好迷惘呀

kelly1211

我個仔由6個月識坐就開始唔高興就向後撞頭,兩歲都唔肯講野,佢唔係唔識講,係唔肯講,當我同佢獨處時就會講野,對數字同外語佢特別有興趣,每次同人講byebye就會失控,就算對方只係見左一分鐘,而家佢返左學半年,有改善到,不過都係唔肯同同年既小朋友玩,同埋有時不明原因就會失控咁喊,踢野,上個月再帶去政府做評估,話佢係自閉傾向,等緊兼收位,我亦都報左社交小組班比佢上,但好似效果麻麻,佢學習同聽指令係無問題,但當有人係佢前面,佢就去推開同用腳踢開個人,唔開心會傷害自己,我其實係咪要帶佢去私家再做多次評估,同埋可以有咩真係幫到佢同我上既課程

kaka1128

請問醫生有冇講佢語言能力係點???
我個囝都係咁, AROUND 2 歲一有唔高興就撞WALL/撞我個頭, 起街見到人唔SAY HI 仲要走去打人, 仲要人地唔係左住佢行架喎, 而係佢突登跑去打人果種. 到返K1, 排隊一定會打/撞其他同學人, 老師就話, 因為佢唔識表逹, 所以好多時都係行動左先, 之後我帶佢做言語治療, 情況有改善了.

autunmbb

佢可能用左唔好的方法來表達，不過這些『方法』能夠逹到佢想要的目的，咁就會繼續用這些『有效』的『方法』來表達。

我個仔都會打人，撞頭，仲要係專登撞比你睇～～～ 綜合老師，治療師和經驗：佢打人／撞頭，唔好講有關『打人／撞頭』等字眼，因為佢可能收唔到『唔好』的意思，就會反而鼓勵這些行為。

另外，有行為問題，先要等止他這些行為，要用其他野代替這些行為，如『手仔要乖』，『同小朋友一齊玩／分享』等等。

還有，當佢有好行為要鼓勵，讚美～～～ 我個仔好鐘意人讚～～～

『失控咁喊』。。。 終有原因，可以觀察下事前和事後發生乜野事，看看找不找到端倪。如，我個仔見到貨車經過會失控，唉～～ 用左幾個月時間，試不同的方法，現家就唔會失控，但都有驚慌的表情同表示唔開心／驚驚。