如果由中文小學升英文中學, 最大困難係咩?

燁燁媽

想請問, 現在讀緊中文小學...是否應該選擇中文中學, 還時可以選英文小學?
如讀上英中, 有什麼應該幫助小朋友?

vincher

暑假要多讀數學 & IS terms
可以買一些英文數學題的練習，做小6也無妨，
                           免得中轉英0吾識做+未接觸過更難
如出書單，可同時買同出版社0既中文版課本

csy_ma

回復 燁燁媽 的帖子

係，我囡今年初中一既堂家姊都話，英中最難既係英數。不過我囡響剛過去既假期，老師已俾咗勁多俾佢地做……
最好暑假前開始多試做英數。至於其他，據聞最初都係複習返小學學過既，唔係太深，倒係中文，文言文既練習最初會令人無處埋手。暑假時最好睇多d同中學各科有關既古仔書，如中史世史咁，睇古仔入腦好多。

cellon

csy_ma 發表於 12-2-14 20:34
回復 燁燁媽 的帖子

係，我囡今年初中一既堂家姊都話，英中最難既係英數。不過我囡響剛過去既假期，老師已 ...

個人看法，英中最難的是：English Literature，反而最容易的是：Mathematics。

ANChan59

cellon 發表於 12-2-14 23:45
個人看法，英中最難的是：English Literature，反而最容易的是：Mathematics。

Of course, Eng Lit may be the most difficult subject, but not many schools have Eng Lit.
Integrated Science may be more difficult compares with other subjects. Depends on the kid's interest and preference.

Sherryko9

回復 燁燁媽 的帖子

以前邊有甘多所謂英文小學啦!差不多個個都係中文小學上中學(無分英中或中中).最大困難就係認為中文小學上英文中學係困難,總之"作最好準備,最壞打算"就係迎接英中的最好準備,世上無難事,只怕有心人,就算係英文小學都唔代表上英中係最好那批的學生!

新年12

我個仔係升左一間中文中學, 今年已經係 f2 , 但佢地有兩班英文既精英班, 亞仔係其中一班, 初時我都有您既疑慮, 但佢又 ok wor, 一般 f1 既時間, 老師都會就住佢地黎教既, 其實去到 f3 都已經全部用英文授課啦, 佢地好易適應咋, 吾洗太擔心呢

燁燁媽

咁除了英數. 你們覺得Science呢?
你知啦~Science都好多深字...點串呀?

Fatty

燁燁媽 發表於 12-2-15 18:36
咁除了英數. 你們覺得Science呢?
你知啦~Science都好多深字...點串呀?

雖然唔知中學science教咩，但我估如果係英小升上去果D，會容易D上手。

下面係仔仔P.6  General Studies上學期其中一科, 學: Animals and Environments，
有: Tropical rainforest, Desert, Tropical grassland, Polar region,
Animals: Penguin, Polar bear, Tortoise, Snake, Grashopper, Harp seal, Owl, Chameleon, Anteater, Hummingbird, Woodpecker...etc.
另有一課係學 Repuduction of Plants, 有一part 生字: Stamen, Pistil, Calyx, Corolla.,有D字我以前都未學過

CrabPincers

燁燁媽 發表於 12-2-15 18:36
咁除了英數. 你們覺得Science呢?
你知啦~Science都好多深字...點串呀?

你放心啦
佢地好易適應架咋
我女都係由中小升上英中
SUMMER HOLIDAY 時, 學校(中學)會有BRIDGING COURSE 比佢地
我吾知其他學校有無
但我女學校就有齊中英數3科, 自願/自費去參加
目的係想令佢地適應中學的課程
而暑期功課就係做英數EXERCISE (小學既數)
到上到中學, 學期初, 數學都係好BASIC 既野
IS 都係, 學期初時都係教D 好BASIC 既野
而生字, 老師會定期默書, 默D 生字

當然, 係英小升上去既, 會較為易PICK UP
但呢個優勢, 只會係上學期
我見呀女D 同學, 下學期, 好多讀中小的已經PICK UP 到, 成績都有進步

你要擔心既, 不如擔心中文, 中史好過啦
上到中學, 要中文拿高分真係好難
我見呀女, IS, HISTORY, MATHS, 英文 呢D 可以好高分, 但一同中文有關的科目就.............

chanwendy

Sherryko9 發表於 12-2-15 10:03
回復 燁燁媽 的帖子

以前邊有甘多所謂英文小學啦!差不多個個都係中文小學上中學(無分英中或中中).最大困難 ...

