我好唔開心! 囡囡覺得讀書好慘,好辛苦! (Thanks all of you)

moon988

Waiting2007 發表於 12-2-5 00:08
你說的 我都覺得有可能, 她當然希望付出後有所收獲, 但每樣都不能 盡如人意.  她覺得辛苦後都得不到好成績 ...

樓主：你個女是無自信心，她成績不好，她亦很明白，只是付出了努力但收不到她想的結果，不只你很失望，其實你個女更失望，所以你是明白你個女是有努力，只是人遇上壓力，有時會有出現錯誤，我相信你是會諒解，或者你下次不好問女女為何會錯，你轉另外的方式講給她聽，或者她不會這樣大反應，如果是我，我會同亞女講：你這裏寫錯字很不小心，這樣失分真是唔低，下次再練好些，我知你做得到，如果做不到，我同你一起練好唔好。其實我是明白你的處景，之前個女讀一年級都是這樣，後來我發現問題，再用別的方法，現在她巳改變很多。而方法就是在平時每星期將學的東西做總結，唔明講到明，再在考試兩星期前將考試內容講一次，再叫她背好生字，而平時當然要寫文章啦！在考試前出一份試卷，內容是全部她做過作業的重點，如果她說很深，就拿出曾做的作業，想她明白她自己不明白的部分，我唔知是否幫到你。

Yanamami

小女已升F1, 講講過來人的感覺....
小學時排得密密麻麻的補課, 補習, 操水, 練笛, 朝7晚11, 就是成年人也會虛脫, 生厭.  而且是由P4開始為期3 1/2的長期抗戰.  我心痛.
她只是個平庸的學生, 任憑多努力, 也只是中游.  你囡把lion寫作line.  我女總寫漏/錯字, 失無謂分. 問她也是不知為甚會這樣....  那幾分足以影響十數位排名.....但, 見他明白是為自己負責, 自己為自己努力, 態度正確, 我阿Q的跟自已說: 足矣. 我不想做制度的幫兇.  她1st呈分十分好, 但壓力令她一次比一次差.  我欲哭無淚, 但心痛她朝7晚11, 一星期7日營當役役的生活,  心想只要她認真努力, 後果我們一起來面對吧!  我會為她找到合適的學校.  
其實升中以後, 孩子進入青春期, 找一所校風良好的中學遠比成績重要.  就是讀書不成, 但品格良好, 態度正確, 孩子長大了亦自有他的出路.  其實還有很多校風不俗的band2女中.
努力吧!  為母的與女兒並肩作戰, 別做制度的幫兇, 不竟她才是你的寶貝.  當她出生的那一刻, 你的心願只想她健康, 快樂.

smallfoothk

Many do not want to go補習 , only say that if Good result maybe not go補習, give  a time to handle, but now go first.

lillymarie

聽落似是本身識，但做卷時太緊張，所以寫錯了。

這種情況，反而不要用太多時間去溫習，因為越溫習越緊張的。
如果可以的話，查閱試卷，做個統計，看看失了分數的地方， 有幾多是唔識，有幾多是寫錯了。

定一個可以達到的目標，例如上次不及格，下一次的目標是及格。

買一兩份坊間的mock test papers 做一做。定一個較容易的目標，例如學校考試有50＋分，那就定50分為目標。

囡囡四年級，哭得那麼厲害，焦慮情緒問題比考試成績更令人担心。

smallfoothk

應該教淺考深,咁不及格不要駡佢,坊間的mock test papers 有用,但名校定比mock paper更深,自己出題更貼題更有效.

YolandaTam

smallfoothk 發表於 12-2-5 17:31
應該教淺考深,咁不及格不要駡佢,坊間的mock test papers 有用,但名校定比mock paper更深,自己出題更貼題更 ...

同意, 我囡而家小二, 坊間啲中文閱讀理解小四嘅佢都話淺, 咁我一睇,實際上佢學校嘅閱讀巻思考性好重, 坊間嗰啲到四年級都仲係fact finding.  結果我要自己用坊間啲文, 再針對性出題.

qkhui

即係囡囡都係英文一科不合格, 是嗎 ?
慢慢鼓勵下佢, 噉其他科考得不是太差, 就多o的讚佢.
如果真係對學習無興趣, 或逃避就好慘
因為仲要讀好耐. 試下同囡囡傾下, 有咩壓力, 一齊去解決

Mymaggie

或許跟班主任或學校社工談一談，看看真正的問題是什麼吧? 如果分數唔得，也只有接受，入讀band3是否一定校風唔好??唔好諗咁遠住，想方法讓她先愛上學，再愛讀書吧! 又會唔會傳統學校唔適合她呢?又或者她本身有些學習困難，而你又忽視咗呢?

天天譯

幫孩子溫習要設定時限，唔好比佢覺得永遠都溫唔完。
你囡囡的情況，同佢講溫完30-45分鐘就可以做佢想做的東西，唔好理溫哂未。
慢慢build up佢自願溫書的習慣，你仲有個暑假，唔駛咁驚。

qkhui

真係要先睇清囡囡的困難, 考試太緊張真係會張o的字串錯晒. 我仔小一時都係噉
後來我地慢慢去練, 到現在巳沒有這問題, 我仔仔跟你囡囡一樣, 都係4年級, 仔仔都係比較抗拒英文, 我們只可以多o的鼓勵, 初初我地會比一o的較淺o既圖書同exe 比仔仔做, 做做下佢會慢慢建立返自信, 信心多佐, 就會易好多, 真係唔可以迫佢, 每日溫少少. 一定可以有進步, 我仔之前對數學都好無信心, 一見多少少就話唔識做. 後來出去補習, 好好彩有位好好老師, 另佢好易明白, 都係學佐6-7個月左右, 好明顯佢巳唔怕, 仲喜歡佐做數學, 每日都會做. 有時自己真係未知有方法引導, 只有試下向外找方法, 你可以試下幫囡囡找一位老師, 有時真係會有意想不到的成績.
加油 !  

ppsfung

Waiting2007 發表於 12-2-4 23:49
謝謝 熙媽媽 的意見, 很詳細 & 有幫助.  我完全同意及有些在上年至現在我都做緊, 如 叫她不用太緊張, 只要 ...

