都向東走，“熱狗”就喜歡在西面尋寶！
所以我囡囡是在托嬰園度過頭兩年，為o既係“接觸病菌”…
囡囡幼稚園係年中無休，朝八晚六，為o既囡囡可以全日接觸其他小朋友，永不孤寂…
囡囡小學係全日制街坊小學，為o既係可以“開開心心上學去、平平安安回家來”…了無壓力…
我覺得小朋友中學前階段都是“基礎”學習，咩學校都唔緊要；最重要係保持小朋友與生俱來之學習興趣不被“磨滅”！
“熱狗“深信，小朋友若學習興趣依然存在，讀咩都有出色！

哈里波特

其實你的選擇並不是另類, 而是要有錢及考到培小, 真不容易.  好似我咁, 兩件, 比得大唔比得細. 隨時個細的五分都無, 入唔到好的津小.

我私偶像陳敬創都係培中畢業, 佢同培中PE潘SIR好FRIEND, 佢地行埋培中一大群, 唔理你邊一屆畢業, 都特別關照. 因為佢地好團結.  你話, 有咁的師兄/師姐, 日後出來做事好易又有貴人幫忙. 信不信由你.

唔係間間中中我都LIKE, 唯獨培中.  你應很高興入到呢個大家庭.[quote]
DoReMi媽媽 寫道:
Hotdogpapa

好多謝你贊同我嘅睇法,畢竟我呢啲睇法係比較另類,未必同大部分家長相同(由英中受歡迎過中中就可想而知).

但培正對小朋友嘅教導係有佢一套,令小朋友對學校有好好嘅歸屬感.(你見咁多大商家離開學校咁耐都仲捐獻比培正,連丘成桐到今日接受訪問都仲提住佢中學嘅數學啟蒙老師,就可見一斑.現代人嚟講,忘本已經係專利),雖然未必個個培正學生都有卓越成就,但係學校,佢哋真係學到點樣互相關心同幫助(起碼我囝囝同佢同學都係),喺而家呢個社會,真係好難得口架!所以我好放心佢喺培正讀書,我亦好希望佢能順利升上中學!

祝Hotdogpapa闔家聖誕快樂!新年快樂!
並祝Hotdogpapa囡囡學業進步!愛錫父母!(爸爸媽媽真係好錫你口架!)

virgokaren

哈里波特 寫道:
是要有錢及考到培小, 真不容易.

唔係間間中中我都LIKE, 唯獨培中.  你應很高興入到呢個大

培正是真正的百年老校，兼是少數中中而不被人嫌棄的！