用戶登入
用戶名稱:
密      碼:
搜索
教育王國 討論區 幼校討論 基教大坑東幼兒學校 - 心大心細
發新帖
查看: 1093|回覆: 4
go

基教大坑東幼兒學校 - 心大心細

Rank: 5Rank: 5


1487
發表於 12-1-18 22:48 |顯示全部帖子
有冇小朋友正在讀大坑東幼兒學校的家長,可否講下對學校comment?

我好想了解下,可否告之?

Rank: 5Rank: 5


1236
發表於 12-1-19 13:52 |顯示全部帖子
我個囝囝今年讀緊n班,我覺得佢返學好開心,而且學校都算多活動,好似之前聖誕節會上台唱歌表演,教佢地整聖誕卡,又有吊飾設計比賽,呢排新年又會整揮春、大掃除同整賀年食品等,好似聽日仲會食團年飯添,能夠俾佢地多d實習機會的確唔錯呀!

老師方面都好細心,因為佢地真係會叫得出學生個名,如果小朋友唔舒服佢地都會同你講,好似上次老話我個囝瞓完覺個頭有d熱,仲打俾我問我要唔要接佢走添!

我反而最欣賞佢地有個日誌,每日可以上網睇番今日教咗d咩,邊個小朋友有咩反應都會寫出嚟。今日食過咩餸(佢地d餸既款式唔錯架,又有營養,講真我都唔會日日咁整添),又會提你有咩要注意,豈碼我知阿囝喺學校學過乜野,我諗對於要返工既父母嚟講係一件好事!希望呢d意見可以幫到你!

Rank: 5Rank: 5


1487
發表於 12-1-19 21:57 |顯示全部帖子
謝謝你的資料,因為學校收了小女,但因為網上好似好多負面新聞,所以好担心,我最担心係D老師,因為之前有好多老師左.你覺得老師OK MA,會唔會唔夠經驗

Rank: 5Rank: 5


1236
發表於 12-1-20 14:58 |顯示全部帖子
其實我都有見過負面意見,不過我只會覺得只是小部分人不幸遇上,如果個個都有相同遭遇,我諗間學校已經臭名遠播,接埋咗好耐囉!我只會講,每間學校都有好多唔公平和令人不滿既地方,而且每人接受程度唔同。淨係講面試收生,間間學校都有唔少意見投訴啦,有d夠話人地服務態度唔好囉,到頭來個個爭崩頭報名添!至少我冇見過有一間學校係零投訴囉,如果你見到不妨話我知!我個小朋友而家讀緊n班,我相信因為佢地年紀細,所以學校會俾多d關心佢地,暫時我又冇見到有咩唔好既地方,到k1至k3就唔知嘞,呢個係我既意見!

我想知你係咪諗住一路讀上去呢,定會到k1就轉校先?講真,你同名校比當然程度會唔夠啦,尤其英文,佢地冇外籍老師,如果你想佢地開心上堂,我真係覺得ok架!我當初俾佢讀呢度係因為有好多人話好,不過我知學術方面梗係冇咁好啦,但係我諗住第一年係俾佢學自理,俾佢知道返學既紀律係點,因為呢類學校大多係適合在職父母,如果你諗住要佢補習或學興趣班,返全日就難d囉!

其實我到k1都可能會同佢轉校,但我重申唔係老師或學校有問題,只係我想佢返半日,跟住上興趣班,而且希望搵一間多d英文和普通話堂既學校啫!其實我好欣賞呢間學校有好多家長和學校合作既地方,令你更加投入,我老公都唔係太想我同佢轉校架!

Rank: 4


583
發表於 12-1-20 15:12 |顯示全部帖子
回復 lutang 的帖子

我GE 諗法同妳一樣, 我仔係將會入讀N班, 到K1時會考其他學校