很明白你的心情,作為父母一定希望自己仔女成綪好,但現實競爭太大,每樣嘢都好似比賽一樣,小時侯讀書考試課外活動, 大個D又要爭中學大學,出來做野又要同其他人爭升級加薪,做人父母要比較自己仔女和其他人的仔女...總之樣樣嘢都有得比較...有比較就自然有第一名有包尾....雖然個個都想第一,但現實是總有人要包尾.

我自細都係屬包尾嗰班人,相反,我覺得呢個係一個訓練EQ的好機會,人總有長處短處,自己都不例外,所以儘早睇到自己的短處其實係好事. 自細我父母教我要將勤補拙, 呢個世界沒有永遠第一的人,但有永遠包尾的人-就係懶人.所以我相信只要KEEP住努力唔好放棄,我至少會叻過那批懶人,所以我的心態是要做一個勤力和知足的平凡人,我自問沒有出息的地方,但我活得知足.

我覺得你的情況也不算太壞,因為我睇得出你好緊張你個女,最珍貴的就是你地溝通得到,至少佢知道佢父母很支持佢,咁佢先有動力唔放棄自己, 所以你唔好比太大壓力比你個女,要跟據她的程度去訂立期望,咁你同佢都會開心D.

其實讀唔到書唔一定等於學壞,好多人學壞的原因係因為屋企人唔了解佢,相反班豬朋狗友明白和體諒,咁佢自然親近朋友同家人日漸蔬離...要提住自己兒女感情才是你最重要的資產,不是子女的才華...如果你覺得自女唔夠叻其實應怪自己-子女的資質由父母遺傳,子女的內在心態(是否勤力,如何面對失敗接受自己)是由父母教出來.

hugub

回復 YolandaTam 的帖子

Yolanda:
我想請教下你點幫囡囡温習?我地溫矖所有WS及習作奈何都唔合格仲好低分果隻

Hugub

YolandaTam

回復 hugub 的帖子

Hehe... 我記得我哋啲囡係校友?  
係嘅話, pm我啦, 我哋pm傾啦, 唔好騎劫人哋嘅post, 好唔好?

Waiting2007

初時開 topic 只想發洩吓, 但估唔到我反而得益不少, 這裏有很多100分父母而又樂於助人, 我好開心, 多謝晒咁多位 !  

IntotheSea

你可以俾多d incentive 小朋友，例如award等等
不過最重要既都係俾佢一個有趣輕鬆愉快既讀書環境
唔知你岩唔岩補習，呢個係一個option

qkhui

其實真係無100分o既父母, 只係大家一起分享大家的經驗
因為每一個小朋友都唔同, 唯有大家鼓勵, 大家勉勵 !
在香港的教育制度, 真係好多野唔到父母去想. 去擔心, 所以好明白做父母的心情
加油 !

MariaBraun

我同意上邊講
其實你又唔洗咁擔心。小朋友，一定係受軟唔受硬既。你叫佢記past tense佢一定唔肯，你都無reward俾佢，小朋友最鐘意candy、玩、打機果d，你offer d reward俾佢會好好多。最終你一定要令佢有興趣，但無話方法可以一蓋而論，因為個個小朋友既情況都好唔同。我個小朋友就變到俾唐佢食都唔做英文，我把心一橫送左佢去北角補習社俾鬼佬教RWI同Cambridge，點知佢又話個老師好好好鐘意返果邊學英文，咁個situation先慢慢好轉。唔知你個小朋友點啦，不過總之培養興趣先係根本。

YoyoMai0918

一睇到你篇文章，我已經感覺到你小朋友很大壓力。其實小朋友真係小朋友，佢地唔識點樣幫自己解壓。如果去到一個孩子承受唔到壓力的時候，我諗個後果一定會令家長後悔，甚至係補救唔到

有一點我唔太同意樓主的係，呢個時間唔係小朋友讀書的階段。正確黎講係佢地學習的階段。讀書目的係為左增取分數，而相反學習目的就係想孩子增加知識。而且小朋友係絕對絕對需要遊戲，唔好睇下遊戲的作用，遊戲先係小朋友成長的重點。如果家長本事可以將學習內容加插係遊戲入面，如果家長做唔到，不妨比佢出去參加一些興趣班。

小朋友每日又朝到晚返學已經好辛苦，如果仲要成日補習又掛住考試，我驚佢連訓都訓得唔好，之後就更加冇心機返學。最後連學校動機都消失埋。希望家長真係試下每晚花半小時至一小時陪佢一齊玩下，相信你會孩子成長的另一個重要性

qkhui

係,小朋友真係需要玩... 有時見到佢地返學放學做功課溫書.. 真係好辛苦.
所以通知我會比我小朋友返完補習社回家, 先自己休息, 玩下, 任佢玩咩, 抖1-1.5小時. 待我回家先再做埋未做完o既功課同溫習. 有時都好想同佢玩下, 不過真係唔夠時間,