唔見抄書簿，你會點做？

MrsFung

小朋友今日要做抄書，上堂時已告知老師沒有抄書簿，但老師之後沒有跟進幫她找回。
回家後，你地會點做？ 不交功課待明天問老師抄書簿在那裡還是用紙做左先？
為何會選用紙做左先？

YolandaTam

我通常會將啲舊簿啲空白頁留起.  所以如果小朋友唔見咗抄寫簿, 我會攞張由舊抄寫簿撕落嚟嘅紙叫佢抄喺上面, 跟住返去揾番本抄寫簿之後貼番上去.  如果揾唔到抄寫簿就照實同老師講, 照交嗰張紙.  我諗老師明白小朋友苦衷, 小朋友又有做功課, 應該唔會介意.  重點係有做功課.

jenny_wong

我會搵其他紙做咗先，之前個女都好似你地咁唔見咗功課簿，第日同老師解釋完佢都係有理冇理喺手冊入面寫我個女欠交功課，仲要喺佢手上讀埋呢個學期，唔想同佢理論

MrsFung

現在阿媽覺得係老師知道同學唔見簿,唔幫佢揾，所以決定唔做。
阿媽又覺得可能係小朋友唔好好保管自己東西，要小朋友賞欠
交功課滋味，你地覺得這做法對嗎？

YolandaTam

MrsFung 發表於 12-2-20 21:32
現在阿媽覺得係老師知道同學唔見簿,唔幫佢揾，所以決定唔做。
阿媽又覺得可能係小朋友唔好好保管自己東西， ...

但係而家冇證據證明係小朋友冇保管自己東西定係老師/簿長忘記派俾小朋友喎, 阿媽咁諗會唔會武斷咗啲?  我囡試過唔見簿, 結果原來係老師放漏佢本簿喺簿架, 搞到全班疊簿冇佢份.  至於決定唔做就一定唔好, 一則老師一定會記小朋友欠交, 如果家長同佢交涉, 受罪嘅係小朋友.  但係如果唔同老師溝通, 小朋友可能會覺得下次唔想做抄寫就照辦煮碗講大話話唔見咗本簿, 咁就難攪啦!  總之, 唔見簿唔等於可以唔做功課!

Hengying

先把功課做了，把你的想法寫在手冊上。

MrsFung

最後阿媽決定都係叫亞女唔好做，明天問老師無簿原因後再補做。
另外會再問老師，下次再有不見簿情況，學生應如何做喎？

purplemummy

比我会先同小朋友做好要抄的功课,因为这是小朋友的责任,不论抄书部是谁遗失，亦不应令小朋友失去要做功课的权利及责任,当然如何查明谁的错,我想要看家长是想了解还是责难呢?

vincher

做在紙上，不會欠功課！定d來！
一般係組員取了，第日自然見！一係夾錯其他練習簿，過幾天/一兩星期，等老師批改時發現，自然蒲頭！
一係根本在老師處，我兒也試過！明明交了作文，又話沒有，罰了留堂！作為家長，只好配合！結果過1星期，浦頭！老師見我兒乖乖留校再寫作，加了印象分！所以一字記之若……等！

MrsFung

阿媽唔比亞女用紙做左先，她要懲罰亞女唔見簿。情願之後要佢補做。
佢話唔可以次次不見功課就用這方法去做，要佢受欠交的結果。

janicetsang

阿媽是婆婆？
你才是媽媽？咁教女是你的責任，無必要依從婆婆意思。
依從婆婆會教出怎樣的女兒？你就是你媽媽教育下的成果。可能婆婆一直態度比較強硬，所以你變得無乜主見。只是我個人感覺，如有得罪請勿介意。

janicetsang

另，教育不一定是用懲罰的方法才有效。
「阿媽」好像想怪責唔見簿的人，唔見簿只是很小事。如習慣把錯誤歸咎某人而不盡力補救，對將來做人做事會有壞影響。

MrsFung

回復 janicetsang 的帖子

阿媽是指我妹妹，我睇不過眼佢這樣教女兒，所以才問大家意見。

janicetsang

oic.
雖然大家也不會像她那樣處理，但個女係佢的，佢聽唔聽你的意見也是她決定。
妳一番好意，但她也未必接受呢！

ppsfung

MrsFung 發表於 12-2-27 09:35
回復 janicetsang 的帖子

阿媽是指我妹妹，我睇不過眼佢這樣教女兒，所以才問大家意見。 ...

每個人教細路方法唔同,學校的要求都唔同, 總之你外甥女頂得住就得啦.

唔你你外甥女幾多歲和唔見嘢程度是否很嚴重.如果佢只係讀初小或只係間中一次半次,應該幫吓佢.

我都會叫囡囡用紙做咗先, 因為每天完成功課是學生的責任, 唔見薄都應該諗辦法用另一形式完成.

我覺得不一定欠交功課才是罰, 小朋友都好要面, 佢見到同學仔個個用本部交, 佢得張紙老師又會問佢,咁佢都算係同學面前出醜, 都算罰咗... 有D老師比較嚴, 揾番本部後會要小朋友重做一次,咁都等如罰咗佢.