喺我呢個case,點培養數學興趣?

YolandaTam

我囡7歲, 佢講得好清楚, 佢覺得數學重重複複咁計, 唔知為乜.  佢鍾意寫作, 佢話無論中英文, 作到話個人會飛, 穿越時空都得, 但係數學就限制咗點計, 冇得作.  佢話計來計去都係咁, 好煩.  點令佢有番興趣?  (已經有玩大富翁同UNO).  佢成績唔算太差, 75-85分之間.

SCKnight

如果你小朋友受軟唔受硬，多啲試用日常生活嘅例子去令佢了解點解數學係咁緊要。不過你小朋友又唔係差，我又覺得你唔駛咁擔心噃！

laiping

我個女都成日口口聲聲話唔鐘意數學(雖然通常都有九十幾分),不過當我去圖書館借咗一D數學故事書給她看,她看得津津有味,而家已好少聽到佢話唔鍾意,試吓找一些與數學有關係的故事書,可能有幫助!最緊要由佢的興趣出發!!!

vincher

數學搞得唔好都幾麻煩，成績係乘2，用獎勵計劃或找一些趣味數學題

YolandaTam

其實都幾頭痛, 因為以香港嘅制度, 就算再唔鍾意數學都好, 都要對住佢對到中六,  由阿囡而家小二開始計, 仲要對多十年八載!

會諗多啲例子, 從日常生活入手啦. 佢對數學思考題一啲興趣都冇, 但佢有一度好, 如果知道要考, 會比較肯做.  佢最緊張錢, 可能由計利是錢, 計買嘢用咗幾多錢開始入手啦!

多謝晒各位嘅建議!

smallfoothk

你算好好有 75-85分之間,我的年年不合格得5x分.我請老師1:1及上補習社都越計越差點算好?

瑩瑩老豆

YolandaTam 發表於 12-1-23 22:59
我囡7歲, 佢講得好清楚, 佢覺得數學重重複複咁計, 唔知為乜.  佢鍾意寫作, 佢話無論中英文, 作到話個人會飛, 穿越時空都得, 但係數學就限制咗點計, 冇得作.

但寫作只係中英文其中一部份, 其他例如grammar, listening, dictation 都係冇得作.

Radiomama

大人本身喜歡數學嗎? 這點很重要，如果成日做練習題會好悶，但係如果當遊戲玩就好好多。

YolandaTam

瑩瑩老豆 發表於 12-1-26 00:12
但寫作只係中英文其中一部份, 其他例如grammar, listening, dictation 都係冇得作.

...

係喎, 但係佢又唔會抗拒呢啲喎, 好肯做, 真係奇怪.

YolandaTam

Radiomama 發表於 12-1-26 09:15
大人本身喜歡數學嗎? 這點很重要，如果成日做練習題會好悶，但係如果當遊戲玩就好好多。 ...

我同老公都係數精. 我細個5歲就識計5年級嘅數, 不過因為第二啲原因讀咗文科,  老公直頭讀engineering.

jollyma

有呢個分數已經算唔錯，問題係你覺得佢唔似你兩公婆，放鬆一點吧，始終性格係天生，迫都冇用。

YolandaTam

回復 jollyma 的帖子

THX!你都講得啱, 或者係我太緊張啦...