去CAC做左評估了, 我之後應該點做呢???

kaka1128

我囝3.5, 今日評估為"自閉証徵狀", 言語:2 1/2 - 3 歲, 大小肌就2歲9個月.
請問我囝情況好差嗎????
而"自閉証徵狀", 即係點???? 即係輕徵自閉??? 未確診自閉???? (SORRY, 當時太緊張,冇問到醫生)
請問邊度既訓練會適合佢呢???

mandytanghk

回復 kaka1128 的帖子

佢地冇介紹一啲course或者安排一啲訓練比妳嗎 ?

kaka1128

排E位 同埋轉介去兒童精神科~
我有少少迷網 以字面解釋, 即係小朋友有"自閉証徵狀", 但又未到去嚴重嗎??? 如果我起現階段唔理會呢D徵狀, 後果又會係點呢???
語言方面我就唔太擔心了, 因為巳經上緊言語治療.
但係其他問題, 大小肌, 社交, 情緒呢D, 我需要帶佢去做訓練嗎???

hcily

自閉症徵狀即還未斷症為自閉，你也可以說是未到最嚴重，但既然知道有問題，為何不理會呢？3.5歲仍是治療黃金期，有很大進步空間，錯過了將來想補救就難。拹康、耀能、小童群益會都有很多社交及情緒管理的課程，不妨參加，至於大小肌，也可找課程，如時間或經濟上負擔不來，可多去公園玩，公園有很多設施訓練感統，可好好利用。至於小肌，多給小朋友做簡單的工作，如撕破包裝袋、拆信、剪紙等等，也有助訓練小肌或手眼協調。總之，別浪費黃金期啊！

autunmbb

kaka1128 發表於 12-2-23 15:24
排E位 同埋轉介去兒童精神科~
我有少少迷網 以字面解釋, 即係小朋友有"自閉証徵狀", 但又未到去嚴 ...

最明白小朋友的是媽媽，不過有時係唔知點面對，我地都係經過這個階段的媽媽，努力為小朋友找最好的訓練。

嚴重唔嚴重係好難講～～～ 我可以分享的是，我朋友的親人的小朋友(A)同我個仔都有類似的問題（ps：我個仔同A差唔多大），以我朋友的觀察，在1年前（2－3歲時），我個仔的情況係差過A的，不過A的父母無去面對，乜都唔做，我就同個仔不停做訓練，1年之後，我個仔的情況有好大的改善，A就仲差過1年前。

要做什麼訓練要睇你個小朋友的需要，他在學校的情況係點？你覺得佢跟同學仔的相處怎麼樣？

kaka1128

起囝囝2歲果陣, 我巳經覺得佢有自閉証, 以前要返工, 同埋對自閉証既認識唔夠, 以為大大下會冇事, 所以就不了了知.
到佢返左K1, 我同老師講佢會打人/推人, 老師就幫我留意佢, 老師既意見係, 語言發展遲緩一定有, 但自閉就未必. 所以就帶佢做言語治療.
宜家返左半個學期有多, 佢記得晒同班同學既名, 同埋所有老師既名, 會主動同佢地SAY HI. 亦會主動叫佢地一齊去公園玩, 但佢去到公園通常自己走去跑圈, 各有各玩.
而固執既行為, 佢太鐘意玩"玩具屋"既門, 不停咁開關, 唔會理其他同學想關門, 因此, 成日為左呢個問題同人有推撞.
而情緒問題係令我最困擾既,  由於太固執, 所以好多時會為左小事大發脾氣, 仲會有D失控既情況.
我老公同我既睇法有D唔同, 我老公覺得, 醫生話有自閉証徵狀, 即未係確診啦, 叫我唔駛太緊張, 佢覺得宜家巳經做緊言語治療, 就唔駛做其他TRAINING啦~
但我自己就覺得, 對於自己以前掛住做野冇理到佢有小小自責, 我巳經錯過左一年時間, 唔想再拖.

apple~y

E位條隊都好長,E位真係有排等
其實除0左語言治療,大小肌都要訓練,同埋做0下感統治療
都唔係單做一樣訓練就可以解決
所以唔係你老公所講"佢覺得宜家巳經做緊言語治療, 就唔駛做其他TRAINING啦~"

autunmbb

kaka1128 發表於 12-2-27 16:09
起囝囝2歲果陣, 我巳經覺得佢有自閉証, 以前要返工, 同埋對自閉証既認識唔夠, 以為大大下會冇事, 所以就不 ...

我覺得就算是普通小朋友，都係呢個年紀最易教，你帶佢去東去西都無乜say，同埋訓練無話做多左，因為無甩你就會停，有用才會繼續。 但唔改變現在的方式，行為問題等等係唔會改善，反而有機會變本加厲，媽媽加油。