極同意, 我地細個有幾多個係讀英文小學啫, 但九成人都係讀英文架喎, 你問返你自己當年上 F.1 有幾多困難, 能夠入到英中的英文程度都有返咁上下架啦.

燁燁媽

chanwendy 發表於 12-2-16 11:52
極同意, 我地細個有幾多個係讀英文小學啫, 但九成人都係讀英文架喎, 你問返你自己當年上 F.1 有幾多困難,  ...

我當年就係中轉英後無心向學, 就算小學成績都無而家仔仔成績咁叻~我最叻都係數學....但仔仔最差就係數學>.<
所以, 我真心想請教 ^^
雖然我仔而家都只係小五....

Sherryko9

回復 燁燁媽 的帖子

其實我想講,一開始唔好睇低自己,以為由英小上英中的學生會比普通小學好,邊個一出世就識行呢?你味當每科都係英文科甘學習,有唔識就查字,而家上網甘易查字,攞起部手機已可以,就算無,其實每科的書本,實有主要的生字解釋,一係課文內,一係在本書後面果幾頁,放心啦!世上無難事,只怕有心人!唔好一開始就對小朋友講英中有幾難,只要有決心和恆心,過程可能"好似"辛苦D,但好快會適應的.如果無心讀書,就算比你讀中文亦好差!中文小學亦有學生唔合格,佢地當時都係讀中文,唔見個個成績得或合格.

chanwendy

燁燁媽 發表於 12-2-16 12:25
我當年就係中轉英後無心向學, 就算小學成績都無而家仔仔成績咁叻~我最叻都係數學....但仔仔最差就係數學>.< ...

你要搞清楚你係為咩無心向學先, 學樓上媽媽所講, 唔識查字典的話, 點會學唔到呀, 我自己八成 VOCAB. 都係中學時其他學科學返嚟架.  如果因為讀開中小就要升返中中, 咁上大學點算呀, 咪只可以讀中文囉.

chanwendy

燁燁媽 發表於 12-2-15 18:36
咁除了英數. 你們覺得Science呢?
你知啦~Science都好多深字...點串呀?

就係唔識先要去學嘛, 呢啲生字真係平時唔會學到架, 讀英中就可以 BUILD UP VOCAB., 學多啲呢類生字囉, 對作文都有用架,

vincher

至於中史科，可讀漫畫史記(大陸書城，中國和平出版社、北京理工大學出版社)，我兒最愛看！多讀幾次！
另外，學校link 中史0既課 簡報 + 看課文  

燁燁媽

chanwendy 發表於 12-2-16 16:41
你要搞清楚你係為咩無心向學先, 學樓上媽媽所講, 唔識查字典的話, 點會學唔到呀, 我自己八成 VOCAB. 都係 ...

我無心向學很多種...爸媽不理我成績, 無補習, 迫都無得迫..
中學有靚仔亞sir....
識左都係無心向學既同學, 但唔係壞學生...

所以...而家對仔仔...希望是旦一樣都唔好學我....哈哈..

kilykilyk

燁燁媽 發表於 12-2-14 14:04
想請問, 現在讀緊中文小學...是否應該選擇中文中學, 還時可以選英文小學?
如讀上英中, 有什麼應該幫助小朋 ...

我囝囝係讀普通中文小學,然後升上band 1英中,
最初也有怕他不適應,但原來小朋友適應力真的很強,
第一次統測history居然有95分,全級第二高分,
當然係好開心,但通識同地理得4x分,唔合格,
中文得59分,其他科就8字頭,平均分72分,
到第二次統測全都合格,平均分仲比上一次高幾分,有77.x分,
所以,別睇小他們能力,要對他們有信心,上到中學反而中文科仲難攞分

vincher

我也覺得中文科最難搞！要浸！講求耐力！提升閱讀能力，尤其是文言文！
我兒一向中文差，有讀寫障礙，抄幾行字錯8、9個！
暑假至今，每個星期一篇文言文，結果：這2次測考合格，當然不算太高分！
(起初我認為他上初中會肥佬，因眼見不少初中生在此科成績大退步)